¹ Muliranga likhuva lialiho, khandi likhuva liali na nyasaye, khandi likhuva liali nyasaye. ² Nindio khandi kali muliranga lia nyasaye. ³ Shia shindu shiosi shialomwa naye, shindu shivulakhuho khali shilala shialombwa vuchila ye khulomba. ⁴ Khuvirila muye vulamu vwaliho, khandi vulamu vwali vulavu vwa vandu. ⁵ Vulavu vwakhanga mushisundi, navutswa shisundi shishiali ni tsingulu tsiu khukura vulavu. ⁶ Nyasaye yaruma murumwa wewe walangwangwa yohana. ⁷ Naye witsa khuli mushahidi, khuva mushahidi huvulavu khu vandu vosi khuvirila muye vatushi khusuvila. ⁸ Ye mweneshiyali vulavu tawe, navutswa yitsa khuhana vushiahidi khu vulavu. ⁹ Yuvu vwali vulavu vwatoto vulavu vwashila shia mundu wosi witsanga mushivala. ^{11 10} Yali mushivala makhandi shivala shialombwa naye navutswa shivala shishiali shia mumanya tawe. Yitsa khulitsa lielie mwene navutswa vahndu veve mwene vambakhana khumwinjilitsa. ¹² Navutswa valala khuvo vamwinjilitsa nivasuvila muye yavaha vunyali vu khuva vana va nyasaye. ¹³ Shhvitsa khuva vana va nyasaye khuvirila mulivulwa liu mmbili tawe noho khuvirila mulivulwa khuli vana vu mundu musatsa tawe, navutswa nyasaye mwene naye wali tata wavo. ¹⁴ Likhuva lialombwa vuyiakha manilimenya mukhutsi yitsula tsimbavasi nende katotokhwalola vukhumi vwevwe, vukhumi vwa yali nanyoli khuli mwana mutelwa wavula khu tata. ¹⁵ Yohana ya hana vushahidi khuye yilwatsa navola, uyu naye wanalomoloma makhuva khulondokhana khuye lwa navola, mundu ulitsa khwitsa inyuma wanje naye uli nu vunyali vunyishi khumbira shichila yaliho nishili khwivulwa. ¹⁶ Khulwa yako, khuvirila khu tsimbavasi tsietsie tsinyishi wakhukasitsa khutsi vosi khandi akhukasitsanga shia litukhu. ¹⁷ Nyasaye yahana malako khuvirila khu musa navutswa tsimbavasi nende katoto kalolekha khuvirila mu yesu kristo. ¹⁸ Mundu avulakhuho walola khu nyasaye navutswa mwana wewe mutelwa, uli khuli nyasaye khandi uli khuluveka lwa tata wamulomba khumanyikhana. ¹⁹ Yako nako katoto kayahana, lwa vimilili va vayahudi mu yerusalemi varuma vasalisi valala nende vandu vulwivulu lwa levi khu mumureva, "uli vina?". ²⁰ Yohana shiyambakhana khu vachipa tawe navutswa yalomoloma havulavu navola shindi masiha tawe. ²¹ Vamureva unyala khuva uli vina? unyala khuva uli Eliya? yachipa shindi Eliya tawe vareva khandi unyala khuva uli muprofeti? yachipa shindi muprofeti tawe. ²² Nalwo lwa vamureva, " khuvolele uli vina? khuhe shia khutsia khuchipa vandu vakhuruma ni shina shiunyala khuvolakhu yivi mwene. ²³ Yachipa narumishila makhuva ku muprofeti isaya yali niyavola ninzi mwoyo ku mundu ulanjililanga mushiangalangwi lunjishitsi injila yu mwami. ²⁴ Varumwa va vafarisayo, navo varumwa. ²⁵ Vareva, niva shiuli masiha inoho Eliya, inoho muprofeti, shichila shina ubatisanga vandu? ²⁶ Yohana yachipa"mbatisanga na matsi navutswa mundu mulala usinjili mu munyi wa mwakorwa. ²⁷ Naye witsanga inyuma wanje, khandi mbulakhu vunyali vu khuvoholola vilaro vievie". ²⁸ Yaka kosi kikholekhanga mu litaala lia Betsania ihale khurula mu muchela kwa yorodani wa Yohana yavatisanga vandu. ²⁹ Litukhu lialondakhu Yohana yalola Yesu niyitsanga yhimbi ha yali nali, navola" loli shimeme shi likondi shia nyasaye shirulitsaho vwoni vwa vandu vosi mushivala, ³⁰ Uyu naye wanalomoloma makhuva khulondokhana khuye, lwa navola mundu witsanga inyuma wanje , ali nitsingulu tsinyishi khumbira shichila yaliho nishili khwivulwa. ³¹ Inzi mwene nali namukorwa, navutswa yitsa nambatisa na matsi khu amanyikhane khu vaisraeli' ³² Yohana yahana vushahidi yuvu navola, nalola Roho niyikhanga khurula mwikulu khuli shituti nayela khuye. ³³ Inzi mwene nali namukorwa, navutswa nyasaye wanduma mbatisi na matsi, yambolela' mundu wa nulole Roho nayelanga khuye khandi, nishiva khuye naye ubatisanga na Roho mutakatifu' ³⁴ Mali khuvola khandi mbananga vushahidi ndi uyu naye mwana wa nyasaye." ³⁵ Litukhu lialondakhu Yohana yali nasinjili hawenaho na vechi vavili khu vechi veve. ³⁶ Lwa yalola Yesu nachendanga, yavola loli shimeme shi likondi lia nyasaye. ³⁷ Lwa vechi venavo vahulila navolanga ario valonda Yesu. ³⁸ Yesu yishevukha navalola nivamulondanga , navareva" ni shina shia mukhavanga? vamuchipa Rabbi[kavolanga mwechitsi] ni hena ha umenyanga? ³⁹ Yesu yavavolela hambi mulole ,vasimukha nivatsia khulola havundu ha yamenyanga, nivamenya naye khu litukhu lienelo hichila tsiali nitsili tsisa likhomi tsiukhulukolovo. ⁴⁰ mulala khu vechi vavili yavo wali nahulili makhuva ka Yohana yali nalomolome yalonda Yesu naye nali Andereya amwavo Simoni Petro ⁴¹ Andereya yasimukhu vwangu natsia khukhava amwavo wewe Simoni, namuvolela khunyoli masiha kavolanga kristo. ⁴² Andereya yavukula Simoni namuhila khu Yeu, yesu namuhenza navola lira liolio ni Simoni mwana wa Yohane ,navutswa utsitsanga khulangwa Kefa kavolanga lichina. ⁴³ Litukhu lialondakhu yesu yakanakana khutsia mu lusomo lwa Galilaya. yakana naa Filipu namuvolela nonda. ⁴⁴ Filipu yarulanga mu litala lia Betsesaida wa Andereya nende Petro vamenyanga. ⁴⁵ Filipu yanyola Nathanieli namuvolela khunyoli woyo wa Musa yahandika makhuva khulondokhana khuye mushitabu shia malako, khandi wa vaprofeti vahandika makhuva khulondokhana khuye, naye nali yesu mwana wa yosefu, khurula mulitala lia Nazareti. ⁴⁶ Nathanieli yareva"toto shindu shilayi shinyala khurula mulitala lia Nazareti?"Filipu yamuvolela "hamba ulole' ⁴⁷ lwa yesu yalola Nathanieli niyitsanga himbi naye, yalomoloma khuye navola" uyu naye muisraeli watoto, vuveyi vuvulakhu muye. ⁴⁸ Nathanieli yamureva" wamanya munjila shina?yesu yamuvolela nakhulola yivi nende Filipu, nuli hasi wu musala kumukhuyu nishilin khukhulanga. ⁴⁹ Nathanieli yamuvolela khandi mwechitsi uli mwana wa nyasaye uli mwami wa israeli. ⁵⁰ Yesu yamuchipa navola, unyal khuva usuvili lwa khuvolele khuloli nuli hasi wu musala ku mukhuyu. ulitsa khuvola vindu vikali khuvira vienevo. ⁵¹ Yesu yavavolela, muvolelanga katoto mulitsa khulola likulu nilimali khwikha, khandi tsinjelosi tsia nyasaye ni tsitsitsanga ikulu khandi nitsikhanga hasi khumwana wu mundu.