¹ Khulwo khuba khumanyiri mbwe inyuumba yo bumenyo bwefwe obwo musialo muno niinyasikha, khuli nende esiumbakhe esirula khu Nasaye, inyuumba eyirakasibwa nende makhono ka baandu, eyirabwayo mwikulu. ² khulwo khuba munyuumba yino khunyakhana nikhwekomba mbwe khufwasibwe inyuumba yefwe eyirula mwikulu. ³ Ne nikhumala khufwasibwa khasi khunabonekhana okhuba siekenye. ⁴ Ne efwe nikhuli muliyeema lino, khuchunisibwa, nikhusidoyerwa, sibili mbwe khudakha khufwalulwa, arali khufunikhwa, ne sila esie liifwa sinyole khumirwa nende obulamu. ⁵ Bulano ula owarureresia khulwa makhuwa kene kano ni Nasaye, owaruberesia Roho okhuba silolero sia makhuwa kala akachia khwicha. ⁶ khulwako mube nende ichuoni nimumanyire mbwe nikhusiri nikhumenyere mumubiri, khuli ale nende Omwami. khulwo khuba khasi khukenderanga. ⁷ mukhulola, arali khukenderanga mubusubiri. ⁸ khulwako khuli nende ichuoni. Khwakhekombere okhuba ale nenede mubiri, ne khube alala nende Omwami. ⁹ Khulwako khwedinyanga mbwe nikhuliwo kose nikhubulao, khunyole khufikirirwa ninaye. ¹⁰ Khulwo khuba efwe fwesi khukhoyera khubenekhana imberi we sisaala sio bukhalaki esia Kirisito, mbwe buli mundu anyole murungo kwa makhuwa akayakhola mumubiri, kata nikali malayi kose mabi. ¹¹ Khulwako khumanyire mbwe okhuria khwo Mwami khunakhweesa baandu, nafwe khubonekhana khu Nasaye, nange subira mbwe kene ako ni makhakhu mumaparo keng'we. ¹² Khandi khasi khwefumia efwe bene khweng'we, arali khubaberesia sifune sio khwebulisa khwefwe, khulwo khubeera efwe, mbwe munyole likalusio khubala abebulisia khulwo khubeera bila ebibonekhana ne bila ebili mumwoyo nabio khaba ¹³ Ne nikakhaba mbwe efwe khulalukhe mubwongo bwefwe, ni khulwa Nasaye, ¹⁴ Khulwo khuba obukheri bwa Kiristo bunarwimirira, nende sifune mbwe, omundu mulala oyo yafwira baandu boosi, ne khulwako boosi bafwa. ¹⁵ Yafwira baandu boosi, mbwe bala abamenya, baramenya khulwabwe bene arali bamenye khulwa ula owabafwira mani khandi nalamusibwa. ¹⁶ Khulwe sifune sino, khuchaka bulano nikhuchiririra khasi khumanyirisia omundu yesi yesi khulondana nende mubiri, khandi efwe khumumanya khurio. ¹⁷ Khulwako, omundu yesi yesi nali mukari mwa Kirisito, ali silonge siyakha. Amakhuwa makhale kabirire,ne bulano lingera kechere mayakha. ¹⁸ Makhuwa kano kosi karula khu Nasaye owarwambania khuniye mwene khubirira khu Kirisito, ne narubersia mirimo kia khwambania. ¹⁹ Ne ako kali mbwe Nasaye ali khwambanianga esialo khuniye mwene mukari mwa Kirisito, narabala ebionono biabwe. Ne aruberesie imboosi yo khwambania. ²⁰ Khulwako , khuli abarumwa khulwa Kirisito, nga Nasaye yakhasaba khubirira muminwa kiefwe, khubasaba eng'we khulwa kirisito mbwe mwambanisibwe nende Nasaye. ²¹ Khulwo khuba yakhola ula orali yamanya imbi okhuba imbi khulwo khubeera efwe khunyole okhuba abalungifu ba Nasaye muniye.