¹ Munyi vagalatia vasilo! ni vina wamuloka? shichila shimwahana vwatoto ndi kristo yavambwa khu musalava. ² Shindu shilala shia nenyanga khweka khurula khu munyi ni; mwanyola roho mutakatifu khulondokhana na malako inoho khuhulila khwi lisuvila? ³ munyi muli vasilo? mwaranga na roho, mwenyanga mumalili mmbili? ⁴ Linyakhana lienyu liosi liali lia vutswa-ni toto liali lia vutswa? ⁵ khulwa yako oyo umuhetsanga roho nukhukhola viloleshitsu mu munyi khulondokhana khu malako inoho khuhulila ivanjeli mu lisuvila? ⁶ Khuli Abrahamu yasuvila nyasaye, nikavalitswa khuye khuva kuvulunji. ⁷ khu mumanye yavo vali nilisuvila navo vana va Abrahamu. ⁸ khandi mahandiko kali kayivala khale nyasaye alitsa khukhola vandu vi tsimbia tsindi khuva valunji imbeli wewe khuvirila mu lisuvila mahandiko kali kayivala Abrahamu khale khuvirila mu ivanjeli nikavola"vandu vi tsimbia tsiosi valitsa khukasitswa khuvirila mu yivi. ⁹ vandu vali nilisuvila vakasitswa halala na Abrahamu mundu wi lisuvila. ¹⁰ vandu vosi vakholanga mihinzi chiavo khurweshitsa ka malako kenyanga konyene, "vamala khulamwa shichila shivalondanga ka mahandiko kavolanga khulondokhana khu malako nukhukakhola tawe" ¹¹ khulwa yako kali avulavu ndi mundu avulakhuho unyala khukholwa khuva wi likhola liu vulunji imbeli wa nyasaye khuvirila mu malako, shichila "valunji valamenya shichila lisuvila." ¹² khandi malako shikali lisuviala tawe navutswa,"mundu ukholanga ka malako alamenyela muko." ¹³ navutswa kristo yakhuvoholola khurula mu shilamo shinyolekhanga shichila malako, lwa yakwa shilamo shichila khutsi - mahandiko kavolanga,' mundu wisunga khu musala yalamwa" ¹⁴ khu tsikhavi tsia Abrahamu tsive khu vandu vi tsimbia tsindi mu yesu kristo, khandi khuvirila mu lisuvila khunyoleroho mutakatifu." ¹⁵ vasuvili vshianje nenyanga khulomoloma shindu khulondokhana khu limenya lieru lia khase malako kalombwa nu mundu avulaho unyala khukarulitsaho inoho khukameta. ¹⁶ khulwa yako, yalomba lilako khu Abrahamu nende mwitsukhulu wewe . mahandiko shikanyala khuva kavolanga murumishili vitsukhulu, ni khuli khuvola mundu mulala wonyene ulangwa kristo. ¹⁷ kambolanga ni yaka malakano ka nyasaye yaranga khusinjilitsa malako kali nikahanwa mihika tsimia tsine na makhomi kavaka nichiakhavira, shikanyala khumeneka lilako inoho lisuvilitswa. ¹⁸ niva shihanwa shia nyasaye shiveleho shichila lisuvilitsa. navutswa nyasaye yaha Abrahamu shichila lisuvilitswa. ¹⁹ khulwa yako, shichila shina khuliho na malako?kametwa khukhumanyinya khulekha khukhola shindu shitamanu khandi khukholwa khuvaho khutukha lwa mwitsukhulu wa Abrahamu, wachilalilako nililombwa alitsa khwitsa. malako kalerwa ni tsinjelosi khvirila mu mundu mulala khandi nikahanwa khu vandu. ²⁰ Navutswa muhambanyinyi shiali nu mulala wonyene tawe nikhali nyasaye nu mulala. ²¹ khulwa yako lilako lihinganyinyanga lisuvilitswa lia nyasaye?shikali kario tawe, nivayakhanyali lilako linyala khulera vulamu yakhakholelwi khuva wi likhola liu vulunji khuvurila mu lilako. ²² Navutswa mahandiko kavolanga vwoni lwa yamihanga vandu mu shivala. yavo vasuvililanga lisuvila mu yesu kristo. ²³ Lisuvitswa yili nilshili khuvaho khwali khwavikhwa hasi na malako khuli vavohe, khutukha lwa lisuvila lialolekha. ²⁴ khulwa yako malako kali mwekitsi weru ku khukhulera khu yesu kristo khutushi khuvalitswa khuva valunji shichila lisuvila. ²⁵ navutswa lisuvila limali khutukha, shikhuli khandi khu mwekitsi tawe. ²⁶ shichila munyi vosi, muli vaana va nyasaye khuvirila mu lisuvila mu yesu kristo. ²⁷ shichila vanyishi khu munyi mwavatiswa mu kristo khandi mwivishi mu kristo. ²⁸ vwavukhani vuvulakhuho hakari ha vayahudi nende Mugiriki, varukwa nende vavoholole vandu vasatsa inoho vakhali, munyi vosi muli shilala khuvirila mulisuvila mu yesu kristo. ²⁹ niva munyi muli vandu va kristo ni katoto muli vitsukhulu va Abrahamu, khandi mulitsa khunyola shia nyasaye yalaka alitsa khumuha.