¹ Ndalingala ebikha bia mwana we likondi nga yafunula silala khubibarikho saba ndabulira mulala khubalia bane aba obulamu nibabola khudobosi eyafwana nende likulu 'Icha !" ² Niningala nikhwali nende ifarasi indafu owayininakho yali nende esikae naye nabelesibwa lusimbi yarulirao ngha omukhiri okhiranga mbwe akhire. ³ Ebikha ebia mwana we likondi yafunula sibalikho sia khabiri, ndabulira owobulamu wa khabiri nabola "Icha!" ⁴ Khandi ifarasi eyindi niyirurirao yali injakhanyu nga omuliro owayininakho yabesesibwa obunyala bwokhumalao omulembe mbwe abandu basinjane owalinaininirekho yabelesebwa olupanga lukhongo. ⁵ Bikha bia mwana we likondi yafunula esibalikho sila esia khadaru ndabulira owobulamu owa khadaru nabola "Icha!"ndalola ifarasi imalii owayininakho yali nende chiratili mumukhono kwaye. ⁶ Ndabulira eidobosi eyabonekhana khuba eya mulala khubala abobulamu nabola, esipimiro sia eingano khu idinari ndala nende ebipimiro bidaru ebia ishayiri khu idinari ndala, arali oranyasia mafura nende ifini." ⁷ Bikha bia mwana we likondi yafunula sibalikho sia khane ndabulira idobosi eya owobulamu owakhane nibola "Icha!" ⁸ Lunyuma nibona ifarasi yanasikohakohe. Owayininakho yalangwa elira liaye lifwa ne emagombe yali nimulondanga babelisebwa obunyala akulu wesimeka siesialo okhwirwa nende olupanga, khu njala nende obulwaye nende khu echisolo chio musino khusialo. ⁹ Bikha ebia omwana we likondi yafunula sibalikho lia kharano ndalola asi obwali roho cha balia abali niberwa khulwa elikhuwa lia Nasaye khurulana nende obuloli bwa bali badira mubujing'u. ¹⁰ Ni balira khu dobosi ikhongo khula rina omukhongo wa bosi nende omutakatifu nende owadieri onabakhalakila abekhale akulu we sialo nende khurungisia amabi ka mabanga kefwe? ¹¹ Buli sia mulala yaberesebwa ikanju indafu ne nibabolerwa mbwe bikhoyera khulindakho budidi khula obubali bwichufu obwa barumikhi basiabwe nende abakherwa babwe aba sikhasi nende aba sisacha ninolererwa banerwa ngolwa biali balia berwa. ¹² Bikha ebia mwana we likondi yafunula sibalikho sia khasasaba ndalingala nikhwali nende sialo khurengerekha khukhongo eliuba liali limali kori obukhinga ne omwosi mulamba nikuba nga amabanga. ¹³ Ching'ining'ini cho mwikulu nichilakakha musialo nga musala nikubulungusia biamo biakwo bikha ebia omuyaka kwa mani. ¹⁴ Likulu liarulao nga likanya liamandiko nilikanyua. Buli olugulu nende esiginga biabuisibwa abundu wabwe. ¹⁵ Nabo abaruki be sialo nende abandu abaifuma nende abakhongo ba maye, abayinda abamaani nende buli siamulala oli omumboye nende omulekhule, nibekisa mumaulukhu nende mumakina ke chingulu. ¹⁶ Nibabolera chungulu nende chinyanda "Murukwekho murukise okhurula mubweni bwa owikhale khusisal sio buruki nende khurula mulirima liamwana we likondi. ¹⁷ Khulwa khubeera inyanga ikhongo eyelirima liaye yolerere ne wina onyalayema?"