¹ Olunyuma lwa ako ndabona abamalaika bane nibemere muchimbeka chine echiesialo bekalire emiyaka kine ekisialo mumani mbwe khubera khurabao nende emiyaka kiucha musaialo, akulu we inyanja kose khu musala, akulu we inyanja kose khu musala kwosi. ² Ndalola malaika oundi niyecha khurula ebukwe owali nende esibalikho sia Nasaye omulamu . Nlira khu dobosi ikhongo khu bamalaika bane ababeresibwa abweyango bwo khunyasia sialo nende inyanja. ³ Muranyasia sialo inyanja, kose emisala okhula kori khunaba nikhumalire khurakho sibalikho mubweni khumirwe kia abarumikhi ba Nasaye wefwe" ⁴ Nimbulira obungi bwa balia abarebwakho esibalikho 144,000 abarebwakho sibalikho khurula mubuli oluyia lwa abandu ba Isiraili . ⁵ 12,000 khurula khu oluyia lwa Yuda, barebwakho sibalikho 12,000 khurula khu luyia lwa Rubeni, 12,000 khurula khu luyia lwa Gadi. ⁶ 12,000 khurula khju luyia lwa Asheri, 12,000 khurula khu luyia lwa Naftali 12,000 khurula khu luyia lwa manase. ⁷ 12,000 khurula khu luyia lwa Simioni 12,000 khurula khu luyia lwa Lawi 12,000 khurula khu luyia lwa Isakari. ⁸ 12,000 khurula khu luyia lwa Zebuloni 12,000 khurula khu luyia lwa Yusufu 12,000 khurula khu luyia lwa Benjamini abarebwakho esibalikho. ⁹ Olunyuma lwa amakhuwa kene kano ndalingala ne khwali nomukanda mukhongo aumawo omundu owakhanyalire okhukubala khurula mubuli sialo, oluyia olwibulo nende olulimi bemere imberi we sisala sia oburuki nende imberi wa mwana we likondi. Bali bafwalile ikanju indafu nende masaga ka amakhindu mumikhono kiabwe, ¹⁰ ne bali nibalanga khu dobosi ya akulu obuwonia nikhu Nasaye owikhale khu esisala esio buruki nende khu omwana we elikondi. ¹¹ Abamalaika bosi bali nibemere khubodokhana sisala esioburuki nende khubabodokhana abakhulundu alala nende abobulamu bane, nibaguname asi khu liloba nibara obweni bwabwe akulu weriloba imberi wesisala esio buruki ne nibamwinamira Nasaye. ¹² Nibabola amina ifuma, oluyali obumanyirisi, okhwebasia, esiribwa obunyali nende amani bibe khu Nasaye wefwe obumeri nende obumeri! Amina.!" ¹³ Omulala khu bakhulundu nareeba " bano ni babwe wina abefwalire ikanju indafu ne barulire ena?" ¹⁴ Nimubolera omwami mukhongo newe omanyire"khandi nambolera bano ni balia abarula mubudinyu bukhongo bafwalule echikanju chiabwe chindafu nibenikha mumabanga aka omwana we likondi. ¹⁵ Khulwe esifune esio bali imberi wesisala esio buruki esia Nasaye, ne bamwinamira ye esiro nende esidere mulikhekalu liaye oyo owikhale akulu wesisala esio buruki anasalasia eliyema liaye akulu wabwe. ¹⁶ Khasi banabona injala khandi, kata obuluwo khasikunabora kata obubafu obwo khulasia. ¹⁷ Khulwa khuba omwana we likondi ali akari we esisala esio buruki anaba omwayi wabwe ne anabemirira akari weisebere ya machi akobulamu ne Nasaye anabeya buli lisika muchimoni chiabwe.