¹ Khu malaika we likanisa lia Saridi yandiika: Amakhuwa ka ula owadiririra echiroho saba echia Nasaye nende ching'ining'ini saba. " Manyire esiokholere. Oli nende ifuma yokhuba omulamu, arali oli wafwa. ² Bukhaa mani odinyisie akadoonga, arali kali ambi khufwa, khulwo khubeera sindabwene ebikhole biao biulirire mumoni chia Nasaye wange. ³ Khulwesio yichulisia kala akawanyoola nende okhubulira. Kalonde nende okhwekanira. Arali ao norabukha, ndeecha kori ngo muwibi, nekhasi namanya ebikha bianjia okhwicha akulu wao. ⁴ Arali khuli nende ameera madidi aka baandu mu Saridi abaramaliya chingubo chiabwe. Banakeenda alala nange, nibefwalire chingubo ndafu, khulwo khuba bakhoyera. ⁵ Oyo okhira anafwalwa ebiefwalo bilafu, ne sindafuta eliira liaye okhurula musitabo sio bulamu, ne ndarumbula eliira liaye imberi wa Baba wange, nende imberi wa bamalaiaka. ⁶ Noli nende khurwi, bulira aka Roho abolera makanisa." ⁷ Khu malaika we likanisa lia Filadelifia yandiika: Amakhuwa ka ula oli mutakatifu nende owo bwadier oli nende olufunguo lwa Daudi, yekulaanga ne abulao owikala, yekalaanga ne abulao onyala okhwikula. ⁸ Manyire bikhole biao. Lingera, ndere imberi wao omuliango kwekulwa okwa abulao onyala okwikala. Mnayire mbwe oli nende amaani madidi, arali obulira elikhuwa liange ne osiakhaya eliira liange. ⁹ Liingera! Boosi abali aba sinagogi ya sietani, ababolaanga mbwe ni Abayaudi ne khane khasi nibo, arali babacha. Ndabakhola beeche nende okhwinamira imberi wa makulu kao, ne banamanya mbwe ndakhukheera. ¹⁰ Khulwo khuba wdiira elako liange mukhwesimirisia khwo bujiingu, ndakhulinda khandi mubikha biao ebioteemibwa ebili okhwicha musialo siosi, okhuteema bala boosi abamenya musialo. ¹¹ Njicha lwangu. Diririra lukali sila esioli nasio mbwe arabao omuundu obukula isimbi yao. ¹² Ndakhola oyo okhira okhuba isiiro mukhekalu ya Nasaye wange, ne khasi achia orula erwanya khaba. Ndamwandiikakho eliira lia Nasaye wange, eliira lie lidokho lia Nasaye wange Yerusalemu injakha eyikha asi khurula mwikulu khu Nasaye wange , nende liira liange liyakha. ¹³ Oyo oli nende okhurwi abulire ako Roho abolera makanisa: ¹⁴ " Khu malayika we likanisa lia Laodikia yandiika: Amakhuwa ka ula oli Amina, owokhwesika nende omulolereri omwesikwa, omuruki akulu we biloonge bia Nasaye. ¹⁵ Manyire bikhole biao, mbwe ewe sioli omunyifu kose omubafu, ndekoomba mbwe wakhebere owo bunyifu kose owo bubafu! ¹⁶ Kario, khulwo khubeera ewe oli omudundumu, sioli omubafu kose omunyifu, ndakhusala orule mumunwa mwange. ¹⁷ Khulwo khuba obolaanga mbwe esie ndi muyiinda, ndi nende emiandu mingi, sinyenya sio sio." Arali okorerwe mbwe ewe oli mudekhere lukali owo berera, omumanani, omwoofu nende omusiekenye. ¹⁸ Rekeresia amakerako khwesie: kula khwesie idakhabu eyosibwa khu muliro mbwe onyoole okhuba omuyiinda nende chungubo chindafu echiokhung'enang'ena mbwe wefwale omwene ne oreekesia chisoni chie siekenye sio, nende mafura kokhubakha mumoni mwao onyoole okhubona. ¹⁹ Buli owakheera mwalabiraanga nende omwekesia kori akhoya okhumenya; Khulwesio, ba owo bwadieri nende khwekanira. ²⁰ Lingeera nyemere mumuliango khongonda. Yesi yesi obulira idoboosi yange nende okhwikula omuliango, ndeecha nende okhwingira munyuumba mwaye, nende okhulia ebiakhulia naye nende yie alala nange. ²¹ Oyo okhira, ndamuba obunyali bwokhwikhala asi alala nange akulu we sisaala siange sio buruki. Kori olwo esie ndakhira nende okhwikhala asi alala nende Baba wange khu sisaala sio buruki. ²² Oyo oli nende okhurwi, abulire esia Roho abolera makanisa.