¹ Bulanu nga Apola yali Korintho, Paulo niyakhabirira khundulo wa inyanja emukulu yeecha Efeso; yanyolayo abeka . ² Yabareba, "mwanyola omwoyo mutakatifu khurula nga mwasubira? " Nabo bamukalusia, kata khusiri okhuburirakho mbwe omwoyo mutakatifu kuliwo. ³ Ne khandi yabareba bulanu mwabatisibwa khumbatisia sina?, nabo bamukalusia mubatisia lia Yokhana. ⁴ Lunyuma Paulo yababoolera ari Yokhana yabatisia libatisia lia okhwekaninra, yaboleranga abaandu mbwe bakhoyera okhusubira mu ulia ochia khwicha inyuma waye, oli mbwe ni Kirisito Yeso. ⁵ Ne olwababulira kano babatisibwa mu lira lia omwami Yeso. ⁶ Ne nga olwa Paulo yabarakho amakhono, omwoyo mutakatifu kwabeechakho bamala nibachaaka okhulomaloma muchinimi nende khurusia obunabii. ⁷ Ne abaandu abo bali ambi wa ekhumi nende babiri. ⁸ Yamala nachia musinagogi, nalomaloma nende ichwoni khulwa emiosi kidaru, nayingana nende okhwekweda abaandu mubindu bilondana nende obwami bwa Nasaye. ⁹ Arali abaandu bakhaya, nibarasubira dawe, nibachaka okhulomaloma bibibi khu ingira ino eya obwami bwa Nasaye imberi wa omukanda, Paulo yecha yabalekha nabarulakho, namala niyekabula khubeka, nibaingana bulinyanga nende abaandu mu lisomero lia omundu mulala owalangwa mbwe Tirano. ¹⁰ Kano kachirira khulwa emiaka kibiri, khubera mbwe bala boosi abali bamenya mu Asia babulira likhuwa lia Omwami Yeso Abayaudi nende Abayunani. ¹¹ Manu Nasaye nakhola akamangalimwa akabira sikero khubirira mumakhono ka Paulo. ¹² Khubera kata chingubo nende ebitambaya biarulanga khumubiri kwa Paulo nibara khubalwaye, amalwaye kabarulangamo, khandi ebikhieno biosi biabarulangamo. ¹³ Abayaudi bandi abakenda kendanga, nibarusia ebikhieno, bachira abaandu bali nende ebikhieno nibatema okhurusia bikhieno mulira lia Omwami Yeso nibaboola, khubalagira mulira lia Yeso wa Paulo ayaalanga. ¹⁴ Ne bariwo abaana saba aba omundu mulala owalangwa mbwe Sikeba, omuyaudi, owali omukhongo wa abakhulundu, abakholanga bario. ¹⁵ Ebikhieno nabio biakalusia nibiboola, "Yeso khumumanyire, khandi Paulo khumumanyire; Arali eng'we nang'we muli wiina?" ¹⁶ Omuundu walimo bikhieno yabarumirakho nabayekhera, nabakhira, amaani niberukha khurula munyumba nibali siekenye nende nibanyaalikhe emibiri. ¹⁷ Kano kecha kamanyikhana khu Abayaudi nende Abayunani boosi abali nibamenya Efeso; manu oburi nibubadira boosi, manu lira lia Omwami Yeso liakingulwa. ¹⁸ Balia abasubira becha, bafukirira chimbi chiabwe, nibalolesia bikhole biabwe. ¹⁹ Abangi khubala abakhola bulakusi barera ebitabo biabwe alala , nibabisamba imberi wa baandu boosi; becha babusia alala obukusi bwa bindu ebio nibanyola mbwe chali echisilingi chilifu makhumi karano. ²⁰ Manu mubukhongo muno elikhuwa lia Nasaye liakhula nilichia ale. ²¹ Kano nikakhola siakamo, Paulo yakhengao mumwoyo kwaye niyakhabira musialo sia Makedonia nende Akaya okhuchia Yerusalamu naboola ari, nindakhamala okhuba eyo, khoyekhere ndole khandi Roma. ²² Yamala nabaruma Makedonia babiri khu bala abamukholeranga, Timoteo nende Rasto arali Paulo mwene, yadonga Asia khulwa ebikha bidiidi. ²³ Mubikha sa ebio khwarulirao indoboyo ikhongo khulondana nende ingira eyo. ²⁴ Khubera omuundu undi olwangwa mbwe Demetiro omusambiriri we bichuma, owareresianga alutari chia Aritemi yareranga inganga ikhongo khu bareresi ba bindu bia ebichuma. ²⁵ Yalanga alala abareresi abo nende boosi abakholanga emirimo kifwanana nende ekiaye, namala nababoolera abami, mumanyire mbwe obuyinda bwefwe burulanga mumirimo kino. ²⁶ Khandi mubuliranga mbwe, khasi kali mbwe ni Efeso ano wong'ane khaba, arali ambi Asia yoosi, Paulo uno amalire okhwekweda baandu bangi nibarurulakho nabola mbwe eminasaye kikasibwa nende amakhono khasi ne minasaye. ²⁷ Bulanu sikalisa mbwe emirimo kiefwe kino kiri mubudinyu bwo khulekhwa, arali kata inyumba ya kunasaye kwefwe kukhongo okwe sikhasi Artemi icha okhulekwa, alala nende sironyo siayo. ²⁸ Ne olwa bamala okhubulira kano, bechulamo lirima, nibayokera, nibaboola, omukhongo niye Artemi owa Efeso. ²⁹ Manu elidokho lioosi liechulamo indoboyo ; manu nga olwa badira Gayo nende Aristariko, abaandu ba Makedonia, abali nende Paulo mulukendo, bachia ninabo mulwangu musiguuri sia mibayo mungeri yo bulala. ³⁰ Bulanu Paulo nga yadakha okhwingira akari wa baandu, abeka bamukaira okhwingira . ³¹ Ne abandi khu bakhongo ba Asia , abali abeecha baye baruma abaandu khu Paulo, nibamusaba mbwe yesi arengira musiguuri sia mibayo dawe. ³² Bulanu abaandu bandi bayokera nibaboola kano, khandi bandi bosi bayokera nibaboola kandi, khubera omukanda okwo kwabula khubulirisania. manu obungi babwe khasi becha bamanya esiali sikerere bebusie ao. ³³ Becha barusia Alekisanda erwanyi wo mukanda Abayaudi nibamaala imberi wa bandu, Alekisanda mu ngira yokhukingula mukhono, yadakha mbwe alomelome yerusie mumusango nali imberi wa baandu ³⁴ Ne becha bamanya mbwe yali omuyaudi,boosi mudoboosi, ndala mubikha bia masa kabiri, bayula mbwe omukhongo niyeb Artemi wa Baefeso. ³⁵ Bulanu nga omwandiki wa lidokho yecha nabuleresia abaandu, Paulo yaboola eng'we bandu ba Efeso, ni mundu sina oliwo okorerwa kori elidokho lia Baefeso mulamanga khu nasaye kukhongo kwe sikhasi okulangwa mbwe Artemi, nende esifwanani esiakwa asi khurula akulu mwikulu. ³⁶ Bulanu khubera mbwe amakhuwa kano khasi kanyala okhukaira, bulanu kenyekhana mubulere. ³⁷ Manu mukhaye okhola bindu mulwangu lwangu. ³⁸ Nikali mbwe Demetiro, nende abasie bo khu sambirira bindu bia bichuma abali naye, nibali nende imboosi nende omundu yesi yesi, khuli nende, malako, khandi khuli nende bakhongo balondakho bakhole misango. 9 Arali nikali munakonyeresia elikhuwa liosi liosi mumakhuwa kandi, ako kanamalirwa mulukhikho lwa malako. ⁴⁰ khubera khuli mubudinyu bwa khuba mumusango khulwa indoboyo ya inyanga ino; nikalimbwe inabula esikera khunarungira likobi. Nga olwa yamala okhulomaloma yafunaka mukanda kwali kwebusisie.