¹ Sinjili ni tsingulu khuli vandu vali vavoholole mu krisito. muvuli khuva khandi khuli varukwa va malako. ² Hulishitsi inzi Paulo, muvolelanga ndi niva munyi vene munyala khuhuchilila khushevwa kamanyinyanga kristo avulakhu shindu shiosi shia yakholela munyi. ³ Ngalushila khuchelihitsa shia mundu wosi unyala khuhuchilila khushevwa khutukha alonde malako kosi. ⁴ Munyi vamuchelitsanga khuva valunji imbeli wa nyasaye khuvirila mumalako mwahiyahula vene haluveka khurula khu kristo muli ihale khurula khu tsimbavasi tsia nyasaye. ⁵ Navutswa khuvirila mu tsingulu tsia roho wa nyasaye, khuli ni lisuvila nyasaye alitsa khukhukhola khuva valunji imbeli wewe nako kakhulindililanga. ⁶ khuli mu kristo, khushevwa inoho khuvula khushevwa, khuvula vukhala vwosi, shindu shikali ni lisuvila lilolekhanga mumuhinzi kuleranga vuyanzi. ⁷ mwali numutsililanga nu mwima mulayi , ni vina wa mwikalila khulonda katoto? ⁸ khukatilitswa khuli khwenokho shikhurulanga khu nyasaye tawe. ⁹ khuli vavolanga, mamela mati kavimbanga nishinokho shiosi. ¹⁰ ndi ni lisuvila mu mwami shimunyala khulondakhu makhuva kandi tawe nyasaye alitsa khusalilitsa mundu umukoyanyinyanga woyo khali niva ni vina. ¹¹ vasuvili vashianje, niva nzilwatsanga makhuva khushishevo, shichila shina tsililanga khutambitswa? niva khwilwatsa khwanje khulondokhana khu musalava kwa kristo shikhwakhaleri tsisoni tawe. ¹² Nzikombanga vandu vamukoyanyinyanga yavo vahukhane vene. ¹³ Munyi vasuvili vashianje, va mwalangwa khuva vavoholole muvuli khurumishila vuvoholole vwenyu khuli shivune shiu khwimilila vandi ni liva lienyu liu mmbili, navutswa murumishili vandi munjila yu vuyanzi. ¹⁴ malako kosi kahambanyinywa halala mu lilako lilala."uyanze murende wowo khuli mwene wiyanza." ¹⁵ Navutswa niva munyala khulolekha khuva khuli tsinyama tsiu khulumana vene khu vene muhenze munyala khusalilitsana shia mulala khu hundi. ¹⁶ Khulwa yako, mbolanga muchendele mu roho, khandi muleshe khurweshitsa likomba liliva liu mmbili. ¹⁷ shichila likomba liu mmbili lihinganyinyanga ka roho, khali ndio likomba lia roho lihinganyinya liu mmbili khu shikinjilana tawe, kamanyinyanga shimunyala khukhola ka mwenyanga tawe. ¹⁸ khulwa yako, niva rohoamwililanga shimunyala khuva muli hasi ha malako tawe. ¹⁹ vikholwa vi liva liu mmbili viamanyikhana, navio:vuheyi,shifwavi, nende vikholwa vindi vileranga tsisoni. ²⁰ khusala khu misambwa , vulochi, vutsiku, khulembana khwilishendekha, vurima, vwimani, mahingani nende liahukhana. ²¹ Nende imbotokha, khutanda nende vindu vitamanu viosi.muchelihitsanga khuli namuchelihitsa khale, vandu vamenyanga mujila yeneyo, shivalinjila mu vwami vwa nyasaye tawe. ²² Navutswa vikholwa virulanga khu Roho ni vuyanzi,khuyanza vandi milembe, likhutsila,mwoyo mulayi, vusuvilwa. ²³ vuhoma nende khwilinda; lilako livulakhuho linyala khuhinganyinya vindu khuli vienevo. ²⁴ Yavo vali va yesu kristo vayila khu musalava liva liavo liosi, nilienya nende likomba lia chio. ²⁵ Niva khumenyela mu Roho, leshi khutsilili khuchenda mu Roho. ²⁶ chendi khleshe khwilola nukhurindilana inoho khushendeshelana.