¹ Omulala khu bamalaika saba , abali nende chibakuli saba yeecha nalomaloma nange niyaambolera ari, icha ndakhwekesia esikhalako sio mudaamba mukhongo owikhalanga khu maachi mangi, ² owa abaami besialo bakhola naye obuyeyi naye abamenyanwa besialo bakholwa khumeera nende ifini yobuyei bwaye . ³ Roho wa Nasaye niyanyimirira , malaika niyanjira abundu ali wong'ene . Awo ndalola omukhasi owali niyekhale khusolo injakhanyu , isolo yali nende amera maandikwe khumubiri kwayo . Kali mera kajara Nasaye ; isolo yali nende emirwe saba nende chinjika ekhumi . ⁴ Omukhasi yali afwalire omwamo nende chingubo chinjakhanyu , khandi yaronwa nende idhahabu , amakina kesiribwa nende echiluulu ; yali nadirire mumukhono esikombe sieidhahabu . Esikombe siali nisichulemo esing'webwa esiemerere ebindu biomufuro ebiakholanga nakhola amakhuwa akobuyeyi bwaye . ⁵ Yali nende lira liandikirwe khubweni bwaye ; elira eliali nende obumanyirisi bwekisire . Nilio , ''Uno mukhasi ni Babeli , lidokho lilia limaanu! Niye ng'ina badamba boosi musialo ; Abekesianga okhukhola ebindu biosi ebisinyisia musialo.'' ⁶ Ndalola mbwe omukhasi oyo yali amerere , okhuba yali ang'were amabanga kabandu ba Nasaye , abo abali basandisibwe khulwokhulandasia obwadieri khulondana nende Yeso . Nindakhamulola ndaukisibwa muno . ⁷ Malaika niyambolera , ''Oresindukha , ndakhumanyisia amakhuwa kekisa khulondana nende omukhasi nende isolo yakenderangakho , isolo nende mirwe saba , nende chinjika ekhumi . ⁸ Isolo yawalola yali khowo khale . Olunyuma Nasaye yaisasia , arali ebikha bino sineinamu . Ne kario , iliambi khwicha khurula mubwina burali nobumalilikhi . Naye abo abamenyere. khusialo banauka abameera kabwe karaandikwa musitabo siobulamu khurula mukhuchaaka khwesialo ,nibalo eisolo eyaaliwo siliwo neiliwo. ⁹ Ano nelibaso lia makesi; Emirwe saba kiemerera echingulu saba echio mukhasi yekhalakho. ¹⁰ Khuli nende. abaruki saba. Barano bakwa omulala aliwo, noundi asiri okhwicha. Omuruki wa saba asiri khwicha. Ne niyeecha achia khuchiririra ebikha bimbikiri. ¹¹ Isolo yaliwo mukhuchaka kata kario siyali inamu niyo yakhabe omuruki wamunane. Ye niye mulala khwabo baruki saba arali Nasaye yakhamusasie. ¹² Echinjika ekhumi echawalola chemerera abaruki ekhumi abasiri khuba muburuki. Bakhanyole abunyali bwokhuruka halala nende isolo, arali bakharuke khulwe bikha bimbikiri, ngolwa biakhabere isaa ndala. Abaruki abo boosi bakhafukirire okhukhola esindu sifwaanana akarulirao bakhaberesie isolo okhufukirirwa nende isolo biakha ¹³ Bano nabamapaaro ne bakhaberesie amaani bunyaali khusulo. ¹⁴ Bano bakhakhole eliiye,nende Omwana welikondi,naye Omwana welikondi yakhabakhire ,khulwo khubeera nomwami wabami khandi muruki wabaruki; naye abo abali. ninaye balangwa,abalobole, nende abesikwa. ¹⁵ Malaika niyambolera " Amachi akawalola mudokjo kemerera aabandu bechimbia chikabukhane obungi bwa bandu ebialo bingi nende abandu abalomaloma chinimi chikabukhane, abwene ao niwo owamudaba yekhalanga. ¹⁶ Ne Chinjika ekhumi chiawalola khusolo ,bano banasiula mudamba nende. khumukhola omulekhwa nende omusiekenye ,khulia inyama yae nende omusamba nomuliro. ¹⁷ Okhuba Nasaye yara mumioyo kiabwe okhusirisia lichomo liaye, babe bamaparo malala, nende okhuberesia obwaami bwabwe solo , okhuula amakhuuwa ka Nasaye kolerere. ¹⁸ Naye omukhasi owawalola niliria elidokho likhoongo elirukaanga baruuki bomusialo.