¹ Ndamala nindola mumukhono omulungi okwa ulia owali niyekhale musisala sia oburuki, esitabo esiali nisiandikwa imberi nende inyuma, ne siali nisirerwekho bibalikho saba. ² Ndamulola malaika owa mani nayaala mudobosi ikhongo "Niwina onyala okhufunula sitabo sino mani afunake ebibalikho biasio?" ³ Khasi yalio omundu mwikulu kose khusialo kose asi wesialo owanyalirwa okhufunula esitabo kose okhusisoma. ⁴ Ndalira mubuchuni khubera mbwe khasi yanyolekha yesi yesi owali nanyala okhufunula sitabo kose khusisoma. ⁵ Arali omulala khubakhulundu yambolera, "Ora lira". Lingala indalangi ya ibia ya Yuda esisina sia Daudi akhilire, ni anyala ofunula esitabo nende biibalikho biasio saba". ⁶ Akari wesisala sio buruki nende abarimo obulamu bane nende mubakhulundu ndalola omwana we likondi niyemere nalolekhana kori owaliniyerwa. Yali nende chinjika saba nende chimoni saba chino ne chiroho saba cha Nasaye echiarumwa mu sialo siosi. ⁷ Nacha nasibukula esitabo okhurula mumukhono omusacha okwa ulia owekhala musisala sioburuki. ⁸ Nga olwa yabukula esitabo, abobulamu bane nende abakhulundu amakhumi kabiri nende bane bagunama khula asi imberi wa omwana we likondi. Buli omundu yali nende obukhana nesikae sia idakhabu eyali ni ichule obubani obuli masayo ka ba subira. ⁹ Bemba olwimbo luyakha: Onyala okubukhula esitabo nende okhufunula ebibarikho biasio." Khubera wasinjwa ne khu mabanga kao wakulira Nasaye abandu, abandu ba buli ambia lulimi, echinjibulo nende sialo. ¹⁰ Noba khola obwami nende abakukhani khulwa okhumurumikhira Nasaye wefwe, nabo banaruka akulu we sisala. ¹¹ Ndamala niningala mbulira idobosi ya malaika abangi nibabondokhane esisal sia oburuki- obungi bwabwe bwali 200,000,000 nende abobulamu nende abakhulundu nibabola mudobosi ikhongo. ¹² Akhoyera omwana we likondi ulia osijirwe okhunyola obunyala, obuyinda, obukesi, amani, esiribwa oluyali nende ifuma. ¹³ Ndabulira buli siosi esialong'wa esiali mwikulu nende musialo asi wesialo nende akulu we inyanja buli sindu mukari wasio nisibola, "Khuniye owikhale khusisala sioburuki nende khu mwana we likondi ibeo ifuma esiribwa oluyali nende amani kokhuruka obumere nende obumeri". ¹⁴ Abobulamu bane babola "Amina!" naye abakhulundu bagunama asi nibamwinamira.