¹ Nunundi mbolanga, mwana alitsa khunyola miandu chia tata wewe, akholwanga vutswa khuli murukwa nashili mutititi, khutukha aliva mwami wa vosi. ² Nikhali avetsanga mu makhono ka valeli nende vandu vu khumulinda khutukha litukhu lia tata wewe yaviritsa alihelwa. ³ Khali khutsi nindio khwali nukhushili vana mulisuvila khwali muvurukwa vuvwimilili vwamihanga shivala shinu. ⁴ Navutswa lwa litukhu liatukha nyasaye yaruma mwana wewe wa mukhali yivula khulondokhana khu malako. ⁵ khu avoholole yavo vamenyanga khulondokhana khu malako, khukholwa khuva vana va nyasaye. ⁶ Ne shichila muli vana, nyasaye yaruma roho wu mwana wewe mu mioyo chieru,roho ulilanga nalanga Aba tata. ⁷ khulwa yako shiunyala khuva murukwa tawe navutswa mwana,lwa uli khuli mwana wewe nyasaye wamukhola khuva vandu valitsa khunyola miandu chiechie chia yavishila vana veve. ⁸ Mumatukhu kavira, mwali numushili khumanya nyasaye mwamenyanga muvurukwa vukhusala khu vindu vya mwali nimwavukula mushivala shinu khuva khuli vanyasaye. ⁹ Navutswa nunundi mwamanya nyasaye, inoho mbole nyasaye wamumanya, shichila shina mwenyanga khukalukha khu vwimilili vuteteshele vukhatukhane, mwenyanga khandi khuva varukwa? ¹⁰ muhenza matukhu, mieli,tsinyinga nende mihika. ¹¹ muhendelanga mwoyo kanyala khuva namalila vwiyangu vwanje khu munyi. ¹² vasuvili vashianje, musayanga numuyanza muve nu mwima khuli kwanje, shichila namala khuva khuli munyi. mushili khukholelakhu shindu shitamanu. ¹³ mwamanya vulwale vwa nalwala, navwo vuchilanga nindanga khwilwatsa ivanjeli khu munyi. ¹⁴ Navutswa khali niva vulwale vwanje vwa nalwala vwali khuli mechitso khu munyi, shimwanyanga inoho khunyambakhana tawe. ¹⁵ Tsikhavi tsia mwali natsio tsili hena?nishina shinyala khuva nishikholekha khu munyi. inzi mwene ndi nende limanya khu munyi mwakhasomole tsimoni tsienyu niva kanyala khunyalikha mumbe. ¹⁶ Nyala khuva ngwili mutsiku wenyu, lwa muvolelanga katoto? ¹⁷ vandu yavo vali nuvuha vukhumuluva, navutswa vavele nitsinganakani tsindamanu, vali ni lienya liu khumuvikha haluveka khu mutushi khuvarumishila. ¹⁸ Nuvulayi khuvarumishila niva khuli nende shivune shilayi, khandi mutsilili khukhola ndio shia khase khosi,khali nikhaliho na munyi. ¹⁹ Munyi vana vanje va nayanza mbulila isalila khuli mukhali ahulilanga niyenya khwivula mwana khutukha lwa mulitsa khuva ni liva khuli lia kristo mu munyi vene. ²⁰ Nakhikombi khuva na munyi nunundi , khu muvolele makhuva kali mu mwoyo kwanje, shichila mbendelanga munyi mwoyo. ²¹ Mbolelikhu shindu, munyi vamwikombanga khuva hasi ha malako, munyala khuva mwamakhu ka malako kavolanga? ²² Mahandiko matakatifu kavolanga Abrahamu yali na vana vi shiyayi vavili, mulala wayivula khu mukhali murukwa wakhavili khu mukhali wali muvoholole. ²³ Mwana wivulwa khu mukhali murukwa, yivulwa khuli vana vandi vivulwangwa, navutswa mwana wakhavili khu mukhali wali muvoholole, yivulwa khulondokhana khu lilako lia nyasaye. ²⁴ Makhuva kavili yaka, kamanyinyanga vakhali vavili yava vasinjililanga malako kavili. lilako liu khuranga niliakholwa ha shikulu shia Sinai, musinjilili walio ni Hagari . vana veve valitsa khwivulwa valitsa khuva varukwa. ²⁵ Hagari naye shimanyilu shi litala likali lia Yerusalemu lia matukhu kanu, lili mu vurukwa vwa vandu vamenyanga mulio. ²⁶ Navutswa litala likali lia Yerusalemu liu mwikulu lilimu muvoholole, khandi nalio lili khuli mama weru. ²⁷ Mahandiko matakatifu kavolanga yivi mukhali mukumba sangala lanjilila nuvuyanzi vunyishi muno , shichila mukhali hu musatsa yamwilukha alitsa khwivula vana khuvirila mu vana vu mukhali ali nu musatsa. ²⁸ Nunu vasuvili vashianje, muli vandu va nyasaye khurulana khu lilako lielie, khuli Isaka yali. ²⁹ Mumatukhu kenako mwana wivulwa khuli vana vandi vivulwangwa, yatambitsa mwana wivulwa khuvirila mu tsingulu tsia roho wa nyasaye, malala mele kashikholekhanga kario mumatukhu kanu. ³⁰ Navutswa ni shina shia mahandiko matakatifu kavolanga? khunga mukhali murukwa nu mwana wewe. shichila mwana wu mukhali murukwa shalanyola miandu nende mwana wu mukhali muvoholole tawe. ³¹ khulwa yako, vasuvili vashianje shikhunyala khuva khuli vana vu mukhali murukwa tawe, navutswa khuli vana vu mukhali wali muvoholole.