¹ Malaika wa kharano yamala niyoba oluika lwaye ndabona ing'ining'ini okhurula mwikulu eyali nikwire khu sialo. Ing'ining'ini yaberesibwa lufunguo olwa elina liali nilichira khu lina elirali nende esiakamo. ² Yafungula elina lirali nende esiakamo ne omwosi nikuniina akulu khurula mukari mwe lina kori omwosi khurula mutanuru ikhongo. ³ Mukari mwo mwosi echisike chiarula khwicha akulu we sialo, echio chaberesibwa amaani kori kalia aka chingoberenyanja akulu we sialo. ⁴ Chiabolerwa mbwe chiranyasia amasafu musialo kose esiraake siosi siosi esia masafu kose omusaala, arali abaandu sa abarali nende esibalikho sia Nasaye imberi wa obweni bwabwe. ⁵ Khasi chaberesebwa obunyala bwa okhubera abandu abo, arali okhubasandia sa khu miosi kirano. Obuchuni bwabwe bwali kori obwokhulumwa nende ingobera nyanja nimulumire omundu. ⁶ Muchinyanga echio abandu bakhakonye elifwa, ni khasi bakhalinyole. Bakhekobe khufwa, naye elifwa liakhaberukhe. ⁷ Chisike chifwanana nende chifarasi charekekherwa eliye. Khu mirwe kiabe khwali nende sindi kori isimbi ya idakhabu ne obweni bwabwe bwali kori bwa bandu. ⁸ Chali nende lifwili kori elia bakhasi naye ameno kachio kori akaindalangi. ⁹ Chali nende bilifu bia ichuma ne idobosi ya chibaya chibwe chila kori idibosi ya chimotoka chinyingi eche liye nende chifarasi chirukha nichichia muliye. ¹⁰ Chali nende emikhinga ekiluma kori ingobera nyanja: khu mikhira kiebwe chaili nende omani kokhunyasia abandu khu miosi kirano. ¹¹ Bali naye kori omuruki wa malaika wa lina libula esiakamo. Elira liaye mulwibrania ni Abadoni, naye muluyunani ari nende alira Apolioni. ¹² Wuuwi yamberi ibirire. lingala lunyuma lwa lino khuli nende amandinyu kabiri kecha. ¹³ Malaika wa khasasaba yoba luika lwaye, mani nibulira idobosi khurula lubeka lwa obwali bwa idakhabu obuli imberi wa Nasaye. ¹⁴ Idobosi yamubolera malaika wa khasasaba owali nende olwika, "Balekhula malaika bane balia abamboywa mu mwalomukhongo Efrata". ¹⁵ Malaika balia bane abali nibarekekhwa khulwa elisa elio likabule inyanja eyo, mwosi okwo, nende omwaka okwo, balakherwa be babeere abandubola ebimeka bidaru bia bandu. ¹⁶ Obungi bwa abamaye abali akulu we chifarasi bwali 200,000,000 ndabulira obungi bwabwe. ¹⁷ Luno niye olwandabona chifarasi mumalolol kange nende bali abali nibaninire akulu wa chio: bilifu biabwe biali biakhanyu kori omuliro, bulu inyengu. nende namuki irali inyengu. Mirwe kia chifarasi kiafwanana nende mirwe kia idalangi, muminwa kiabwe muliro kwarulamo, omwosi nende sibiriti. ¹⁸ Esimeka sia kha daru esia abaandu beerwe nende amakhubake kadaru kano, muliro, mwosi nende sibiriti ebiarula muminwa kiabwe. ¹⁹ Okhubeera amaani ka ifarasi kari muminwa kiabwe nende emikhira kiabwe - khubeera mikhira kiabwe kiali kori injukha, bali nende emirwe ekiaba khonyeranga okhura makonjo khu abaandu. ²⁰ Abaandu badong'a balia, abali basiri okhwirwa nende makhubake kano, khasi bekanire ebikhole biabwa ebia bali nibakholere kata khasi balekha okhwinamira ebikhieno nende minasaye ekie idakhabu, isende, omugasa, amakina nende emisaala ebindu ebio ebiranyala okhulola okhubulira kose okhukenda. ²¹ Kata khasi bekanira obwiri bwabwe, obulosi bwabwe, obuyirani bwabwe kose chingira chiabwe echia obwiibi.