¹ Olunyuma lwa makhuwa kano ndabulira idoboosi eya omulango mukhongo okwa abaandu bangi mwikulu nikuboola " Khaleluya! Obuwonia, oluyali nende obunyala ni bia Nasaye wefwe. ² Obukhalaki bwaye nobwa obwadieri khandi nobwa obulungikhi, khulwa okhubeera amukhalakire omuyeyi mukhongo owanyasia esialo nende obuyeyi bwaye. Yekhola olwibulo khu mabanga aka bakholi baye, akayedisia omwene. ³ Mumakhabi kabiri babola, khaleluya! Omwosi kwarula khuniye bumeri nende bumeri. ⁴ Abakhulundu balia amakhumi kabiri nende bane nende ebilonge bilamu bine bimwinamira nibimulaama Nasaye owikhale khu sisaala esia oburuki. Bali nibabolanga , kabe kario khaleluya! ⁵ Nilwo ngolwa idoboosi yarula khu sisaala sioburuki, ni, niboola mumwechomie Nasaye wefwe, eng'we abakholi baye boosi, eng'we abamurichanga boosi abarakhoyera nende abali nende amaani amakhongo. ⁶ Nilwo olwandabulira idoboosi kori idoboosi eya omukanda mukhongo okwa abaandu, kori khududuma khwa machi mangi, khandi kori khududuma khwa elikulu, niiboola " Khaleluya Omwami ni Nasaye wefwe omuruki akulu wa boosi orukanga. ⁷ Khwekhoye nikhusangala nende okhumuberesia oluyali khulwo khubeera siserero nende isangalo ya omwana we likondi yichire, ne mukhasi we siserero ari mwerekehe; ⁸ Yafukirirwa okhufwasibwa ingubo indafu ing'enang'ena ingubo indafu ne bikhole ebia obulungikhi ebia abasubira. ⁹ Malaika nabolrera kandike kano: baberesibwa chikhabi abalangwa musiserero esio mwana we likondi ,"khandi kario nabolera, kano nimakhuwa okobwadieri aka Nasaye, " ¹⁰ Ndasingama imbeli wa makulu kaye ndamwinamira, arali nabolera, orakhola orio, esinabiie ndi mukholi wasio nende basiani beng'we abandira obuloli bwa Yeso. Mwechomie Nasaye, khubera obuloli bwa Yeso ni roho eyo bu ¹¹ Lunyuma dabona elikulu nilikukha ne lingera khwri nende ifarasi indafu! ne ola owari niye khalekho yalangwa omwesikwa owa khalaka mubwadieri nende okhola liyee. ¹² Emoni chiaye chalinga echinjererie chi muliro ne khu murwa kwaye khuli nende chisimbi chinyingi, ara nende elira liandikwa akulu waye elia omundu yesi yesi aramanyire arali ye mwene. ¹³ Afwalile esifwalo esienikhwa mumabanga, nelira liaye yalangwa likhuwa lia Nasaye. ¹⁴ Abamayie akomwikulu bali nibamulondanga nibekhaale akulu khu ifarasi indafu, niyefwalire ikanju indayi, indafu. ¹⁵ Mumunwa kwaye lurulamo olupanga lwoki olusasianga ebialo, naye achia okhubaruka khu indaukhi eya esichuma, naye asenanga ebindu bia ifini khulirima lilulu elia Nasaye, owamaani. ¹⁶ Ne yandikwa akulu wesiefwalo siaye nende khurango liaye liira, "Omuruki wa baruki khandi Omwami wa bami". ¹⁷ Ndabona malaika niyemere muliuba. Nalanga muidoboosi ikhongo mayoni akaburukhanga akulu mwiche, mukhung'ane alala khusiakhulia sikhongo esia Nasaye. ¹⁸ Mwiche mulie inyama ya abaruki, inyama ya bakhongo abamayie, inyama ya abaandu abakhongo, inyama ye chifarasi nende abachininirekho, nende inyama ya baandu boosi, abali balekhule nende abali ababoye, nende abakhoyera nende abamani. ¹⁹ Ndailola isolo nende abaruki be sialo alala nende abamayie babwe, bali niberekekhe khulwe eliiye nende mulala owali niyekhaale khu farasi nende abamayie baye. ²⁰ Isolo yadiirwa nende omunabii wayo owobubacha owakhola ebilolero imberi waye. Mubilolero bino yababacha bala abanyola sibalikho esia esolo nende okhwinamira esifwanani sieyo, boosi babiri basukunwa nibasiri abalamu munyanja yomuliro. ²¹ Bala abandonga berwa khulupanga olwarula mumunwa okwa mulala owekhala khu ifarasi, amayoni kosi kalia emilambo kie emibiri kiabwe.