¹ Arali mumaparo kange ndapara mbwe ndarecha khweng'we mubusiro. ² Khulwo khuba ningera mwabeerera niwina onasangasia esie, arali ula owakholere yaberera? ³ Esie ndabandikira likhuwa elio, mbwe ninyicha ndaranyola esibeera khurula khu bala abakhoyera khusangasia, esie besika eng'we mwesi mbwe isangalo yange ni yeng'we mwesi. ⁴ Khulwo khuba ndabandikira mubudinyu bungi nende khunyakhana khwo mwoyo nende amasika mangi, ne khasi bili mbwe muberere, arali munyole khumanya obukheri bwange obuli khweng'we kori ngolwa buli bungi. ⁵ Arali niyakhabao yesi oreera sibeera, khasi aberesie esie sibeera khaba, arali mulwande ndarecha ndabajongia eng'we mwesi. ⁶ Kakhoyera omundu we imbera ino esinyasio sila esia yaberesibwa nende abali bangi. ⁷ Khulwa inyuma wako mumulekhere, nende khudinyisia omundu oli ario mbwe areecha yamirwa nende sibeera sibira sikero. ⁸ Bulano basaba mbwe mubeekesie obukheri bweng'we. ⁹ Khulwako ndabandiikira khulwe sifune sino , mbwe munyole okhumanya obwadieri bweng'we, mwali abaandu bo khuria mumakhuwa koosi. ¹⁰ Ne omundu yesi yesi owamulekhera sindu siosi siosi, esie siesi mulekhera, khulwo khuba nindalekhera ula owandakhera , khulwa eng'we ndamulekhera mukari mwa Kirisito. ¹¹ Ne Sietani areecha yanyola khurukhira khulwo khubeera khasi khukhirwa khumanya maparo kaye. ¹² Khulwe esio nga ndola Teroa okhuyala ifanjili ya Kirisito, Omwami yanjikulira muliangiro. ¹³ Khasi ndalola isangalo mumwoyo kwange, khulwo khuba khasi ndanyola Tito omusiani wefwe, arali ndabasebula ne nimala nimbwao khuchia Makedonia. ¹⁴ Bulano khukhubira Nasaye orio oruberesianga bukhiri buli lwosi mukari mwa kirisito,nende khuloliesa isaami ya efwe khumanya buli abuundu. ¹⁵ Khulwo khuba khuli isaami ya Kirisito indayi khu Nasaye, mubala abaonisibwa nende bala absasikha. ¹⁶ Khu mulala khuli isaami ye liifwa khu liifwa, ne khuundi isaami yo bulamu khu bulamu. Ne niwina oyera mumakhuwa ako? ¹⁷ Khulwo khuba efwe khasi khuli nga baandu bandi abakusianga likhuwa lia Nasaye. Arali khulomalomanga obulafu bwa machoma mukari mwa Kirisito, mumoni mwa Nasaye nga olwa arurumire.