¹ Bulanu nibakhamala khubira akari Amfipoli nende Apollonia boola Thesalonika owa khwali nende isinagogi ya Bayaundi. ² Naye Paulo nga olwa ali yamala, yabachira, manu khulwa chinyanga chidaru cha isabato balingala mu mandiko niyeka nabo. ³ Niyekulao mandiko manu nababoolera mbwe, biamukhoyera Kirisito khusandisibwa, nende khubukha khurula mubafu, khandi mbwe Yeso uno, owa ndi khubayaalira nikirisito. ⁴ Manu bandi khunibo basubira, nibambana nende Paulo nende Sila Abayunani bali basubira Nasaye, abangi muno, kata nende abakhasi ba bweyango bukhongo boosi. ⁵ Abayaudi barasubira, badirwa nende ikhinda, babukula abaandu abamanu abarali nende ifuma indayi, manu nibebusia nibaakhola indoboyo mulidokho, nibachia okhusandia inyumba ya Yasoni nibadakha okhubadira okhubayira imberi wa banadu ba mulidokho. ⁶ Nga olwabakhaya okhubanyola babakhwekhwesa nende bakherwa bandi nibabaira khu bakhongo ba lidokho, nibaboola bari abaandu bano bakalukhania sialo, bechere ano woosi. ⁷ Naye Yasoni yabengisia omwaye;arali abaandu bano bakholanga ebindu ebiingania amalako ka Kaisairi nibaboola mbwe alio omuruki undi, olangwa mbwe Yeso. ⁸ Manu nibasindusia abaandu nende abakhongo ba lidokho, nga olwa babulira amakhuwa kano. ⁹ Ne nga barungira Yasoni, nende abasie ifayinini ya okhurula mumusango,babalekhula nibabwao. ¹⁰ Manu abakherwa bamala nibabasebula Paulo nende Sila musiro okhuchia Beroya nga boola Beroya bengira musinagogi lia Bayaudi. ¹¹ Abaandu bano bali abalayi okhira aba Thesalonike, ao bengisia elikhuwa mu burekerefu bwa maparo kabwe, manu nibalingala mumandiko buli inyanga, nikali mbwe akandikisibwa kadieri. ¹² Khulwa ako abangi babwe becha basubira, kata nende abakhasi ba oluyali ababayaunani, nende abasacha abangi. ¹³ Arali nga Bayaudi ba Thesalonika becha bamanya mbwe elikhuwa lia Nasaye liyaalwa nende Paulo Beroya, boosi bachiayo manu nibanyasia nende okhusandia abaandu. ¹⁴ Ne mulwangu lunyuma abakherwa basebula Paulo mbwe achie khundulo wa inyanja, arali Sila nende Timotheo badonga nibachiririra okhumenya eyo. ¹⁵ Nabo abamungoba Paulo Anthenes bamala banyola omulango, mbwe Sila nende Timotheo bache baambane naye mulwangu, bamala nibamulonda. ¹⁶ Bulanu Paulo nga yali nabalindire Athene, omwoyo mutakatifu kwa Paulo kwaberera, nga olwayalola mbwe elodokho lioosi liali asi wa minasaye kia bifwanani. ¹⁷ Khubera ako Paulo yeka nende bayaudi nende bandi balia abaria Nasaye, kata musiro, nende bala babukanananga ninaye. ¹⁸ Lunyuma abakesi, ba Bipikureo nende Bistoiko nibabukanana. ¹⁹ Nibamudira nibamuiraa imberi wa Areopago nimbamureba bari, khunyala khwamanyakho owa mekesio mayakha kano; akawekesianga niko sina? ²⁰ khubera oreranga amakhuwa makeni mu marwi kefwe; bulanu khudakha khumanya mbwe makhuwa kano niko sina. ²¹ Khubera abaandu ba Athene nende abakeni bali mu madokho omwo khasi bakholangakho sindu sindi bikha biabwe biosi, arali okhulomaloma , kose okhubulira amakhuwa makeni, ²² Paulo yamala niyema akari wa Areopago, naboola eng'we abaandu ba Athene,mbona mbwe mumakhuwa kosi muli abaandu ba okhulonderera emilukha kia idini. ²³ Khubera nga mbirire nimala nindola bindu bia mulamanga, nyolere alutari nende amandiko kano KHU NASAYE ORAMANYIKHANE. Bulanu niye owamulamanga, esie bulanu bayaalira oyo owamulamanga nikhasi mumumanyire. ²⁴ Nasaye ulia owalonga esialo nende abindu boosi birimo, naye omwami wa likulu nende esialo samenyanga mu kanisa liombakhwa nende mikhono. ²⁵ Khandi sakholerwanga nende mikhono kia baandu kori ulia odakha sindu siosi siosi, khubera niye oberesianianga obulamu khu bindu bioosi, emiuya nende buli sindu. ²⁶ Khandi khurula mumabanga ka omundu mulala abaandu ba bialo okhumenya ebweni wa esialo, niyakhamala okhubarerao ebikha ebiayalakirisia , nende okhubarerao chinjakho cha obumenyo bwabwe. ²⁷ Mbwe munyole okhumukonya omwami kata nikali mbwe ni mu ingira ya khubabasia babasia, bamunyole bamulole, kata kario abechanga aale nende buli sia mulala. ²⁸ Okhubera mu niye khumenyanga, khandi khukenda khandi khuli nende bunamundu bwefe, kori olwa mulola weng'we undi omwembi wa mashairi yaboola, khubera fesi khuli olwibulo lwaye. ²⁹ Nga bulanu khuli lwibulo lwa Nasaye, sikenyekha khupare mbwe obu Nasaye buli kori idakhabu, kose isende kose likina, ebia bachwa nende obufundi, nende amakesi ka baandu ³⁰ Chinyanga chia obusiru Nasaye yekhola kori oralola , arali bulano alakirisia buli omundu buli abundu woosi yekanire. ³¹ Khulwa khubera yalobola inyanga, eyachia okhukhalakira esialo mubulungifu khubirira mu mundu owa yalobola khu baandu boosi, mu ingeri ya okhumulamusia okhurula mubafu. ³² Nga babulira okhulondana nende okhulamukha khwa bafu bandi baleka; naye bandi baboola, khunabulirakho khandi khulondana nende amakhuwa ako. ³³ Kario Paulo yabarulamo nabwao. ³⁴ Mubandu abo abandi bechia badirana naye manu nibasubira; abasubira ninabo bali Donsio, Mwareopago, nende omukhasi mulala elira liaye mbwe Damari, nende abaandu bandi alala nabo.