¹ Biali ambi wa ebikha ebia Herodi omwami nayira omukhono kwaye okhubasandia balala khubalia abali abelikanisa. ² Yamala niyeera Yakobo omusiani wabwe Yokhana nende oluganga. ³ Naye khulwa okhubera yalola mbwe biasangasia Bayaudi, yacha imberi namudira Petero yesi. Echo chali chinyanga cha migaati kurarebwakho limera. ⁴ Naye nga yali yakhamala okhumudira yaamuyira mumboye , manunamura mumikhono kia emikanda kine ekia abamayie, mbwe bamulinde, nali nende lichomo mbwe Pasika niyakhabwa bamurere imberi wa baandu. ⁵ Kho Petero yarebwa mumboyero; Arali likanisa lialama Nasaye oburalekha dawe . ⁶ Ne inyanga ya Herodi yali amurusie rwanyi khuyasibwa musiro esio Petero yali nakonere akari wa balindi babiri, nabooyerwe nende eminyororo kibiri; nabo abalindi bali imberi womuliangiro kwa imboyero nibalindire imboyero. ⁷ Ne lola malaika wa omwami yamwichakho, manu nikhuba nende obulafu mumboyero; namukuda Petero khulubafu namala namusingisia naboola singira lwangu. Nakio eminyororo kiabololokha nikikwa khurula khu makhono kaye. ⁸ Ne malaika namuboolera weboye manu wefwale bilaro biao. Manu yakhola ario. Khandi yamuboolera wefwale chingubo chiao manu onoonde. ⁹ Yamala nachia erwanyi namuloonda; khasi yasubira akekholekha nende malaika mbwe kali aka obwadieri; nga yapaara mbwe abwene amalolo. ¹⁰ Nga babira abalindi bamberi nende abakhabiri, boola khu muliango kwa esichuma okwali kwingira mulidokho kweikulao sa kwene khu nibo; nibamala nibarula, nibabirira khungira ndala; Naye mulwangu malaika yamulekha ¹¹ Ne olwa Petero yeecha yanyola okhwemanyirisia, yaboola, bulanu ndamanya oburalimo khubeyabeya,mbwe Omwami arumire malaika waye, naye yakhanunula khurula mumukhono kwa Herodi, nende kalia koosi aka bayaudi babere baparire kekholekhe. ¹² Ne nga olwayamala okhupara kano yachia munyumba ya Maria ng'ina Yokhana, owa lira liaye lindi liali Mariko; owa abaandu bangi bali nibakhung'anire nibali okhulama. ¹³ Ne nga Petero yakhongonda khulwiki omukhana mukhosi, elira liaye mbwe Roda yeecha khubulira. ¹⁴ Ne nga olwayamanyirisia idoboosi ya Petero khasi yekulao omuliango mberi okhubere obusangafu, arali yerukha nakalukha mukari, nababoolera ari Petero yemere khu muliango. ¹⁵ Nabo bamuboolera ewe oli omulalu naye yachiririra okhwema sirungi mbwe kalikario. Lunyuma baboola mbwe oyo ni malaika waye. ¹⁶ Arali Petero yachiririra okhu khong'onda; Lunyuma nga bekula olwiki nibamulola, baukisibwa. ¹⁷ Arali yabasaba mungira ya okhwekhonyera mukhono mbwe bachiririre okhuba nende omulembe kwabwe, nabakanira kori Omwami amununule okhurula mumboye. Namala naboola mbwe muchie muboolere amakhuwa kano Yakobo nende abakherwa. Namala nabalekha nachia abundu andi. ¹⁸ Manu nga olwabwakhia abalindi bali nende oburi ni bereba mbwe siina esiekholekhe khu Petero. ¹⁹ Bulanu nga Herodi yamukonya nakhaya okhumunyola, yanoneresia abalindi, namala nalagira mbwe beerwe. Yamala narula Yudea nachia emwalo Kaisaria niyekhala eyo. ²⁰ Khandi Herodi siyasangasibwa lukali nende baandu ba Tiro nende Sidoni; arali beecha nende elichomo lala khu niye, ne nga olwa bali nibakhola obwicha nende Bulasto overesianga inyumba ya omuruki ebiakhulia, badakha omulembe; khubera esialo siabwe siakhonywanga nende esialo sia omuruki. ²¹ Ne inyanga ndala eyaarebwao Herodi yefwala chingubo chio buruki, niyekhala khusisala siaye sia oburuki, naboola ari, eyo ni idoboose ya Nasaye, khasi ni idoboosi ya omundu khaba. ²² Abaandu bayokera nibaboola bari eyo ni idoboos ya Nasaye, khas ni idoboos ya omunudu khaba. ²³ Ne ao nende ao malaika wa Nasaye yamukhuya khubeera khasi yaberesia Nasaye oluyali; emiambo nikimulia, nafwa. ²⁴ Ne likhuwa lia Nasaye liakhula manu khandi nilisalana. ²⁵ Ne Baranaba nende Sauli bakalukha khurula Yerusalemu, nga olwaboseresia obukholi bwabwe, bamala niba bukula Yokhana, owa lira liaye lindi lialangwa mbwe Mariko.