¹ khwaliho nu mundu mufarisayo walangwangwa Nkodemo mwimilili wa vayuda. ² yatsia khu yesu mu vutukhu namuvolela"Rabbi, khumanyi uli mwechitsi khurula khu nyasaye.mundu avulakhuho unyala khukhola viloleshitso via yivi ukholanga, nyasaye nakhavele naye tawe.' ³ Yesu yamuchipa "khuvolelanga katoto mundu nashili khwivulwa lwa khavili shianyala khwinjila mu vwami vwa nyasaye tawe. ⁴ Nicodemo yamureva "'munndu yakhivulwa munjila shina niyahindila khale? katoto shianyala khwinjila munda mwa mama wewe nu khwivulwa lwa khavili tawe." ⁵ Yesu yamuchipa, "khuvolelanga katoto nashili khwivulwa khuvirila khu matsi nende Roho, shianyala khwinjila mu vwami vwa nyasaye tawe. ⁶ Mundu yivulwangwa nu mundu, navutswa mundu wivulwi na Roho ni wa Roho. ⁷ Uvuli khunjenyela lwa mbolanga kenyekhanga wivulwi khandi lwakhavili. ⁸ Imbutsa ihutsanga havundu ha yenyi, unyala khuhulila khuli ihutsanga, navutswa shiunyala khuvola wa irulanga noho ha itsitsanga tawe, nindio khandi kali kario khu mundu wivulwa na Roho. ⁹ Nicodemo yamuchipa khandi yamureva' kanyala khwikholekha kari?' ¹⁰ Yesu yamuchipa,"mwechitsi mukali wa israeli, navutswa shiumanyi makhuva yaka tawe? ¹¹ khuvolelanga katoto khulomolomanga makhuva ka khwamanya, khandi khuhananga vushiahidi khulondokhana ka khwalola navutswa shiuvukulanga vushiahidi vweru tawe. ¹² Niva muvolelanga makhuva khuvindu vikholekhanga khulilova khunu navutswa shimusuvilanga tawe munyala khusuvila muri niva nyala khumuvolela makhuva khu vindu viu mwikulu? ¹³ Mundu avulakhuho watsiakhu mwikulu, nikhali mwana wu mundu warula mwikulu makhandi nakalukha mwikulu. ¹⁴ Khuli musa yachingula ikulu inzukha khu mu shiangalangwi, nindio khandi mwana wu mundu alitsa khuchingulwa. ¹⁵ Mundu wosi umusuvila avuli khutiva, navutswa ave nende liva mwoyo. ¹⁶ shichila nyasaye yayanza vandu vu mu shivala nahana mwana wewe mutelwa, khu mundu asuvila muye alivila khutiva navutswa alinyola vulamu vwi liva mwoyo. ¹⁷ Nyasaye, shiyaruma mwana wewe mushivala khwitsa khukhalachila shivela tawe, navutswa khuvahonyinya khuvirila khuye. ¹⁸ Woyo usuvilanga muye, shianyala khukhalachilwa tawe, navutswa woyo wambakhananga khusuvila muye, wamala khukhalachilwa khale, shichila wayambakhana khusuvila mu mwana mutelwa wa nyasaye ¹⁹ Nindio likhalachilwa lilitsa khwikholekha shichila vulavu vwamala khwitsa mushivala, navutswa vandu vayanza shisundi khuvira vulavu, shichila vikholwa viavo nivitamanu. ²⁰ Navutswa mundu ukholanga vindu vitamanu wayambakhana vulavu, khandi shianyala khwitsa muvulavu shichila shiyenyi vikholwa vievie vimanyikhane tawe. ²¹ Navutswa mundu ukholanga katoto alolekhanga muvulavu khu kamanyikhane havulavu vikholwa vievie viloleshe khuhana luyali khu nyasaye. ²² Matukhu mati nikakhavira, yesu nende vechi veve vasimukha nivatsia mulusomo lwa Yudeya ha vamenya navo khu matukhu mati makhandi nabatisa. ²³ Yohana yali nabatisanga vandu havundu halangwangwa Aenoni, himbi mulitala lia Salimu shichila khwaliho na matsi manyishi. vandu vatsitsanga khuye navabatisa. ²⁴ Yohana yali nashili khuvowa muchela. ²⁵ Valala khu vechi va Yohana, varanga khuhangalitsana mulilomoloma na vayahudi khulondokhana khu mulukha ku khunihitswa. ²⁶ Khulwa yako, vechi venavo vasimukha nivatsia khu Yohana, nivamuvolela mwechitsi mundu wali nivi khuluchinga lwa yorodani wahana vushiahidi khulondokhana khuye khandi abatsanga vandu nunundi, khandi vandu vosi vatsitsanga khuye. ²⁷ Yohana yavachipa khandi navavolela, mundu avulakhuho unyala khunyola shindu nakhahelelwi khurula mwikulu. ²⁸ Munyi vene muli vashiahidi vanje lwa navola shindi masiha tawe navutswa narumwa khwitsa imbeli wewe. ²⁹ Musatsa uselelanga mwiha, naye mwene mwiha, navutswa mulina wu musatsa uselelanga mwiha asinjilaho ahulili ka vavolanga, khndi asangalanga lwa ahulilanga musatsa uselelanga mwiha nalomolomanga, nindio khandi inzi ndi nuvuyanzi vwatoto. ³⁰ Kenyekhanga ave ikulu ninzi njehe. ³¹ Woyo yarula mwikulu ali nuvunyali khu viosi na oyo warula khu lilova ni lilova khandi alomolomanga ku khwilova . navutswa yarula mwikulu ali nuvunyali khu voisi. ³² Khandi kayalola nende kayahulila ahananga vushiahidi, makhandi avulakhuho mundu wosi ahuchililanga vushiahidi vwevwe tawe. ³³ Mundu ahuchililanga vushiahidi vwevwe amanyinyanga ni kilikali nyasaye ni watoto. ³⁴ Mundu wa nyasaye mwene yaruma alomolomanga makhuva ka nyasaye.shichila nyasaye amuhetsanga mu vunyishi tsingulu tsia Roho. ³⁵ Tata wayanza mwana wewe, khandi wamuha vunyali khusinjilila shia shindu shiosi. ³⁶ Mundu usuvilanga mu mwana, ali nu vulamu vwi liva mwoyo. mundu wambakhananga khusuvila mu mwana, shialitsa khunyola vulamu tawe, navutswa nyasaye alatsilila khumulolela vurima.