¹ vasuvili vashianje, niva mundu alitsa khunyolekha nakholanga shindu shitamanu, munyi va muli mu Roho mulitsa khumwinjilitsa munjila yu vuhoma. navutswa muhenze vulayi, khu khali mulivula khuchelitswa. ² mukhonyane misiko chienyu vene khu vene khu murweshitsi malako ka kristo. ³ Niva mundu aveleho ukanakananga ali nu vunyali khuvira vandi navutswa nikakhali kario tawe mwene yikata vutswa. ⁴ shia mundu wosi , alitsa khwikhalachila mwene khulondokhana khu vikholwa via akholanga, niva akholanga malayi anyala khwichinjilila khulondokhana khu ka mwene akholanga vuchila khwilekhanyinya khu mundu wundi yakhola. ⁵ shia mundu wosi alitsa khuchinga mwene musiko kwekwe. ⁶ mundu wechitswa likhuva kenyekhananga asange mu vindu vilayi nende mwechitsi wewe. ⁷ muvuli khwikata vene. nyasaye shianyala khukholelwa shehenyehenye tawe. mundi alitsa khuchesa shia mwene yaraka. ⁸ mundu urakanga mmbili alitsa khuchesa vutamanu, mundu uraka mu Roho alitsa khuchesa vulamu vwi mihika ni mihika. ⁹ khuvuli khuchioka khukhola malayi, inyinga yitsanga khulachesa niva shikhulakhutsa mioyo tawe. ¹⁰ khulwa yako lwa khuli nu vwiyangu, leshi khukholele vandu vosi malayi, khushila muno yavo vi inzu yeru yilisuvila. ¹¹ lolikhu makhuva makali ka muhandichilanganu mukhono kwanje. ¹² vachelitsanga khumunika khushevwa khulukhwikhola ni valayi .navo vatambitswa shichila musalava kwa kristo. ¹³ shikali vandu vashevwa navo vonyene valondanga malako tawe, navutswa venya munyi mushevwi khu khwenya khwichinjilila mulukha ku khushevwa. ¹⁴ Navutswa khulwanje, shinyala khwichinjilila khu shindu shiosi tawe, nikhali nitsa khuhonyinywa khuvirila khu musalava ku mwami weru yesu kristo, khandi vandu vu mushivala valitsa khuhonyinywa khuvirila khu musalava kwenoko inzi nindikhu. ¹⁵ khushevwa inoho khuvula khushevwa shindu shikali khu kosi ni khuva shilombe shiyia. ¹⁶ yavo vosi vamenyanga khulondokhana khu lilako yili, vamenya mu milembe nende tsimbavasi khuli vandu vaisraeli va nyasaye. ¹⁷ lukhumalililkha, mundu avuli khunyashitsakhu, shichila ndi nende tsimbala tsia kristo khu mmbili kwanje. ¹⁸ vasuvili vashianje, tsimbavasi tsiu mwami weru yesu kristo tsive na munyi vosi muroho.Amina.