¹ Arali omusacha undi olangwa mbwe Anania, nende Safira omukhasi waye, bakusia omwandu, ² nibabiikha buleka khu ebiabakusiamo, omukhasi waye yesi namanyire amakhuwa akomubwefiso ako, nareera buleka khu ebio ebiabakusia, nibabigeng'a mumakulu akabarumwa. ³ Naye Petero nabola, Anania mbwe sina sitani niyechusia omwoyo kwao okhumubacha rokho omutakatifu, khandi niwebikhira buleka khu amapesa aka obukusi bwe indalo? ⁴ Kori olwa wali nayo, siyali eyao mwene? ne ngolwa yakusibwa, khaba khasi yali mubunyala bwao? mbwe sina nobiikha ebindu bino mumwoyo kwao? ewe khaba khasi obacha abaandu arali Nasaye. ⁵ Ne Anania nabulira amakhuwa kano nakwa asi nafwa; oburi nibubengiramo boosi abaulira ebindu ebio. ⁶ Ababuukha nibasingira nibamuboya nibamurusia erwanyi, nibamusikha. ⁷ Nibibira ebikha ebia amasaa kadaru, omukhasi waye, naramanyire akekholekhe niyengira. ⁸ Naye petero namukalusia, mbolere nikali mbwe mukusisie omukunda amapesa ako? naye naboola, eee ako sa. ⁹ Ne Petero namubolera mbwe, sina nimufukirisiana okhumutema rokho owomwami? lingera amakulu akakhasikha omusacha wao kali mumuliangiro, khandi kanakhukiinga ewe okhurusia erwanyi. ¹⁰ Manu mulwangu nakwa asi mumakulu kae nafwa; ne ababuukha nibengira nibanyola nafwire, ne nibamukiinga nibamusiikha alala nende omusacha waye. ¹¹ Oburi obukhongo nibwicha khulikanisa lioosi, nende khubalia boosi ababulira ebindu ebio. ¹² Ne mukhubirira mumakhono akabarumwa ebilolero ebingi nende ebiamayia biekhola mubaandu. Ne boosi bali alala mubulala munyumba ya sulemani. ¹³ Ne khubandi abadong'a abulao omundu yesi owekomba okhulondana nabo, arali abandu babafumia. ¹⁴ Ne abasubira bamedekha lukali khumwami, emikanda ekia abasacha nende abakhasi. ¹⁵ Abangi barera abalwaye khuchingira, nibabalisia khubitanda nende ebisaala, mbwe kata sa esinikha esie Petero nabira sinyale okhubolakho. ¹⁶ Khandi emikanda kiecha okhurula mumadokho akabodokhane Yerusalemu, nibarera abalwaye bakabukhane, nende balia abali nibechulemo ebikhieno ne boosi baonisibwa buli mulala. ¹⁷ Ne omukukhani omukhongo nasingira nende boosi abali ninaye,(abali abomukanda okwa basadukayo) nibechulamo imbalikha. ¹⁸ nibabarakho amakhono abarumwa nibabadiira nibabageng'a mumboye eyabulinyanga. ¹⁹ Arali malaika womwami musiro niyekulao emiliango ekieimboye, nabarusia naboola ari, ²⁰ Muchie, mweeme mukhekalu mulomalomere bandu amakhuwa koosi akobulamu. ²¹ Ne nibabulira kano bengira mukhekalu ichuli mumabwibwi, nibekesia. Arali omukhongo owa abakukhani yeecha, nende boosi abali naye nibalanga olubarasa alala, nende abakhulundu boosi aba abaana baIsraili, nibabaruma mu ikhekalu khubarera. ²² Arali abarumikhi nibola, nibarabanyola mumboye, bakalukha nibababoolera, ²³ Nibaboola bari imboyero khunyolere niyefungire ebilayi, nende abalindi nibemere khumuliango arali olwakhufungule,sikhunyoleremo omundu yesi mukari. ²⁴ Bulanu omukukhani omukhongo nende omusikari we ikhekalu nende abakukhani abakhongo nibabulila ebindu bino, khaba khasi basubirira khulwabwe kafwana kario karie. ²⁵ Mulala niyeecha nababoolera, lingera abaandu aba mwagengera mumboye, mbalia bemere mu ikhekalu khandi bekesia abaandu. ²⁶ Manu nachia omusikari omukhongo nende abaloli nibabarera oburali nende esioka; okhubera babaria abaandu barecha babakhuya amakina. ²⁷ Ne nibamarire okhubarera, imbeli wolubarasa; ne omukukhani omukhongo nabareba, ²⁸ naboola khaba khasi khwabalagre oburekesiakho mulira lino? ne lingera mwichusiemo Yerusalemu nende amekesio keng'we, khandi muli nende elichomo eliokhurera amabanga akomundu uno khwefwe. ²⁹ Ne Petero nende abarumwa bandi nibakalusia nibaboola, kakhoyera efwe okhuchira Nasaye okhukhira abaa ndu. ³⁰ Nasaye owa basefwe yamulamusia Yeso owamwera nimumubamba khumusalaba. ³¹ Niye owa Nasaye akingulire nende omukhono kwaye omusacha abe omuruki khandi omuonia, aberesie Isreili okhwekanira nende obulekherwi obwe ebionoono. ³² Ne efwe khuli abaloli aba ebindu bino; khandi rokho mutakatifu yesi ario, owa Nasaye yaberesia abo aba mubuliramo. ³³ Ne ngolwa babulira ako nibachunisibwa mumioyo, nibekhoba okhubeera. ³⁴ Mulalal nasingira mulubarasa, Omufarisayo, olangwa Gamalieli omwekesia owa amalako, oweyifuma indayi mubaandu boosi, nalagira mbwe abarumwa barebwekho erwanyi budiidi. ³⁵ Nababoolera, eng'we abaandu aba Isreili, mulingeremo abene esie mwenya khukhola okhulondana nende abanadu bano. ³⁶ Okhubeera echinyanga chino nichisiri yecha Tadeyo, niyelaya okhuba omundu okhoyera; owa abaandu boola echmia chine, bakhungana alala; yerwa ; ne boosi, obungi obwa abamubulira basalana, nibaraba esindu dawe. ³⁷ Omundu uno nabwereo yeecha Yuda owa Galilaya muchinyanga echia okhubala abaandu abandi nibamulondakho; yesi nasasikha; nende boosi obungi obwa abamusubira basalaana ³⁸ Bulanu mbaboolera, mulekhane nende abaandu bano, mubalekhe babe; okhubera nikaba olubarasa luno kose emirimo kino nikia baandu kinasasikha. ³⁹ Arali nikiba ekia Nasaye, khaba khasi mwakhakikalira; mureecha mubusangafu mwanyolekhana nimukhuyananga nende Nasaye. ⁴⁰ Nibafukirisania ninaye; nibabalagira abarumwa, nibabakhuya, nibabalagira mbwe baralomalomakho mulira elia Yeso nibabalekhula okhubwao. ⁴¹ Nibarula imberi wolubarasa , nibasangalire mbwe babalirwe abakhoyera okhusandisibwa muchisoni khulwa elira liaye. ⁴² Manu buli inyanga mu ikhekalu ne khandi mubuli inyumba, khaba khasi bachweya okhwekesi nende okhuyala mulira elie Yeso Kirisito,