¹ Mani ndabona elikulu liyakha nende sialo siyakha, elukulu lia mberi nende esialo sia mberi bimalire okhubira, ne inyanja khandi khasi yaliwo dawe. ² Ndalola elidokho litakatifu Yerusalamu injiakha, eyecha asi khurula mwikulu owa Nasaye, eyakasibwa nga omukhasi wesiserero owaronwa olwa omusacha waye. ³ Ndabulira idoboosi ikhongo khurula khu sisala sio buruki niibola, lingera: obwikhalo bwa Nasaye buli alala nende abaandu, naye anamenya alala nabo. Banaba abaandu baye. Ne Nasaye mwene anaba nabo naali Nasaye wabwe. ⁴ Aneeya buli lisika khurula mumoni chiabwe ne khandi khasi khunaba nende khufwa dawe. kata okhuberera dawe, kata khulira, kata machuuni: Amakhuwa makhale kamalire okhubira. ⁵ Ulia owali niyekhaale khu sisaala sioburuki naboola, lingera khola amakhuwa koosi khuba mayakha, yaboola, wandike lino khubera amakhuwa kano nikobwesikwa khandi kobwadieri. ⁶ Yambokolera, amakhuwa kano kamala okhubira, esie ndi alfa nende omega okhuchaaka nende okhumalirikha, ula yesi oli nende obuluo njia okhumuberesia esiokhung'wa arali nende obukusi khurula musebere ya machi akabulamu. ⁷ Ne ula okhira yakhanyole amakhuwa kano, ne ndakhabe Nasaye waye naye yakhabe omwana wange. ⁸ Arali ngolwa bili khubala, abarasubira abasinyisianga, abeeri, abayeeyi, abalosi, abenamiranga ebifwanani, nende ababacha boosi, olubeka lwabe lwakhabe munyanja eyomuliro okusamba okulasianga. Elio nilio liifwa lia khabiri. ⁹ Mulala khu bamalaika saba niyecha khwesie, ula owali nende ebikaye saba ebialimo makhubake saba okobumalirikhi naboola ano ndakhwekesia omukhasi wa esiserero, omukhasi wa omwana we likondi. ¹⁰ Lunyuma nambukula mu rokho khulugulu lukhongo khandi olurambi ne nanjekesia elodokho litakatifu, Yerusalemu, niikha asi khurula mwikulu owa Nasaye. ¹¹ Yerusalemu yali nende oluyali lwa Nasaye, ne bulayi bwayo bwali kori elikina lia obukusi kori elikana lichwenefu lilafu elia yasipi. ¹² Khwali nende liida likhongo elirambi eliri nende miliango ekhumi nende kibiri, alala nende malaika ekhumi na babiri khu miliango. Khu muliango okwo khwali nende obwandike obwa chimbia ekhumi nachibiri echia abaana ba Isiraili. ¹³ Ebuleka wa ebukwe khwali nende emiliango kidaru ebulika wa emwalo khwali nende emiliango kidaru, ebuleka wemukulu khwali nende emiliango kidaru, ebuleka wemumbo khwali nende emiliango kidaru. ¹⁴ Ameeda ka elidokho kali nende emise ekhumi nakibiri, ne akulu wakio khwali nende amera ekhumi nende kabiri akabarumwa bomwana welikondi. ¹⁵ Mulala owalomaloma nange yaba nende sikero sia indaukhi eyareresibwa muidakhabu khulwa okera elidokho, emiliango kialio nende ameeda kalio. ¹⁶ Elidokho liali elia chimbeka chine; burambi bwalio bwali bwakana nende bubambali bwalio yakera lidokho musikero esia indaukhi, amakada 12,000 muburambi(oburambi bwalio obubambali nende esiako biafwanana) ¹⁷ khandi kario yakera eliida liakwo obukhomefu bwalio bwali echikabiro 144, bikero bia baandu(Ebiali khandi ebikero bia malaika. ¹⁸ Eliida liali niliumbakhwe khu makina lidokho elia idakhabu indafu kori igilasi indafu. ¹⁹ Emise ekia liida kiali ni kiaronwa nende imbia eyelikina lia obukusi. Eliamberi liali yasipi elia khabiri liali sapira eliakhadaru liali ikalkedoni elia khane liali isamaridi ; ²⁰ Elia kharano liali saridonike, elia khasasba liali akiki, elia saba Kirisolitho, elia munane sabarajadi, elia tisa liali yakuti, elia ekhumi Kiriporaso, elia ekhumi nende ndala liali kintho, elia ikhumi nende chibiri amethisto. ²¹ Emiliango ekhumi na kibiri kiali echilulu ekhumi na chibiri, buli muliango kwareresibwa khurula khu ilulu ndala. Chingongo chia lidokho chiali idakhabu indafu nilolekha kori ikio injwenefu. ²² Sindabona ikhekalu yosi yosi mulidokho khubera omwami Nasaye,orukanga akulu wa bioosi, nende mwana we likondi bioosi nelikhekalu liaye. ²³ Lidokho khaba khasi lienya eliuba kose omwosi mbwe kukhosie akulu walio khubeera oluyali lwa Nasaye lwakhosia akulu walio, ne itara yalio ni mwana welikondi. ²⁴ Abechimbia bakhakende mubulafu obwa lidokho elio. Abaruki be sialo bakharere oluyali lwabwe mukari omwo. ²⁵ Emiliango kiakwo khasi kiakhekalwe musidere khandi khasi khwabe nende sirima mubwene omwo. ²⁶ Bakharere oluyali nende siriibwa esia echimbia mukari omwo. ²⁷ Ne sibulao esimaanu esiakhengire mukari omwo kata yesi yesi okhola likhuwa liosi liosi eliesifwaabi kata obubacha, arali ni balia aba ameera kabwe kandikwa musitabo sia obulamu sia omwana welikondi.