¹ Abarume nende abakherwa abali Yudea babulira bari Banasialo boosi banyolere likhuwa lia Nasaye . ² Naye nga olwa Petero yanina niyeecha Yerusalemu, bala abarakhebwa baingana naye, ³ Nibaboola ewe wambanire nende abaandu barakhebwa, khandi olire nabo. ⁴ Arali Petero yachaka okhubakanira nga olwa lukendo lwaye lwachaka, niyongania ebilayi mubuli sidonye, nababoolera. ⁵ Ndali mudokho lia Yafa ni ndi okhulaama; niungula chindolo nindola amalolo, esilonge sindi siekha, yali isuka ikhongo, yekhibwa okhurula mwikulu eya muchisonda chine; manu yecha khwesie; ⁶ Ne nga olwa chimoni change chalimbula, ndalingala nimbona chisolo echia makulu kane echiomusialo, nende chisolo,chiomusiino, nende bindu bimolanga, nende amayoni ka mumiyaka. ⁷ Ndeecha ndabulira idoboosi niimbolera 'Singira Petero manu olie. ⁸ Arali ndaboola khaba, Omwami siri okhuliakho esindu simali kose esiomufuro. ⁹ Arali idoboose yangalusia khandi khurula mwikulu niboola 'esia Nasaye alafuyie, orasilanga khuba simali. ¹⁰ Ne kano kekholekha makhabi kadaru; ne khandi bioosi nibikalusibwa mwikulu. ¹¹ Naye mulwangu abaandu badaru beecha munyumba yandalimo, bali barumirwe khurula Kaisaria khwicha khu esie. ¹² Ne omwoyo omutakatifu kwamboolera okhuchia ninabo, abakheerwa basasaba bano bambana nange, nikhwingira munyumba yomundu ula. ¹³ Namala na ruboolera kori yabona malaika munyumba yaye, owema namuboolera, ruma abaandu Yafa manu olange Simoni olangwa Petero; ¹⁴ Naye achia okhuboolera amakhuwa, ne ewe nende inyumba yao muchia okhulokokha. ¹⁵ Ne nga olwandachaka okhulomaloma, omwoyo omutakatifu kwabekherakho, kori olwa efwe mukhuchaaka. ¹⁶ Ndeecha ndechulisia elikhuwa lia omwami , nga olwayaboola mbwe Yokhana yabatisia nende amaachi, arali eng'we muchia okhubatisibwa nende omwoyo mutakatifu ¹⁷ Bulano olwa Nasaye yababeresia esianwa sifwanana nende nga esia yaruberesia efwe abasubira mu omwami Yeso Kirisito esie ndali wiina mbwe nyale okhaya aka Nasaye?" , ¹⁸ Ne olwa babulira amakhuwa kano, beecha banyola mulembe, nibaberesia Nasaye oluyali, nibaboola,khane Nasaye abanyaliire Abanasialo okhwekanira khurera obulamu. ¹⁹ Bulanu balia abali nibasalanire mubialo bia ingerekha khubeera khusandisibwa khwa Sitefano bachaaka lukendo khuchia Foinike, nende Kipro nende Antioka, nibayaala ifanjili khu Bayaudi. ²⁰ Nabo abandi khunibo bali abaandu ba Kipro nende Kirene, abali niboola Antiokia balomaloma nende Abayunani nibayaala likhuwa lia omwami Yeso. ²¹ Ne omukhono kwa omwami kwali ninabo, nabaandu bangi basubira nibamukalukhanira omwami. ²² Makhuwa kebindu bino koola mumarwi ka elikanisa liali Yerusalemu; manu nibaruma Baranaba bwangu mbwe achie Antiokia. ²³ Naye nga yeecha yali nabwene obukosia bwa Nasaye yali musangafu, nababeresia omwoyo mbwe, khulwokhubera lichoma lia omwoyo bachiririre okhuguma muMwami. ²⁴ Khubeera yali omuundu mulayi kandi owechulamo omwoyo mutakatifu nende owa busubiri; manu baandu beecha bemenda mu mwami. ²⁵ Lunyuma Baranaba yachia Tariso, khulwa khukonya Sauli. ²⁶ Naye nga olwa yamunyola, yamurera Antiokia. Lunyuma wa ao, biali mbwe omwaka kwoosi bambaana alala nende likanisa, manu nibekesia abaandu bangi. Abeka balangwa olwamberi mbwe Bakirisito mu Antiokia. ²⁷ Bulanu muchinyanga echa banabii, bachaaka okhurula Yerusalemu nibachia Antiokia. ²⁸ Naye yeecha yarulirao omulala olangwa mbwe Agabasi, niyekesebwa nende omwoyo mutakatifu mbwe khuchia okhuba nende injala ikhongo musialo sioosi; akeecha kekholekha muchinyanga chia Kilaudio. ²⁹ Lunyuma abeka, buli mundu khulondana nende obunyala bwaye bafukirisania okhuruma obukhonyi khu bakherwa abali bamenya Yudea. ³⁰ Kano bakhola, manu nibaruma khu bakofu khubirira mumakhono ka Baranaba nende Sauli