¹ Ebikha ebio omwana we likondi siafungula sibalikho esia saba khwali nende obubulerefu ambi esitundu sie bikha. ² Nimala nindola abamalaika saba abemanga imberi wa Nasaye nibaberesibwa echinjika saba. ³ Omumalaika oundi niyecha nadiririre esikae esia idakhabu eyo bubani niyemere khu bwali nabelisebwa obubani budi mbwe onyole khurusia masalo alala nende obasubira boosi khu bwali bwe iodakhabu imberi we sisala sio buruki. ⁴ Omwosi kwo obubani bulia alala nende amasayo aka abasubira nikunina akulu imberi wa Nasaye khurula mumukhono okwa malaika. ⁵ Malaika nabukula esikae esio bubani nasichusia omuliro okhurula khubwali. Namala nalakasia asi akulu we sialo, ninichirulirawo echidobosi echia lukulu, echinjesere chie likulu nende khulengerekha khwe sialo. ⁶ Bala abamalaika saba abali nibari nende chinjika saba nibari abarekekhe okhuchiuba. ⁷ Malaika wa mberi niyoba khu lwika lwaye nikurulirawo ifula ya makina nende omuliro okhusasibwemo nende amabanga. Nibisukuna asi musialo mbwe esimeka sia khadaru sie sinyole khulasia simeka sia khadaru esia misala nisilala nende obunyasi bwosi obwamajani nibulala. ⁸ Malaika wa khabiri niyoba oluika lwaye ne esindu nga olugulu lukhongo lwali nilulala khu muliro nilusukunwa mu nyanja ebimeka bidaru ebia inyanja nibiba amabanga, ⁹ esimeka sia khadaru esia ebilonge bilamu munyanja nibifwa ne ebimeka bidaru ebia eimeli nibisasibwa. ¹⁰ Malaika wa khadaru niyoba oluika lwaye ne ing'ining'ini ikhongo nilakakha khurula mwikulu niyadukha nga itochi akulu we simeka sia khadaru esia emialo nende chisenbere cha machi. ¹¹ Elira lia ing'ining'ini nibululu esimeka sia khadaru esia amachi siali silulu ne abandu bangi bafwa khulondana nende amachi kali malulu. ¹² Malaika wa khane yoba oluika lwaye ebimeka bidaru ebia eliuba nilikhubwa alala nende esimeka sia khadaru esia ing'ining'ini. Khulwa ako esimeka sia khadaru sia bosi nisilakakha khuba esirima esimeka siakhadaru esidere esimeka sia khadaru esia esiro khasi biali nobulafu. ¹³ Ndalingala ne nimbulira ingosia eyali niburukhanga mumiyaka nilanga khu dobosi ikhongo wuuwi wuuwi wuuwi khubalia abamenya musialo khulwa okhurundukha khwo luika lwali ludong'era lwali ambi okhubwa nende abamalaika badaru."