¹ Malaika yamala nanjekesia omwalo kwa amachi ko obulamu, amachi kali aka okhung'enang'ena kori ibilauri .kali nikadachanga okhurula khu sisaala sia oburuki esia Nasaye nende esia Omwana wa elikondi. ² Okhubirira akari wolukongo lwa lidokho .Khu buli lubeka lwa omwalo khwali nende omusaala okwa obulamu , okhwibulanga echingeri ekhumi nachibiri echia ebiamo,ne kwibulanga ebiamo buli omwosi.Amasafu ka omusala kaliwo khulwa okhuwonia ebialo . ³ Ne khasi khucha okhubao esichubo siosi khandi .Esisaala sia Nasaye nende esia omwana welikondi siakhabe mukari mwa lidokho ,ne abakhasi baye bachia omukholera. ⁴ Bakhamulole obweni bwaye,ne lira liaye liakhabe akulu wa wobweni bwabwe. ⁵ Khasi khwakhabe nende esiro khandi ,kata khasi khwakhabe nende elienya lia obulafu bwa itara kose eliuba khulwa khubeera Nasaye yakhakhosie akulu wabwe .Ne yakharuke obumeri nende obumeri. ⁶ Malaika nambolera mbwe ,amakhuwa kano nakokhusubira khandi kobwadieri. Omwami Nasaye we chirokho chia banabii yamuruma malaika waye okhubekesia abakholi baye esichia okhurulirao ambi ano". ⁷ Lingala; ndi okhwicha lwangu; yongerwa chikhabi oyo orichanga amakhuwa aka obunabii bwa esitabo sino. ⁸ Esie Yokhana, nesie owabulira nende okhubona amakhuwa kano. Nga olwa ndabulira nende kabona, ndakwa mwene imberi wa makulu ka malaika khumwinamira, malaika owanjekesia amakhuwa kano. ⁹ Yaboolera olakhola orio esie ndi omukholi wasio, alala nende abakheerwa bao banabii alala nende balia abaria amakhuwa kesitabo sino mwinamire Nasaye!" ¹⁰ Ne namboolera, oraraakho esibalikho khumakhuwa kobunabii bwesitabo sino, okhubeera ebikha bili ambi. ¹¹ " ulia orali omulungufu achiririre okhuraba mulungifu. Ulia owebima bibii achiririre okhuba owebima bibii. Omulungifu achiririre okhuba omulungifu. Oli omutakatifu achiririre okhuba mutakatifu" ¹² "Lingala! ndi okhwicha lwangu omukabo kwange kuli alala nange, okhurunga buli siamulala okhulondana nende esiayakhola. ¹³ Esie nesie ndi alifa nende omega owamberi khandi owokhumalirikha okhuchaka nende khumalirikha. ¹⁴ Bameederwa chikhabi bala abosianga ebiefwalo biabwe mbwe banyoole obunyala bwa okhulia khurula khumusaala kwa bulamu nende okhwingira mulidokho okhubirira musiribwa. ¹⁵ Erwanyi khulio nende chimbwa, abalosi, abayeyi, abari, abenamiranga ebifwanani nende buli owakhe era oboolanga obuloli bwobubacha. ¹⁶ Esie Yeso murumire malaika wange khuboolera amakhuwa kano amakanisa. Esie ndi omusi kwa olwibulo lwa Daudi ing'ining'ini ya ichuli ing'enang'enanga." ¹⁷ Rokho nende omukhaye we esiserero aboola "Icha " ne ula obulira aboole "Icha" Yesi yesi oli nende obuluo, yeche naye yesi yesi owekoomba anyole amachi kobulamu bikhaya. ¹⁸ Mbooleranga buli muundu obuliranga amakhuwa ka obunabii bwa esitabo sino: nikaba mbwe yesi yesi achia okhumeeda khu ako naye achia okhumendwakho amakhubake akandikwa musitabo sino. ¹⁹ Nikali omuundu yesi yesi achia okhumalakho amakhuwa kesitabo sino esiobunabii Nasaye achia okhumumalakho esimeka siaye khurula khu musaala kwobulamu nende okhurula mulidokho litakatifu owa makhuwa kaye kandikwa mukari wesitabo sino. ²⁰ Ula oboolanga amakhuwa kano abola kario, "Njicha lwangu" Amina! Icha , Omwami Yeso! ²¹ Obukoosia bwa Omwami Yeso bube nende buli muundu. Amina.