¹ Olunyuma lwako Ndalola malaika undo, owali nobunyala bukhongo, narula mwikulu. Esialo siakhakha khulwo khubera obulafu bwaye bwali bingi. ² Yayula muidobosi ikhongo nabola ari, " Nasaye ali ambi okhusasia elidokho liobwononi elia Babeli. khulwa ako emioyo kiosi mimanu kinameya nende amayoni kechimbi chiosi akasinyisia kanamenyamo. Babeli yiri ngamudamba. ³ Owabandu boosi abebialo bengira ninaye obuyeyi ebiri nga eakhamera amalwa mangi. Kario, khandi abaruki besialo bakhola amakhuwa kene ako ninaye. Abobukhala besialo baindiyala khulwo khwenya okhukhola obuyeyi bungi." ⁴ Ndabulira Yeso nalomaloma okhurula mwikulu. Nabola ari, " Baandu bange, mwirukhe murule mu Babeli mukhaye okhukhola bwonini nganibo. Nimwonona nga nibo, njia okhubasandia. ⁵ Bili nga obwononi bwabe bwebusia okhula mwikulu mani Nasaye abechuliranga ne bulano achia okhubasandia. ⁶ Khu bamalaika aba Nasaye yaberesia khusandia Babeli, Yeso nabola ari, " Murunge abaandu belidokho elio okhwakana nende esikero esiabaumisiriamo abaandu. Khole baumiye makhabi kabiri okhwakana nende nga bakhola abaandu bandi khuumiya. ⁷ Musikero sila nga Babeli, ngo mukhasi yedakhira omwene nakhola ebindu bia yenya okhukhola ario. Khulwo khuba mumaparo kaye yapara, mbwe ndukanga nga kwini! Khasi ndi namulekhwa, khandi khasi ndakhalire kori nga namulekhwa baliranga! ⁸ Khulwako muludalo lulala, amadinyu mamaanu kachia khumwichakho. Abaandu belidokho elio banafwa, abandi banabulira, abaandu banaba injala okhuba ebiakhulia binabulao, nelidokho linayia. Omwami Nasaye anyala khubasandia okhuba nowamani. ⁹ Abaruki besialo abakhola abuyeyi ninaye, nibakhola kala akabenya khukhola ninaye banamulira nibacherera nibalola omwosi kwomuliro okwakhakheyo. ¹⁰ Benama ale nende Babeli khulwo khuria mbwe banyala khusanda ngolwa ye asanda. Banabola bari, " nibimaanu biaka birie khu Babeli, elidokho liamaani elio! Nasaye achia khulisandia ambi ano khandi mubwangu! ¹¹ Abobukhala besialo banalira nende okhucherera khulwaye okhubera muniyie owakhakule khandi ebindu bia bakhaya. ¹² Bakusia ebindu biareresibwa nende idakhabu, ifesa, amakina malayi nende iluulu. Bakusia njingubo chindayi echiamanginiesi echimenamena, echio musambarao nende chingubo chiaranjayi. Bakusia chimbao echikabukhane, ebindu bioosi ebikholwa muchinjika echiechinjofu,chimbao chiobukusi, omugasa, ebichuma, nende making malayi. ¹³ Bakusia mudalasini, ebilungiro,mafura kesingari, obubani, ifini, mafura komunasi, obusia bunyukhe, nendeimera. Bakusia chingombe, amakondi, echifarasi, nende ebifaro. Kata Bakusia baandu ngababoywe. ¹⁴ Ebindu bilayi biamwekomba khuba ninabio biabira! Binabulao bumeri! ¹⁵ Abobukhala abakusia ebindu bino bayidiyala bakheme ale nibarire okhunyola omurungo kweisando kori nga okwelidokho lianyola. Banalira nende khucherera; ¹⁶ nibabola bari, " ebindu bimaanu biekholekhane khulidokho likhongo elio! Elidokho elio lifwanana nende omukhasi oufwalire chingubo chiareresibwa okhurula mubuusi budorodoro nende ingubo eyobukusi eyabakhwa mumusambarao nende mubwakhanyu eyaronwa nende idakhabu, amakina kobukusi nende iluulu. ¹⁷ Ne mulwangu Nasaye anyasirie ebindu bino ebiobukusi." Buli omwirusi we imeli, abaandu bioosi abasamulira mumeli bioosi abakenda khumachi, nende bioosi abanyolanga ebiobwekhonyi bwa buli nyanga khulwokhukenda munyanja benama ale nende lidokho." ¹⁸ Nibalola omwosi kwomuliro kwakhayo, banayuula, " Libulao elidokho elfwanana nende lidokho likhongo Lilia! " Banasukuna olufu khumirwe kiabwe okhwekesia mbwe babererere, ne banayuula, banalira nende khucherera. ¹⁹ Banabola,bari ebindu bidinyu biekholekhe khu Babeli. Elidokho eliakhola abaandu bangs khuba bainda- abaandu Bali nende echimeli echrukha munyanja khulwokhukusia ebiobukusi. Nasayemubwangu Juno asasisie lidokho elio. ²⁰ Omundu undi nalomaloma khurula mwikulu, nabola ari, " Eng'we abamenyere mwikulu, musangale khukekholekhe khu Babeli! Eng'we baandu ba Nasaye nibalimo eng'we abarume nende abanabii, mwekhoye esinyasio esikhoyera abaandu aba ebwene ayo. Okhubera bakhola obubi muno khweng'we! ²¹ Malaika bukhongo yabukula elikina mulidokho elifwana kori elikina elikhongo lio khusierakho imere, nasukuna munyanja. Naboola ari, " Eng'we baandu Bali mulidokho likhongo lia Babeli, Nasaye achia okhusukuna asi lidokho lieng'we libuleo kori elikina lilia liokorera munyanja! Elidokho lieng'we liakhabweo obumeri. ²² Mulidokho lieng'we simwakhabe khomo khandi omundu mubayi webenanda, owembanga, omubi wa malele, kose omubi we liturumbeta. Sikhwakhabeo khandi omundu wobumanyirisi bwokhukhola ebindu. Sikhwakhabeo khandi abaandu bokhusia imere khuchingina. ²³ Itaara siyakhakhe khowo khandi. Sikhwakhabeo khandi nende amadoboosi kobusangali ko musaacha nende omugole waye. Nasaye Anasasia lidokho lieng'we okhuba Abobukhala beng'we nibo Bali abaandu bobukhonyi musialo. Mwekhonyeere obulakusi okhubacha abaandu bebialo bioosi. ²⁴ Neng' we mwesi mubalwa okhuba aberi babanabii nende abaandu baandu Bali Nasaye. Obwadodo mubalirwa obumaanu khulifwa liosi eliakholwa musialo."