¹ Olunyuma lwakano ndalola malaika und niyekha okhurulamo mwikulu. owali nobunyala bukhongo, narula mwikulu. Esialo siakhakha khulwo khubera obulafu bwaye bwali bingi. ² Yayula muidobosi ikhongo nabola ari, " Nasaye ali ambi okhusasia elidokho liobwononi elia Babeli. khulwa ako emioyo kiosi mimanu kinameya nende amayoni kechimbi chiosi akasinyisia kanamenyamo. Babeli yiri ngamudamba. ³ Owabandu boosi abebialo bengira ninaye obuyeyi ebiri nga eakhamera amalwa mangi. Kario, khandi abaruki besialo bakhola amakhuwa kene ako ninaye. Abobukhala besialo baindiyala khulwo khwenya okhukhola obuyeyi bungi." ⁴ Ndabulira idoboosi indi khurula mwikulu. Nabola ari, " Mumurulemo abaandu bange mbwe okhaye okhusangirana echimbi chiaye mbwe khunyolakho ebinyasio biaye. ⁵ Ebionono biaye biebusia okhula mwikulu ,ne Nasaye yechulisie echikhola chiaye chimaanu . ⁶ Murungie nga yarungia aba,omurungie khabiri khulwe ekhola chiaye ;musikombe sia yasasia sasia mara khaibi. ⁷ Nga yekingula namenya mukhwesangasia muberesie omusando nende ebinyolesia nga biyera .Ngolwa aboola mumuyo kwaye njikhale nga kwini sindi omulekhwa ne sindakhalole maliro. ⁸ Khulwako indalo ndala, ebinyasio biaye biakheche elifwa okhulira nende injala .biakhalibwe nende omlirokhulwo omwami Nasaye nomukhongo wamani niye omukhalaki waye. ⁹ Abaruki besialo abakhola abuyeyi ninaye, nibarekerera ninaye bachia okhulira nende okhucherera khuye nibabona omwosi kwo khuya khwaye . ¹⁰ Benama ale nende Babeli khulwo khuria mbwe banyala khusanda ngolwa ye asanda. Banabola bari, " nibimaanu biaka birie khu Babeli, elidokho liamaani elio! Nasaye achia khulisandia ambi ano khandi mubwangu! ¹¹ Abobukhala besialo banalira nende okhucherera khulwaye okhubeera aumao owakhakule khandi ebindu biabwe ¹² Bakusia ebindu biareresibwa nende idakhabu, ifesa, amakina malayi nende iluulu. Bakusia njingubo chindayi echiamanginiesi echimenamena, echio musambarao nende chingubo chiaranjayi. Bakusia chimbao echikabukhane, ebindu bioosi ebikholwa muchinjika echiechinjofu,chimbao chiobukusi, omugasa, ebichuma, nende makina malayi. ¹³ Bakusia mudalasini, ebilungiro,mafura kesingari, obubani, ifini, mafura komunasi, obusie bunyukhe, nende ingano, chingombe, amakondi, echifarasi, nende ebifaro, mibiri nende mioyo kia baandu ¹⁴ Ebiamo ebiomwoyo kwao kwekomba bikhurulirekho, nende ebiindu bioosi ebiobukusi nende ebilayi bikhurulirekho, ne khaandi khasi ochia okhubinyolakho khaba. ¹⁵ Abobukhala bebindu bino, abakholwa abayiinda ninaye, bakheme ale khulwokhuria esinyasio siaye, nibwlira nende okhucherera, ¹⁶ nibaboola bari, " mwaache, mwaache, elidookh likhoongo lilia, eliafwalwa echingubo chinge'neng'ena, nende echiamusambarao, nende echinjakhanyu, nende okhuronwa nende idakhabu, nende amakina akobukusi nende echilulu. ¹⁷ Mulisaa elala obuyiinda bukhoongo buno busasikhe. Ne buli omwirusi weimeli nende omukaanda kwoosi okuli muchimeli, nende abakenderamo, nende balia bioosi obakhola obukhala munyaanja bema ale; ¹⁸ Nibayula ngolwabalola omwosi okwokhusambwa khwaye, nibabola bari, lidookho sina elifwanana nende elidookho likhoongo lino!" ¹⁹ Nibachukha olufu khumirwe kiabwe, nibayula, nibalira nende okhucherera nibaboola bari, mwaache, elidookho likhoongo liri, omwabakholwa abayiinda bioosi abali nende echimeli munyàanja khulwobukusi bwobuyiinda bwaye, okhuba asasiibwe. ²⁰ Sangaala khulwaye ewelikulu nende engwe abarumwa batakatifu nende abanabii okhubeera Nasaye amurungire khulwengwe. ²¹ Malaika owamaani yabukula elikina eliri nga olukina lukhoongo, nalisukuna munyaanja , Naboola ari, " nilwo ngolwa elidookho likhongo lia Babeli, lichia okhusukunwa asi mumilwano khandi silichia okhunyolekhanakho khaba. ²² Ne echidoboosi echia ebebinaanda, nende abembi, nende abakhubi abamalere nende chiturumbeta, sibachia okhubulirikhanakha mwewe khandi! Ne khandi abulao omubaachi oweimbia yosi yoosi oyobubaachi achia khulolekhanakho mwewe! Ne isioka siolukina sisichia obulirikhanakho mwewe khandi! s ²³ Khandi okhwakha khweitaara sikhwakhadukhekho khandi mwewe ne idoboosi eyomwami wesiserero nende omugole khasi ichia okhubulirikhanakho khandi mwemwe: okhubeera abobukhala bao bali abaandu bakhoongo bokhusialo! okhubeera khulwobulosi bwao webialo bioosi babachwa. ²⁴ Ne muniye mwanyolekhamo amabanga kabanabii, nende abatakatifu, nende akabali bioosi abeerwa khusialo.