¹ Nikhali saulu, yatsilila khuitsa vechi va yesu, nakhava khuli anyala khuvira, yamanya natsia khu mwimilili wa vasalisi. ² Yenya musalisi amuandichili ibarua, ahili mumatembeli khali tamiska niva anyala khuvukana nu mundu musatsa inoho mukhali wasuvila yesu amukumili nukhu mukalushitsa yerusalemi. ³ Lwa yali nali khuluchendo, nali himbi khutukhatsmeka noho yalola vulavu khurula mwikulu. ⁴ Shiachila vulavu, yakwa hasi, nahulila mwoyo nikuvola naye, saulu, saulu, kachilashina undambitsanga? nalwo lwa yareva nivi vina mwami ⁵ Nalwa lwa yareva ," nivi vina, mwami? mwami yavola ninzi yesu wutambitsanga shi ulolakhu shiwali vulayi khulesa mateche khwisisi tawe. ⁶ Navutswa sinjila utsi mulitaala likali , wa ulitsa khuvolelwa ka ukhola." ⁷ vandu vachenda na saulu vasinjila vuchila khulomoloma, lwa vahulila mwoyo nikulomolomanga , navutswa shivalola mundu wosi tawe. ⁸ Saulu yasinjila khurula hasi navutswa lwa yatemula tsimoni shiyalola tawe, shichila yali avekhuli nikhali vamanya vamukumula mukhono, nivamuhila damasika. ⁹ yamenya matukhu kavaka vuchila khulola, vuchila khuli vuchila khungwa, ¹⁰ Khwalio nu mundu yalangwa Anania, yali yamenya damasika, naye yali mwechi wa yesu nyasaye yamuvolela mu maloro, namulanga Anania naye niyiyona, ndi hanu, mwami ¹¹ mwami yamuvolela,"simukha utsi mu injila yalunjikha, ureve mu inzu ya Yyda mundu wi litaala lia Tarisa ulangwangwa Saulu, wali nasaalanga isaa yenryo. ¹² yalola malolo mundu ulangwangwa Anania, navikha khuye makhono khu anyole khulola khandi. ¹³ Navutswa Anania yachipa,"mwami nahulila makhuva manyishi khulondokhana khu mundu uyu kayakholanga matamanu khu vandu vatakatifu va Yerusalemi. ¹⁴ yali nuvunyali khurula khu mwimilili wa vasalisi atushi khukumila vandu voosi vasaalanga khu lira lielie." ¹⁵ navutswa mwami yamuvolela,'tsia murovole khuva murumishi wanje, khuchingula lira lianje mu vandu vi tsimbia tsindi, vami nende vaana va israeli; ¹⁶ namumanyinya khuli anyakhana shichila lira lianje.' ¹⁷ Khu Anania yatsia niyinjila mu inzu.yamurakhu makhono namuvolela,' amwavo wanje saulu, mwami yesu yakhuloleshela nuli khunjila nuwitsanga andumi khurekhu makhono utushi khulola khan khandi unyole Roho mutakatifu.' ¹⁸ nonoho shindu shiarula mumoni mwa saulu shisasanga shivakaya ma naranga khulola, yasinjila nabatiswa. ¹⁹ yalia nanyola tsingulu niyikhala na vechi khu matukhu mati mu litaala lia Damaska. ²⁰ Nonoho yilwatsa khulondokhana khu yesu mulisinagogi, navolanga nu mwana wa nyasaye. ²¹ vosi vahulila vali nilichenya nivavola"uyu shali mundu wononyinya vali muyerusalemi walangwa lira yili.? yayitsa khuvakalushitsa khu vasalisi vakali. ²² saulu yatsilila khuva ni tsingulu khali namanyinya vayahudi vi litaala lia Damasika katoto yesu neye kristo. ²³ matukhu manyishi nikakhavira vakhava khumwira. ²⁴ navutswa mipango chiavo chiamanyikha khu Saulu, vamwikonekha khushilivwa vutukhu na muvasu vamwire. ²⁵ Navutswa vechi veve vamuvukula nivamura mushikapu nivamuviritsila mwisisi. ²⁶ lwa yitsa yerusalemi, Saulu yachelitsa khwiyunga nende ve chi navutswa vechi vamuria, khandi shivasuvila ye ni mulala khu vechi tawe. ²⁷ Navutswa Baranaba yamuvukula namuhila khu varumwa,navavolela khuli Saulu aloli mwami, khandi khuli mwami alomolome naye khunjila khandi khuli yilwatsa khuvirila mu lira lia yesu. ²⁸ Yali navo nivatsitsanga mukari nende ilwanyi wa yerusalemi. yalomoloma vuchila khuria mu lira liu mwami yesu. ²⁹ khandi yahangalitsana na vayahudi vaguriki, navutswa vatsilila khwenya khumwira, ³⁰ lwa vasuvili vahulila vamuhila kaisaria khandi nivamuruma mulitala lia Tarisa. ³¹ mumatukhu kenako makanisa mu Yudeya Galilaya nende Samaria vali ni milembe, vachendela mu mwami khandi mu Roho mutakatifu, likanisa liavilukha muvunyishi. ³² litukhu lindi Petro yachendachendashia havundu hosi, khali khu vatakatifu va nyasaye vamenyanga mu litaala lia Luda. ³³ Petro yanyolayo mundu walangwangwa. Aineya, yali niyafwokoya khushiteli khu mihika munane. ³⁴ yamuvolela yesu kristo umali khukhuhonyinya sinjila uvukuli shitali shioshio nonoho yavukha. ³⁵ vosi vamenya Luda nende Sharoni lwa valola kenako vasuvila mwami. ³⁶ khwaliho nu mwechi mululala mu litaala lia Yofa wi lira Tabitsa [ kavolanga Dorokasi] yali mukhali wi mihinzi milayi khandi yakhonyanga vamanani. ³⁷ mumatukhu kenako yalwala ma nakhutsa, vamusinga nivamuhila mugorofa. ³⁸ shichila Luda yali himbi na Yofa, vechi vahulila Petro ahiweneyo, nivamurumila vandu vavili" vitse naye vuchila khucheleva." ³⁹ Petro yasinjila natsia navo, lwa yatu khayo, vamuhila mugorofa, ma vakhunzakhali vosi nivasinjila khuye nivalilanga ni tsinguvu tsia Dorokasi yavanavilanga nashili mwoyo. ⁴⁰ Petro yavarulitsa munzu mwenomo , nasikama hasi naranga khusaala, lwa yishevukha wa muvili kwali yavola,"Tabitsa vukha" yavukha nafungula tsimoni lwa yalola Petro yikhala. ⁴¹ Petro yamuha mukhono kwekwe namusinjilitsa; yalanga vatakatifu va nyasaye nende vakhunzakhali navaha Tabitsa nali mwoyo. ⁴² makhuva yaka kahulilikhana mu Yofa, vandu vanyishi nivasuvila mu mwami. ⁴³ kalolekha Petro yamenya Yofa matukhu manyishi nu mundu walangwangwa Simoni mulombi wa maselo.