¹ Paulo omurume wa Yeso Kiristo khulienya lia Nasaye, nende Timoteo omusiani wefwe , khu likanisa lia Nasaye elili Korinto, alala nende batakatifu boosi abali musialo sia Akaya. ² Obukosia bube khweng'we nende omulembe khurula khu Nasaye Sefwe, nende Omwami Yeso Kiristo. ³ Nasaye Sefwe oli samwana mwami wefwe Yeso Kirisito afumisibwe. Niye Sefwe owesisa khandi Nasaye wobudinyisi bwosi. ⁴ Nasaye orudinyisianga mumadinyu keefwe koosi, mbwe khunyole khudinyisia bala abali mubudinyu bwosi bwosi. Khudinyisianga abandi khubirira budinyisi bula obwa Nasaye yekhonyera khurudinyisia. ⁵ Kori ngolwa manyakhano ka Kirisito kali mwefwe, nilwo olwa khudinyisibwa khwefwe khuli khubrira mu Kirisito. ⁶ Ne kata efwe nikhusandisibwa, ni khulwo khudinyisibwa khweng'we nende obuwonia, ne nikhudinyisibwa, ni khulwo khudinyisibwa khweng'we.Khudinyisibwa khweng'we khuli nende maani mukhwesimirisia mumanyakhano aka fwesi khunyakhananga. ⁷ Elinaya liefwe khweng'we nelidinyirifu, khulwo khuba khumanyiri mbwe nga mwambana ninafwe mumanyakhano, nilwo olwa mwambana nafwe mukhudiyisibwa. ⁸ Ne khasi khwenya eng'we bakheerwa mukhaye khumanya obudinyu bwarunyola mu Esia. Khwasidoyerwa lukali okhira amaani kefwe, nikhurusiakho mwoyo kwo khumenya. ⁹ Ni bwadieri khwali nende obukhalaki bwa liifwa. Kene ako kali karukhola khuresika efwe bene, arali khwesike Nasaye, olamusianga abafu. ¹⁰ Owaruwonia muliifwa likhongo elio, khandi achia khuruwonia. Khurere lisubira liefwe khuniye mbwe achia khuruwonia. ¹¹ Achia khukhola kene kano mwesi nimurukhonya mumasaayo keng'we.Ne abaandu bangi bachia khwebasia khulwo bukosia bwa khwaberesibwa khubirira mumasaayo ka baandu bangi. ¹² Okhusangala khwefwe nikhwo khuno, obuloli bwo khubasirisia khwefwe, mbwe mubutakatifu nende obulafu bwo bunasaye oburali nende obumanyirisi bwo mubiri, arali khulwo bukosia bwa Nasaye khwachirira musialo lukali muno khulwe'ngwe. ¹³ Khulwo khuba sikhubandikira e'ngwe makhuwa kandi arali kala akamusoma nende khufukirira. ¹⁴ mwafukirira musidonye, mbwe efwe khuli sifune sio khwelaya khwe'ngwe, ngolwa e'ngwe mwesi muli khwefwe munyanga yila eyo Mwami wefwe Yeso. ¹⁵ Muchwoni ino ndapara mbwe bolere imberi mbwe munyole khunyola inganga ya khabiri, ¹⁶ Ni mbwe babirire ninjia Makedonia, khandi nikhurula Makedonia nikhukalukha owe'ngwe, ni khuchia na'ngwe Ebuyudea. ¹⁷ Kori ngolwa ndaparanga ako ndali nende khukanakana? Kose akandakha khukhola kalondana nende mubiri mbwe esie mwene mbole mbwe ee ee kose khaba khaba? ¹⁸ Ngolwa Nasaye ali owo bwadieri, likhuwa liefwe khweng'we khasi liali eee nende khaba. ¹⁹ Khulwo khuba omwana wa Nasaye Yeso Kirisito owayaalwa akari weng'we nende efwe, kata ninange nende Siliwano, nende Timoteo, khasi kali eee nende khaba, arali muniye kali eee. ²⁰ Khubera ebilakwa bioosi ebia Nasaye muniye ni eee khandi muniye kabe kario muluyaali lwa Nasaye khu efwe. ²¹ Bulano arugumia efwe alala nang'we mukari mwa Kirisito, ne khandi owarubakha mafura ni Nasaye, ²² khandi niye owarurakho esibalikho naruberesia Roho mumioyo kiefwe. ²³ Khwongesiakho, esie nanga Nasaye abe omuloleri akulu wo mwoyo kwange, khulwo khubelalikhira, nisiri okhuula Korinto. ²⁴ Sibili mbwe khwaruka obusubiri bweng'we, arali khuli abakhonyi be isangalo yeng'we, khulwo khuba mwema khubusubiri bweng'we.