¹ Khulwesio kori khuli nende obukhalabani buno, ngolwa khwanyola esisa , khasi khwafwa mioyo khaba. ² Arali khwakhaya ebindu ebia mubwekisi nende ebie chisoni.Khasi khukenderanga mubikeskesi khandi khasi khukodianga likhuwa lia Nasaye, arali khubufunuli bwo bwadieri, ne okhwelolesia efwe bene imberi wo mwoyo kwa buli mundu mubweni bwa Nasaye. ³ Arali ifanjili yefwe niyekisa, yekisa khu abo abakora. ⁴ Nibo bala aba Nasaye we sialo sino yofusia maparo kabwe akarasubira. Khulwa kene ako, khasi banyalirwa okhubona obulafu bwe ifanjili yo luyaali lwa Kirisito, oli ifwani ya Nasaye. ⁵ Khulwo khuba khasi khweyaala efwe bene, arali Omwami Yeso Kirisito, nende efwe bene kori abakholi beng'we khulwa Yeso. ⁶ Okhuba Nasaye owalaka obulafu khwadukha musirima, yaakha mumioyo kiefwe , okulwa khuberesia obulafu bwo bumanyirisi obwo luyaali lwa Nasaye imberi wa Yeso Kiristo. ⁷ Arali khuli nende imbikhiro ino mubikaye bie liloba, mbwe obukhongo obwo bunyala bumanyikhe nga buli obwa Nasaye oburarula khwefwe bene. ⁸ Muchimbeka chioosi khukhanisibwe, arali khasi khukoyana, khubeyabeyisibwa arali khasi khufwa mioyo, ⁹ khusandisibwa, arali khasi khulekhwa, khufwa, arali khasi khusasibwa, ¹⁰ Buli lwosi nikhukinga mumibiri kiefwe eliifwa lio Mwami Yeso, mbwe obulamu bwa Yeso bunyole khubonekhana mumibiri kiefwe. ¹¹ Khulwo khuba efwe abali balamu, buli lwoosi khufwa khulwa Yeso, mbwe obulamu bwa Yeso bunyole okhubonekhana munyama chie mibiri kiefwe. ¹² Eliifwa likhole mirimo mwefwe arali likhole obulamu mweng'we. ¹³ Khulwo khuba khuli nende omwoyo kula okwo busubiri, ngolwa kaandikwa mbwe, ndasubira,ne khulwesio khulomaloma, ¹⁴ Nikhumanya mbwe ula owabuusia Mwami Yeso achia khurubuusia efwe fwesi mu Yeso, ne achia khurulolesia alala ninang'we. ¹⁵ Khulwo Khuba amakhuwa kosi ni khulweng'we, mbwe obukosia bungi obwo khubirira mukhwebasia khwa bangi khumedwe khulwo luyaali lwa Nasaye. ¹⁶ Khulwesio sikhufwa mwoyo khaba, kata kario omuundu wefwe owerwanyi asasikha, omuundu wo mukari naye achiririra okhukholwa muyaakha inyanga khu inyanga. ¹⁷ Khulwo khuba amanyakhano kiefwe maangu, akaliwo khulwe bikha, karukholera oluyaali oluralibwayo oluli lungi lukali. ¹⁸ Ne khuralingera khu biindu bila ebibonekhana, arali khubila ebirabonekhana, khulwo khuba ebiindu bila ebibonekhana nibia bikha bididi sa, ne bila ebirabonekhana nibie chinyanga chioosi.