¹ Litukhu lia khavaka, khwali ni shiselelo shiu khuhilane mulitala lia kana, lili mu lusomo lwa galilayo mama wa yesu yaliho. ² Yesu nende vechi veve khandi va valanjilwi vali mushiselelo shiu khuhilana shienesho. ³ Khandi lwa venya idivai, mama wa yesu yavolela yesu, '' idivai yavo ivwele''. ⁴ Yesu yamuvolela, mukhali yivi, nivi unyala khumbolela kakhola? isaa yanje ishili khutukha. ⁵ Mama wa yesu yavolela varumishi, kholi shia shindu shiosi, shia amuvolela mukhole. ⁶ Khwaliho nitsinyungu sita tsia matsi shia indala tsikalani makhomi kavili natsindi makhomi kavaka khulondokhana khu mulukha kwa vayahudi vakholanga ku khwinihitsa. ⁷ Yesu yavavolela, yitsulitsi tsinyungu yitsi na matsi navo varamu matsi khutukha lwa kitsula mutsinyungu tsienetso. ⁸ Khandi yavavolela, tehikhu matsi matimukahili khu mundu wusinjililanga mulukha kwenuku navo vamanya vakhola vario. ⁹ mundu walinasinjilili mulukha kwenoko yang'wakhu matsi kenako shiyamakhu ha kali nikaruli tawe.[navutswa varumishi vali nivatehi vamanya] nalwo lwa yalanga musatsa uselelanga mwiha. ¹⁰ Namuvolela" mundu wosi aranga ahana idivai indayi.vacheni nivakhang'wa nivakhikura khu alera ikhali indayi tawe nikhali yivi umali khuvikha idivai indayi khutukha nunundi. ¹¹ Yishi shiali shiloleshitso shiukhuranga shia yesu yakhola mu shiserelo kana mu lusomo lwa Galilaya wa yamanyinya vukhumi, vwevwe ma vechi veve nisuvila muye. ¹² Inyuma wa yaka yesu, nende mama wewe, vamwavo veve, halala na vechi veve vasimukha nivatsia kaperenamu wa vamenya matukhu mati. ¹³ khandi mulukha kwa pasaka kwali nikuli himbi khutukha yesu yasimukha natsia yerusalemi. ¹⁴ yanyola vakulitsi vi tsing'ombe, makondi, nende vituti, khandi vakalukhanyinyi vi tsisenti nivikhale mutsimesa tsiavo mulitempeli. ¹⁵ yalomba shivoko khurula khu mikoye nakhunga miruku chiosi khurula mulitempeli khali makondi nende tsing'ombe, ma natikalitsa tsimesa tsia vakalukhanyinyi vi tsisenti nasalanyinya tsisenti tsiavo. ¹⁶ khu vakulitsi vi vituti yavavolela "rulitsi vindu yivi yaha. leshi khukhola inzu ya tata wanje khuva musokoni. ¹⁷ vechi veve vitsushitsa ka mahandiko matakatifu kavolanga vuyanzi vwanje shichila inzu yoyo vwakhanga mwinzi khuli mulilu. ¹⁸ vimilili va vayahudi vamureva nishiloleshitsu shina shiaunyala khukhola khumanyinya uli nuvunyali vu khukhola vindu yivi? ¹⁹ yesu yavachipa" pomoli litempeli yili ninzi nava niliumbanga khu matukhu kavaka. ²⁰ khulwa yako vayahudi vamureva, litempeli yili liavukula mihika makhomi kane na sita kumbakha, nivi unyala khumbakha khu matukhu kavaka? ²¹ Navutswa litempeli lia lomolomakhu kwali muvili kwekwe. ²² Lwa yesu yisimukha khurula mulikhutsa, vechi veve vitsushitsa yali wavavolela ario. vasuvila mu mahandiko matakatifu nende makhuva ka yesu yali navoli. ²³ Lwa yali nali yerusalemi khulitukhu liu mulukha kwa pasaka vandu vanyishi vasuvila muye lwa valola viloleshitso vinyishi via yali nakholi. ²⁴ Navutswa yesu shiyali niyavasuvila muvo tawe, shichila yali wamanya vandu venavo vosi. ²⁵ shiyenya mundu wosi khumuvolelakhu shindu khulondokhana khuvo tawe, shichila yali wamanya kali mu mioyo chiavo.