¹ Nafwe abakholi alala ninaye khubasaba mbwe, muranyola obukosia bwa Nasaye esikhaya. ² Khulwo khuba aboola ari, ebikha biafukirirwa ndakhubulira, inyanga yo buonia ndakhukhonya , lingera inyanga yo buonia niyo yino. ³ Khuraba sisikirasio esie imbeera yosi yosi mulikhwa liosi liosi, mbwe oburumikhi bwefwe buranyolekhanamo imbi. ⁴ Bulano khunyoole khweberesia ifuma yindayi mubuli likhuwa kori nga bakholi ba Nasaye, mukhwesimirisia khungi, mukhusandisibwa, mumasira, mumanyakhano, ⁵ mukhukhuywa, mububoye, mukhubachirwa, mukhusaanda, mukhukhiesia, mukhusiiba, ⁶ mukhuba balafu mukhumanya, mukhwesimirisia, mumbeera yindayi muroho mulafu, mubukheri bubulamo bwekaadi, ⁷ mbwe mulikhwa elio bwadieri mumaani ka Nasaye, mubilwaniro bio bulungifu ebio mukhono musaacha nende ebio mukhono mukhasi. ⁸ Muluyaali nende muchisioni khulomalomakhwo bibi nende khulomalomakhwo bilayi, kori nga khuli abaandu bo bwadieri, ⁹ nga abaramanyikhana arali abamanyikhana lukali, nga abafwa khane khuli balamu, kori nga ¹⁰ abalabirwa arali abarerwa, nga abali nende sibeera arali muchinyanga chioosi khuli basangafu, nga abamanani arali khukholwa okhuba bayiinda, nga ababula siosi siosi, arali khuli nende bindu bioosi. ¹¹ Kkhulomalome obwadiere bwoosi nang'we eng'we Abakorinto, ne mioyo kiefwe ni miakhakhu, ¹² Khasi mufwinywa mukari mwefwe, arali mufwinywa mumioyo kieng'we. ¹³ khulwako, munyole khulondana ngolwa mwaberesibwa(mbola nang'we kori nga abaana) eng'we mwesi mukhongoyisibwe mioyo. ¹⁴ Muraboywa lijoki alala nende bala abarasubira , kori nga birakhoyera, khulwo khuba khuli nende bwambani sina akari wa balungifu nende abarali balungifu? Khandi khuli nende bwambani sina akari wo bulafu nende sirima? ¹⁵ Khandi khuli nende okhukheresia sina okhuli akari wa Kiristo nende Beliali? Kose khuli nende mukabo sina akari wa ula owasubira nende orasubira? ¹⁶ Khandi khuli nende khufukirisania sina akari we ikhekalu ya Nasaye nende bifwanani? khulwa khubeera efwe khuli ikhekalu ya Nasaye oli mulamu, ngolwa Nasaye abola ari, ndekhala mukari mwabwe khandi ndakenda akari wabwe,nabo banaba abandu bange. ¹⁷ Khulwako, Omwami abola ari, murule akari wabwe, mwekabule ninabo, muradira khu sindu esili simal nange ndabengisia. ¹⁸ Omwami onyala biosi abola ari, nangwe munba abana bange abesisiani nende abesikhna.