¹ Ne ngolwa balomalomera abaandu, abakukhani, nende abemirisi aba ikhekalu, nende abasadukayo, babechera. ² Nibasinyisibwe okhubera bekesia abaandu nibayaala okhubirira khu Yeso owalamukha okhurula mubafu. ³ Nibabarakho amakhono nibabekalira okhuula inyanga yalondakho, okhubeera bwali nibwirire. ⁴ Arali abangi khubo ababulira elikhuwa basubira ne inamba eyabasacha yali ambi nende chilifu chirano. ⁵ Ne nibukhiere inyanga ilondakho abaruki babwe, nende abakhulindu, nende abandiiki, ⁶ Nende Anasi omukukhani mukhongo, nende Kayafa, nende Yokhana, nende Alekisanda nende abandi bangi abali abolwibulo olwa omukukhani mukhongo bakhung'ana mu Yerusalemu. ⁷ Ne nibabarere akari Petero nende Yokhana babareba mbwe nikhubunyali sina kose khulira sina mukhola kano? ⁸ Naye Petero niyechusibwemo rokho omutakatifu Nababoolera eng'we abaruki ababaandu nende abakhulundu, ⁹ Nikaba mbwe inyanga ino barureba khulwa elikhuwa elilayi eliekholekha khu omulwaye khulwa obunyala sina aonere, ¹⁰ Kamanyikhe khu eng'we mwesi, nende khuboosi aba Israili, mbwe khu elira elia Yeso kirisito owa Nazareti, owa mwabamba, owa Nasaye yalamusia okhurula Munich, niye okhubirira omundu uno yemere ano omulamu. ¹¹ Lino nilio elikina elia eng'we abombakhi mwakhaya, elimalire okhuba elikhongo eliomukona ¹² Khandi khasi khuli nende obwonia mu oundi, okhubeera khaba khasi khuli nende elira lindi asi welikulu eliaberesibwa khubaandu, mbwe khulio efwe khuonisibwe. ¹³ Manu nibalola ichwoni ya Petero nende Yokhana, ne nibamanyire mbwe sibali abaandu basoma khaba ababula obumanyirisi bauka; ¹⁴ ne nibamulola omundu awali naonesibwe niyemere nabo, babula eliokhuboola akulu wabwe. ¹⁵ Ne nibamalire okhubalagira mbwe barule erwanyi wolubarasa, baboolana bene khubene. ¹⁶ Nibabola bari, khunakhola sina khubaandu bano? okhubeera obwadieri esiamayia esilolekha siekholekhe nabio khandi bimanyikhe muboosi abamenyere muYerusalemu; khandi khasi khwakhakaana. ¹⁷ Arali karalandaala kachiririra khandi mubaandu, bulanu khubarikhirisie mbwe baralomalomakho ndomundu yesi yesi mulira lino. ¹⁸ Nibabalanga khandi nibabalagira oburalomaloma kose okhwekesia mulira elia Yeso. ¹⁹ Nabo Petero nende Yokhana bakalusia nibaboola bari nibiri ebilayi mumoni chia Nasaye okhubabulira eng'we okhukhira Nasaye, abene mulobole. ²⁰ Arali khaba khasi khunyala khwakhaya okhulomaloma khubindu ebia khubwene nende okhubulira. ²¹ Ne ngolwa bali khandi nibabarikhirisie nibabalekhuula okhubwao, nibaranyola esiakhakera babasandie, okhubera abaandu boosi bechomia Nasaye khulwa siria esiali nisiekholeekhe ²² Okhubera oundu yali akulu wemiaka amakhumi kane owa ebiamayia biokhuona biali nibimwekholeekho. ²³ Ne nibabalekhuulire, bachia okhukhung'ana nende abasiabwe, nibababoolera aka abakukhani abakhongo nende abakhulundu bababoolera. ²⁴ Nabo nibabulire ako, nibakingula emioyo kiabwe alala khu Nasaye nibaboola, omwani ewe newe Nasaye owalonga elikulu nende esialo, nende inyanja nende ebio bioosi ebirimo. ²⁵ Owa okhubirira mumunwa okwomukhalabani wao Daudi waboola mbwe, khulwasina abarasubira bakhuba esioka, ne abaandu bapara ebirariwo?' ²⁶ Abaruki abesialo bemere nibambana alala okhumukhaya omwami nende Kirisito waye. ²⁷ Okhubera obwadieri akulu wa omwana omutakatifu Yeso, owababakha amafura Herodi alala nende Pontio Pilato, nende abakafwiri, nende abaandu aba Isreli bakhungana alala. ²⁸ Okhukhola ebia omukhono kwao nende amaparo kao kaloboola okhukhola okhurula mukhuchaka. ²⁹ Bulanu Omwami bulira okhurikhirisia khwabwe, manu oberesie abakholi bao babe nende ichuoni yosi banyale okhubooola elikhuwa liao. ³⁰ Mukhunyiiira mukhono kwao okhuonia, nende ebilorero nende akamaya kekholekha mulira litakatifu elia mwana wao Yeso. ³¹ Ne nibamalire okhusaya, abundu wabali nibakhung'anire narangerekha; ne boosi nibechusibwamo rokho mutakatifu, nibalomaloma elikhuwa elia Nasaye nende ichuoni. ³² Ne abaandu balia abasubira bali mumwoyo mulala nende maparo malala khandi abulao yesi owalola mbwe bindu bioosi ebia yali nabio biali ebiaye yeng'ene arali bali nende obulala mubindu bioosi. ³³ Ne mubunyala obukhongo abarumwa barusia obuloli khulwa obulamukhi bwa omwami Yeso ne obukosia obukhongo bwali akulu wabwe boosi. ³⁴ Khandi abulao mundu yesi owalemerwa, Okhubeera abangi abali nende emiandu ekia maloba kose echinyumba bakusiamo nibarera obukusi obwa ebindu ebia bali nibakusisiamo, ³⁵ Nibageng'a mumakulu kabarume nibabakabira buli mulala kori amenya kaye olwa kali nikali. ³⁶ Naye Yosefu, owa abarume balanga mbwe Barinaba, owa nokalula nomwana wokhulemisibwa omulawi, owesialo sia Saiprasi, ³⁷ Owali nende omukunda, yakusiamo, narera echisende , nachigeng'a mumakhulu aka abarume.