¹ Naye Sauli nasiri narikhirisianga nende okusinja abeka ba omwami, yachia khu omukukhani mukhongo. ² Namusaba mbwe amube chibarua chiokhuchia Damasiki muchisinagogi, mbwe nanyola abaandu ba ingeri into kata nibali abasacha kose abakhasi mbwe abarere nibaboyerwe muYerusalemu. ³ Naye olwayali khulukendo, yola ambi nende Damasiki; mulwangu ao yabona olumieso nilumudokhane obulafu khurula mwikulu; ⁴ Nakwa asi; namala nabulira idoboosi nimuboolera, Sauli, Sauli osandianga khubeera sina? ⁵ Naye nareba, newe wina omwami? Naye omwami nabola, nesie Yeso owa osandianga; ⁶ Ngolwa yali narengerekhanga naukisibwa yabola, omwami wenya khole sina? Naye omwami namuboolera, singira manu ochie mudokho ne ochia okhuboolerwa esikhukhola . ⁷ Naye abaandu bala abali nibakendere naye beema nibauma esiokhuboola, nga babulira idoboose arali sibabona omundu dawe. ⁸ Naye Sauli yasingira okhurula asi, ne chimoni chiaye nga chachaka okhulola; khasi yalolakho omundu arali bamudira omukhono nibamuyira Damaski. ⁹ manu yamala chinyanga chidaru narabonanga, kata okhulia nende okhung'wa ¹⁰ Naye yaliwo omweka undi Damasika yalangwa mbwe Anania; omwami yaboolera Anania". Naye nakalusia lola ndi ano, omwami. ¹¹ Omwami namuboolera, singira manu ochie khu ingira ilangwa mbwe ingololofu, manu orebe munyumba ya Yuda omundu olangwa Sauli owa Tarsio ali khusaaya, ¹² Ne abwene ao mumalolo yalola omundu olangwa Anania niyengira nende okhumurakho omukhono kwaye mbwe anyole khunyala khulola ¹³ Lunyuma Anania yakalusia, omwami, ndakhabulira khurula khu baandu bangi khulondana nende omuundu uno, echimbi chinyingi chia yakholera abalafu bao Yerusalemu. ¹⁴ Ne khandi ano ali nende obulekhule khurula khu omukukhani mukhongo okhuboya boosi abalanga elira liao. ¹⁵ Naye omwami yamubolera, "Chia imberi; ye silonge silobole khu esie, khuyiira lira liange khu banasialo, nende abami, nende abaana ba Isiraili. ¹⁶ Ne njia okhumwekesia amangi akacha khusandira khulwa elira liange." ¹⁷ Anania yachiririra imberi khungira yaye, manu niyengira munyumba; ne nga yamurakho mikhono kiaye yabola mukherwa Sauli Omwami, Yeso, owakhulolekhanira khu ingira nga wali niwicha, andumire, mbwe onyale khunyola okhulola, manu wichusibwemo omwoyo mutakatifu. ¹⁸ Ne abwene ao amakamba kalakakha khurula mumoni chaye; namala nachaka okhubona ebikha biene ebio, nasingira; nabatisibwa. ¹⁹ Naye niyakhamala okhulia nanyola amaani. Lunyuma naba nende abeka bandi abali Damasiki. ²⁰ Manu mulwangu olwa ndachaka okhunyola Kirisito mumasinagogi, mbwe Yeso niye omwana wa Nasaye. ²¹ Arali boosi bamubulira bala nibabola, uno siniye obasandianga bala abalanganga elira lino mu Yerusalemu, khandi yeechanga khulwa lichomo liene elio,mbwe anyole okhubadira abayire owa mukhongo?. ²² Arali Sauli yameda okhunyola amaani,nabaukisia abayaudi abali bamenya Damasiki nabekesia mbwe uno niye Kirisito. ²³ Lunyuma wa ako echinyanga chinyingi, chabirao, nabo abayaudi nibe khoba okhumwira;. ²⁴ Naye Sauli yeecha namanya indekekha yabwe. Nibalinda khu siribwa musidere nende musiro mbwe bamwire. ²⁵ Naye lunyuma abeka bamubukula, niba mwikhisiria khu lida nali musikapo. ²⁶ Ne ngolwa Sauli yola Yerusalemu, yatema okhwambana nende abeka; arali boosi bali bamurire, nibarasubira mbwe yesi yali omweka. 7 Baranaba yamubukula,na muyira khu barume, nababoolera nga olwayalola Omwami khungira manu khandi nalomaloma naye, khandi nga olwa yali nayaalire nende ichwoni eria Damasiki mu lira lia Yeso ²⁸ Manu yali ninabo mukari nende khurula ninabo erwanyi wa Yerusalemu. ²⁹ Yalomaloma nende ichwoni mulira lia Omwami Yeso, nibayingana nende bayaudi nende bayunani; arali nabo batema okhumwira. ³⁰ Nabo abakherwa nga olwa becha bamanya bamurera khu Kaisari, nibamuruma okhucha Tarso. ³¹ Elikanisa liecha liabuukha Yudea yoosi nende Galilaya nende Samaria, manu nibombakhwa; khandi nibakendera muburi bwa omwami nende mukhulemisibwa khwa omwoyo omutakatifu, bachirira okhuba abangi. ³² Lunyuma lwa ako Petero yabira mubidonye bioosi, niyecha kata khubalobole bali bamenya Lida. ³³ Ne bwene eyo yalolayo omuundu oundi olangwa Ainea, owali niyakona musitanda siaye emiaka munane, yali nalwalanga indulume. ³⁴ Naye Petero namubolera,Ainea Yeso Kirisito akhuonia, singira, wale esitanda siao," manu nabukha lwangu. ³⁵ Ne abaandu boosi abali bamenya Lidia nende Sharon bamulola nibamukalukhanira Omwami. ³⁶ Ne yaliwo Yafa eria omweka undi owalangwa mbwe Tabita, elira elio nilikalukhanisibwa khandi nalangwa mbwe Dorika; omukhasi uno yali yechulamo ebikhole bilayi nende ebiaanwa bia yarusianga. ³⁷ Naye lunyuma yecha yaba omulwaye manu nafwa; nga bali bamala omwoka, bamukonia musigoro sia akulu. ³⁸ Ne khubera elidokho lia Lida liali ambi nende Yafa khandi abeka bali nibabulire mbwe Petero yaliyo, babarumira abaandu babiri, mbwe bamwekwede arakhinda khuchia owabali. ³⁹ Lunyuma Petero yasingira nachia ninabo, Nga olwayola, bamuyira musisenge sia akulu; na bakhasi abalekhwa bamwemakho nibalira, nibamwekesia echikanju nende chingubo echia Dorika yakasia, kori yali nasiri nabo. ⁴⁰ Naye Petero yabarusia boosi erwanyi, namala nasigama, nasaba; nga olwayachiririra yaboola Tabitha singira. Yamala namoka chimoni chiaye; nga olwa yabona Petero yekhala sirungi. ⁴¹ Petero yamuberesia omukhono kwaye, namukhwesa namusingisia, nga olwayamala okhulanga balobole nende abakhasi balekhwa nababeresia nali omulamu. ⁴² Manu keecha kamanyikha mu Yafa yoosi ne bangi nibasubira muMwami. ⁴³ Ne lunyuma, Petero yecha yamenya Yafa chinyanga chinyingi nende Simoni owareresianga amasero.