¹ Yaliwo omuundu undi musialo sia Kasaria owalangwa Koroneli omukhongo womukanda kwalangwa Kiitalia, ² Omundu werusia khandi owaria Nasaye nende inyumba yaye yoosi, owaberesianga baandu ebianwa, khandi yalamanga Nasaye buli lwosi. ³ Yalola amalolo mubwakhakhu mubikha bia saa tisa, malaika wa Nasaye namwichira, namuboolera, Koronelio!" ⁴ Koronelio yamulingala ne yali muri, nareeba, "ni sina nisio, Omwami?" Naye namukalusia, echisala chiao nende ebianwa biao biulire akulu, okhuba sichulisio imberi wa Nasaye. ⁵ Bulanu ruma baandu Yafa olange Simoni olangwa Petero. ⁶ No mukeni wa Simoni obambanga amasero, owa inyumba yaye iri khundulo wa inyanja; achia okhuboolera esia okhoyere okhole. ⁷ Naye Malaika owalomaloma nende Koronelio niyakhabwao, yalanga babiri khu bakholi baye bomunyumba, nende owamayie omwesikwa akari wa bala abamulindanga buli lwosi. ⁸ Ne niyakhamala khubaboolera kano koosi, yabaruma khuchia Yafa. ⁹ Inyanga ya khabiri, nga olwabali nibachiririra nende lukendo nibali ambi okhula mudokho, Petero yanina akulu khusirama musikha sia khasasaba sia inyanga . ¹⁰ Yamala nabulira mbwe injala imuluma, nadakha mbwe aliekho; naye nga olwa bali nibalichanga esiakhulia, naungula chindolo, ¹¹ nalola likulu nilikukheo ne silonge sindi nisimwikhirakho, yali isuka yanabwa muchisonda chine, niyula asi khu loba. ¹² Mukari omwo chalimo echisolo chioosi echia makulu kane echiokhusialo; nende chisolo chiomusiino, nende bindu biekhwesanga, nende mayoni ka mumiyaka. ¹³ Ne yabulira idoboosi nimuboolera, singira, sinja manu olie. ¹⁴ Petero yaboola, khaba, Omwami, siiri khuliakho esindu sio mufuro, kose simali. ¹⁵ Khandi yabulira idoboosi khabiri, niboola mbwe esia Nasaye alabisie khasiwakhalanga khuba simali. ¹⁶ Sino sialondwamo makhabi kadaru; ne isuka eyo khandi yakalukhayo mwikulu. ¹⁷ Bulanu nga Petero yali nasiri naparanga esia malolo ako akabwene kekesia sina, karulirao mbwe abaandu bali nibarumirwe khurula khu Koronelio, bali nibareberesie owa inyumba ya Simoni iri, ne bali nibemere khu siribwa siaye. ¹⁸ Bamala nibareba , nikali mbwe Simoni owali khandi Petero yamenya ao. ¹⁹ Ngolwa Petero yali naparanga khu malolo ako, omwoyo mutakatifu kwamuboolera, lola abaandu badaru bali okhukonyanga. ²⁰ Singira, manu ochie ninabo, orabeyabeya khaba; khubeera barumirwe. ²¹ Petero yamala nachia khu baandu bali nibarumirwe, khu niye khurula khu Koronelio naboola lola , nesie owa mukonyanga; mwichire khulwa lichomo sina? ²² Bamala nibakalusia Koronelio omukhongo; omundu omukololofu, khandi ulia owaria Nasaye, oli nende obuloli bulayi akari wa bialo bia Bayaudi yaboolerwa nende Nasaye khubirira mu malaika mutakatifu mbwe khwiche khukhuyire muyumba yaye, anyole khubulira makhuwa kao. ²³ Yamala nabengisie, nibakona ao. Ne nibwakhie Petero yabwao nabo, ne omukherwa mulala okhurula Yafa yesi yabelimasiakho. ²⁴ Nga bwakhia nibamala khwingira Kaisaria Koronelio yabalinda, ne khandi yali nalangire alala abekho baye nende abeecha baye ba ambi. ²⁵ Naye Petero nga yali niyechanga mukari, Koronelio yamubukanira, nakwa mumakulu kaye, namulama. ²⁶ Arali Petero yamusingisia, naboola ari yema sirungi, kata siesi ndi sa omuundu. ²⁷ Ne nga yalomaloma naye, yecha mukari, yanyola abaandu bangi nibebusisie. ²⁸ Petero yababoolera, mumanyire nga biri biibi mumalako khu mundu muyaudi okhuba mubwambani, kose khucha musialo sindi; arali Nasaye yanjekesia mbwe ndaralanga omundu yesi yesi khuba owesifuro, kose mumali. ²⁹ Bulanu njichire khweng'we arali mukhwesirala, mulwangu sa kori nga bananga. Bulanu bareeba mbwe mwanangire khulwa lichoma sina? ³⁰ Naye Koronelio naboola, chinyanga chine, chibwere ndali nisiibanga khula nga sikha sino, naye musikha sia saa tisa ndali munyumba yange,ne lola omundu yemere imberi wange niyefwalire chingubo ching'enang'ena. ³¹ Naboola, Koronelio, masayo kao kabulirikhane khandi ebianwa biao bichulisibwe imberi wa Nasaye ³² Bulanu ruma baandu Yafa bamulange Simoni olangwa Petero, amenyere munyumba ya Simon omubambi wa masero khundulo we inyanja; owa nikali mbwe aneecha, achia okhulamaloma nawe. ³³ Kho ndaruma abaandu khu ewe, manu okholere ebilayi khwicha. Bulanu khuli ano fwesi imberi wa Nasaye, okhubulira koosi aka Nasaye akhulakirisie okhukhola. ³⁴ Lunyuma Petro yalomaloma, naboola, nobwadieri mbwe Nasaye khasi ayekheranga lubeka lulala khaba. ³⁵ Arali buli sialo esirichanga Nasaye, nakhola akobukololofu, afukirirwanga ninaye. ³⁶ Elikhuwa lia Nasye yaruma khu baana ba Isiraili nayaala omulembe khubirira mu Yeso Kirisito oli Omwami wa boosi. ³⁷ Elikhuwa, lia yaboola, mulimanyire, elialandasibwa mu Yudea, nga liachakira Galilaya, lunyuma wa ebatisia lia Yokhana yayaala; ³⁸ Manu nga Nasaye yamubakha Yeso wa Nasareti amafura ka omwoyo mutakatifu nende amaani; manu nakenda buli abundu nakhoola amalayi, nende okhubaonia abali nibanyasibwa nende sietani, khubera Nasaye yali ninaye. ³⁹ Ne efwe khuli abaloli ba ebindu bioosi bia yakhola musialo sia Bayudea nende muyerusalemu; owabamwirira nende khumukhoma khumusalaba. ⁴⁰ Nasaye yamulamusia khurula mung'ani inyanga yakhadaru namura mubulafu. ⁴¹ Si ni khubaandu boosi, arali khubaloli abalobolwa imberi wa Nasaye, kata nende efwe, abalia nende khung'wa ninaye niyakhalamukha khurula mulifwa. ⁴² Ne yarulakirisia khuyaalira abaandu, nende khurusia buloli mbwe niye owalobolwa nende Nasaye mbwe abe omukhalakiri wa balamu nende abafu. ⁴³ Mbwe khuniye abanabii boosi khurusie buloli, mbwe khubirira mulira liaye ulia yesi ochia khumusubira achia okhulekherwa chimbi chiaye. ⁴⁴ Nga olwa Petero yali nabolanga makhuwa kano, omwoyo mutakatifu kwekhera khuboosi bali nibabulire elikhuwa. ⁴⁵ balia abali nibakhebwa abali basubira baukisibwa , nende balia boosi abali nibeechere nende Petero baukisibwa khubera mbwe banasialo boosi esianwa sia omwoyo omutakatifu siabekherekho. ⁴⁶ Khubera babaulira nibalomaloma muchinimi, nibamukingula Nasaye . Naye Petero nabakalusia, ⁴⁷ "aliwo omundu onyala khukaira mbwe bano khasi babatisibwa, abanyolere omwoyo mutakatifu kori nga efwe? ⁴⁸ Namala nabalagira khubatisibwa khulira lia Yeso Kirisito. Nabo nibamusaba mbwe amenye nabo khulwa chinyanga chindi.