¹ Lunyuma ndalola malaika niyekha khurula mwikulu, nali nende olufungio olwa elina elibula esiakamo nende omunyororo mukhongo mumukhono kwaye. ² Yadira injukha iria, injukha yakhale, eiri sikhieno kose sitani, nende okhumuboya emiaka elifu. ³ Yamusukuna mulina elibula esiakamo, nalikaala nende khurao sibalikho akulu walio, kano kali kario mbwe arababacha abechimbia okhula nga emiaka ilifu kiakhabwe nikibwere lunyuma lwa ako yakhalekhulwe khu bikha bimbikiri. ⁴ Mani ndabona ebisaala ebioburuki. Ne abali nibekhalekho nibo ababeresebwa obunyala obwa okhukhalaka, khandi kario ndalola emioyo kia balia abali nibakhengerwekho emirwe khulwobuloli khu Yeso nende likhuwa lia Nasaye, bali nibasiri okhwinamira isolo nende esifwanani siayo, nibakhaya okhunyola esibalikho akulu wa obweni bwabwe khandi khumukhono. Ne bachia mubulamu, nibaruka alala nende kirisito emiaka ilifu. ⁵ Abafu abadong'a nabo khasi balamukha khuula emiaka ilifu ngolwa kiali nikibwere, buno nibwo, obulamusi obwamberi. ⁶ Oweikhabi khandi mutakatifu ni muundu yesi yesi obukulanga obweyango mubulamusi bwamberi; elifwa lia khabiri libula amaani akulu wa baandu kori bano.khwakhabe nende abakukhani ba Nasaye nende aba kirisito ne bakharuke alala naye emiaka ilifu. ⁷ Ebikha ebia emiaka ilifu nikiba nikibwere sitani yakhalekhulwe khurula mububoye bwaye. ⁸ Achia khuchia erwanyi okhubacha abechimbia khurula echimbia chine echia esialo - Gogu nende Magogu khubagaama alala khulwa eliyie. Bakhabe abangi kori omusenye okwa munyanja. ⁹ Bakenda khusialo sio sikwalafu nibabodokhana olukaba olwa abasubira, lidokho liakheerwa. Arali omuliro kwecha khurula mwikulu nikubeera. ¹⁰ Sitani owababacha , yasukunwa mukari mwa inyanja eya omuliro. Omwa isolo nende abanabii ababacha bali nibamalire osukunwa banasandisibwa esiro nende sidere obumeri nende obumeri. ¹¹ Ndalola esisaala sioburuki sikhongo esilafu ne ulia owali niyekhalekho. Esialo nende elikulu bierukha okhurula imberi waye. Arali khasi khwaliwo nende obweyanga bwabwe khuchia. ¹² Ndabona abafu abeichuoni abarakhoyera nibemere imberi wesisaala sio buruki, ne bitabo nibiikulwa khandi esitabo esiobulamu. Abafwa bakhalakirwa khukandikwamo khukala akandikwa musitabo, akarulira mukala akabakhola ¹³ Inyanja yabarusia abali mukari mwayo. Elifwa nende emagombe biabarusia balia abali mukari mwabwe, abafwa nibakhalakirwa khukala akabali nibakhola. ¹⁴ Elifwa nende magombe biashukunwa munyanja eya omuliro. Lino lirio eliifwa elia khabiri inyanja eya omuliro. ¹⁵ Nikalimbwe eliira lia oyo yesi yesi khasi lianyolekhana niliandikwa musitabo siobulamu yasukunwa munyanja eyomuliro.