¹ Bulanu Petero nende Yokhana bachia alala mukhekalu khu bikha bia okhulama, nibio echisa tisa. ² Ne omusacha mulala omulema okhurula mukhwibulwa khwae yakingwanga, narerwa khu esiribwa esia ikhekalu esilangwa mbwe esilayi, okhusaba ebianwa khubalia abengira mukhekalu. ³ Olwa yalola petero nende Yokhana nibali ambi okhwingira mukhekalu, yabasaba esianwa. ⁴ Naye Petero, nende Yokhana nibamulingera lukali mumoni nibamuboolera rulingerekho efwe, ⁵ Naye nabarekeresia, nalindirira okhunyolakho sindu okhurula khunibo, ⁶ Manu petero naboola, ifesa nende idakhabu esie khaba khasindi ni nanayo, arali esiandi ninasio nisio esiakhuberesia. Mulira elia Yeso Kirisito owa Nazareti singira okeende. ⁷ Namubukula khumukhono omusacha, namubusia, abwene awo amakulu kaye nende ebikumba ebie bibonge biaye nibinyola amaani. ⁸ Naye naduma niyema, nakenda, niyengira alala ninabo mukhekalu, nakenda naduma, namufumia Nasaye, ⁹ Khandi baandu boosi bamulola nakenda nibafumia Nasaye. ¹⁰ Nibamanyirisia mbwe niye owekhaalenge nasaba ebianwa khusiribwa esilayi esieikhekalu; manu nibaukisibwa nende okhukanakana esiali nisiekholekhe khu niye. ¹¹ Ne ngolwa omundu omulema owali naonere yaba.dira Petero nende Yokhana abaandu boosi, beerukha okhubalonda mulubuchiro olwalangwa mbwe olwa Sulemani, nibauka muno. ¹² Ne ngolwa Petero yalola, yabakalusia abaandu abo ari, eng'we abaandu baIsraili, mbwe sina mwesindukha khukano? Mbwe sina okhurumisiriakho echimoni; korifwana khulwa obunyala bwefwe,kose obutakatifu khukhola mundu uno akende? ¹³ Nasaye wa Aburakhamu nende Isaka nende Yakobo, Nasaye owa basefwe, yamuberesia omwana waye Yeso; owa mwarusia, nimumwekana imberi wa Pilato, ngolwa yali nafukirire okhumulekhula mbwe abweo. ¹⁴ Nimumwekana omutakatifu khandi omulungifu nimwekomba muberesebwe omwiri. ¹⁵ Mwera omwami wobulafu, owa Nasaye yalamusia okhurula mubafu, nafwe khuli abaloli. ¹⁶ Ne elira liaye likhola omundu uno okhuba nende amaani, owa mulola khandi, mumumanyire; owa, obusuubiri obuli ninaye bumuberesia obulamu mubwichufu imberi weng'we. ¹⁷ Ne bulano, abakheerwa, manyire mbwe muburamanya mwakhola, khandi ngolwa bakhola abaruki beng'we. ¹⁸ Nebindu bioosi, ebia mukhuchaaka Nasaye yekesia okhubirira muminwa ekiabandu, mbwe kirisito okhula anyasibwe, khuba amalire okhusirisia. ¹⁹ mwekanire eng'we bulanu, manu mwekalukhanie, mbwe echimbi chieng'we chirusibweo,mbwe chinyanga echiobusangali nichicha okhurula khukhubao okhwa omwami. ²⁰ Ne anaruma Yeso Kirisito, owalobolwa khulweng'we. ²¹ Owa elikulu linengisia okhuula echinyanga echia okhukhola ebindu bioosi, ebia Nasaye yalomaloma okhubirira muminwa ekia banabii baye batakatifu boosi okhurula okhulongwa khwesialo. ²² Okhubera Musa obwadieri yaboola khubasefwe, omunabii omwami Nasaye weng'we anamukingula akulu khulweng'we okhurula mu bakheerwa beng'we, kori esie; owa munabulira ebindu bioosi ebia anababoolera eng'we. ²³ Ne lwakhabeo, mbwe buli omwoyo kwoosi, okurabulira omunabii oyo, kunanyasibwa okhurula mubaandu. ²⁴ Eee, ne abanabii boosi okhuchakira khu Samueli nende abo boosi abecha inyuma waye, ngolwa abangi balomaloma, boosi barusia obunabii khulwe echinyanga echio. ²⁵ Eng'we muli abaana aba banabii, nende abelilakano elia Nasaye bakhola nende abaseng'we, naboolera Aburahamu ari, okhubirira mu imwo yao echinjibulo chioosi echie sialo sino chiakhaberesebwe echikhabi. ²⁶ Khulwao Nasaye imberi, namulamusie omwana wae Yeso, yamuruma okhuruberesia echikhabi, okhukalukhania nende okhurusia buli mulala khweng'we okhurula muchimbi chiaye.