¹ Arali omuudu undi olangwa mbwe Anania, nende Safira omukhasi waye, bakusia omwandu, ² nibabiikha buleka khu ebiabakusiamo, omukhasi waye yeesi namanyire amakhuwa akomubwefiso ako, nareera buleka khu ebio ebiabakusia,nibabigeeng'a mumakulu akabarumwa. ³ Naye Petero naboola ari, Anania mbwe sina sietani niyechusia omwoyo kwao okhumubacha Rokho Mutakatifu, khandi niwebikhira simeka sia akobukusi bweindalo? ⁴ Kori olwa wali nayo, siyaali eyao mwene? ne ngolwa yakusibwa, khasi yaali mubunyala bwao? mbwe sina nora likhuwa lino mumwoyo kwao? ewe khasi obachire abaandu khaba, arali Nasaye. ⁵ Ne ngolwa Anania yabulira amakhuwa kano yakwa asi nafwa; oburi nibubengiramo boosi ababulira ebiindu ebio. ⁶ Ababuukha nibasingira nibamuboya nibamurusia erwanyi, nibamusiikha. ⁷ Nibibire ebikha ebia amasaa kadaru, omukhasi waye, naramanyire akekholekhe niyengira. ⁸ Naye petero namukalusia, mboolere nikali mbwe mukusisie omukuunda amapesa ako? naye naboola, eee ako sa. ⁹ Ne Petero namuboolera mbwe, khusina nimufukirisiania okhumuteema Rokho womwami? lingeera amakulu akabalia abakhasiikha omusaacha wao kali mumuliangiro, khaandi banakhukiinga ewe okhurusia erwanyi. ¹⁰ Ne mulwangu nakwa asi mumakulu kae nafwa; ne ababuukha nibengira nibanyoola nafwire, nibamukiinga nibamusiikha alala nende omusaacha waye. ¹¹ Oburi obukhoongo nibwiicha khulikanisa lioosi, nende khubalia boosi ababulira amakhuwa ako. ¹² Ne mukhubirira mumakhono akabarumwa ebilolero biingi nende ebiamayia biekhoola mubaandu; {ne boosi bali alala mubulala munyumba ya sulemani. v 13 Ne khubaandi abadong'a abulao omuundu yeesi owekomba okhulondana nabo; arali abaandu babafumia. ¹⁴ Ne abasubira bemeedekha lukali khumwami, emikanda ekia abasaacha nende abakhaasi. ¹⁵ Abaangi barera abalwaaye khuchingira, nibabalisie khubitanda nende ebisaala, mbwe kata sa esinikha esia Petero nabira sinyale okhuboolakho. ¹⁶ Khandi emikanda kiecha okhurula mumadookho akabodokhane Yerusalemu, nibarera abalwaye bakabukhane, nende balia abaali nibechulemo ebikhieno ne boosi baonisibwa buli mulala. ¹⁷ Ne omukukhani omukhongo nasingira nende boosi abali ninaye,(abali abomukanda okwa basadukayo) nibechulamo imbalikha. ¹⁸ Nibabadiira nibabageng'a mumboye eya baandu boosi. ¹⁹ Arali malaika womwami musiro niyekulao emiliango ekieimboye, nabarusia naboola ari, ²⁰ Muchie, mweeme mukhekalu mulomalomere baandu amakhuwa koosi akobulamu. ²¹ Ne nibabulira kano beengira mukhekalu ichuli mumabwibwi, nibekesia. Arali omukhongo owa abakukhani yeecha, nende boosi abaali naye nibalanga olubarasa alala, nende abakhulundu boosi aba baana ba Israili, nibabaruma mumboyero khubarera. ²² Arali abarumikhi niboola, mumboye nibarabanyoola, bakalukha nibababoolera bari, ²³ khunyolere imboyero niyeikaale ebilayi, nende abaliindi nibemere khumuliango arali olwakhufungule,sikhunyoleremo omuundu yeesi mukari. ²⁴ Ngolwa omukukhani omukhongo nende omusikari we ikhekalu alala nende abakukhani bakhoongo nibabulira amakhuwa kano, badiirwa nende esibeibei binafwana birie . ²⁵ Mulala niyeecha nababoolera, lingera abaandu aba mwageng'ere mumboye, mbalia bemere mu ikhekalu khandi bekesia abaandu. ²⁶ Manu naachia omusikari omukhongo nende abaloli nibabarera oburali nende esioka; okhubera baria abaandu bareecha babakhuya amakina. ²⁷ Ne nibamalire okhubarera, imberi wolubarasa; omukukhani omukhongo nabareeba ari, ²⁸ khaba khasi khwabalangire oburekesiakho mulira lino? ne lingeere mwichusiemo Yerusalemu nende ameekesio keng'we, khandi muli nende elichomo eliokhurera amabaanga akomuundu uno khwefwe. ²⁹ Ne Petero nende abarumwa baandi nibakalusia nibaboola, kakhoyera efwe okhumuria Nasaye okhukhira abaandu. ³⁰ Nasaye owa basefwe yamulamusia Yeso owa mweera nimumubamba khumusalaba. ³¹ Niye owa Nasaye akinguliire nende omukhono kwaye omusaacha abe omuruki khandi omuonia, aberesie Israili okhwekanira nende obulekherwi obwe ebionoono. ³² Ne efwe khuli abaloli aba ebiindu bino; khandi Rokho Mutakatifu yeesi ario, owa Nasaye yaberesia abo aba mubuliramo. ³³ Ne ngolwa babulira ako nibachunisibwa mumioyo, nibekhoba okhubeera. ³⁴ Mulala nasingira mulubarasa, Omufarisayo, olangwa Gamalieli omwekesia owa amalako, oweyifuma indayi mubaandu boosi, nalagira mbwe abarumwa barebwekho erwanyi budiidi. ³⁵ Nababoolera, eng'we abaandu aba Israili, mulingeremo abeene esia mweenya okhukhoola okhulondana nende abaandu bano. ³⁶ Okhubeera echinyanga chino nichisiiri yeecha Tadeyo, niyelaya okhuba omuundu okhoyeera; owa abaandu boola echimia chine, nibakhung'ana alala; yerwa ; ne boosi, obuungi obwa abamubulira basalana, nibaraba esiindu dawe. ³⁷ Omuundu uno nabwereo yeecha Yuda owa Galilaya muchinyanga echia okhubala abaandu abaandi nibamulondakho; yeesi nasasikha; nende boosi obuungi obwa abamusubira basalaana ³⁸ Bulano mbaboolera, mulekhane nende abaandu bano, mubalekhe babe; okhubeera nikaba olubarasa luno kose emirimo kino nikia baandu kinasasikha. ³⁹ Arali nikiba ekia Nasaye, khaba khasi mwakhakikalira; mureecha mubusangaafu mwanyolekhana nimukhuyananga nende Nasaye. ⁴⁰ Nibafukirisania ninaye; nibabalagira abarumwa, nibabakhuya, nibabalagira mbwe baralomalomakho mulira elia Yeso nibabalekhula okhubwao. ⁴¹ Nibarula imberi wolubarasa , nibasangaalire mbwe babalirwe abakhooyera okhusandisibwa muchisoni khulwa elira liaye. ⁴² Kario buli inyaanga mu ikhekalu khandi mubuli inyumba, khaba khasi bachweya okhwekesia nende okhuyala mulira elie Yeso Kirisito,