¹ Saulu yayanzilwa nilikhutsa lie mumatukhu yako khwali nilinyashitswa likali mulikanisa lia yerusalemi, vosi vasalana mutsisomo tsia vayahudi nende samaria, nikhali varumwa. ² Vandu virulitsa vavukula Stevano nivamuyevela, nivava likhula likali. ³ Navutswa Saulu yachelitsa, khutivitsa ikanasa, shie muinzu nakumila vasatsa navakhali navara muchelo. ⁴ Khulwa yako yavo vasalana injelekha vinjila, shia vuli havundu nivilwatsa ivanjili. ⁵ Mafilipo yakholomokha mulitala lia samaria niyilwatsila vandu kristo ⁶ Vandu vali nende vulala nivavukula mekitso ka filipo, khulishitsa nende viloleshitso via yakhola. ⁷ Matimoni kalila nu mwoyo mukali nikarula mu vandu vanyishi velema nende va vwokoya vahonyinywa. ⁸ khwali nende vuyanzi vukali mulitala yelo ⁹ Nikhali khwali mundu mulala, yalangwa saimoni, yali mukhumu mulitala yelo yarumishila vukhumu khandi yaloka vandu va samaria, yimanyinya khuva mundu mukali. ¹⁰ Vandu vali vamuhuelilila, khurula khuvoti khutukha khu mukali,navavolela mundu huyu unitsingulu tsia nyasaye. ¹¹ Vamuhulishitsa shichila yali yachenyinya vandu vanyishi nu vukhumu vuevue ¹² Nikhali lwa vasuvila Filipo niyilwatsanga makhuva khulondokhana khu vwami vwa nyasaye nende khu lira lia yesu kristo, vamanya vabatiswa vandu vasatsa khu vakhali. ¹³ khali Simoni yamanya yasuvila ma nabatiswa, natsilila khuva nende Filipo. yalola vilolishitso ni mihinzi chikholekhanga nava nilichenya. ¹⁴ lwa varumwa vali yerusalemi vahulila, khali vasamaria viyema likhuva lia nyasaye, vamanya nivavarumila Petero nende Yohana. ¹⁵ lwa vakhulomokha vasala vanyole Roho mutakatifu. ¹⁶ shichila Roho mutakatifu shiyali wayikha muvo tawe, navutswa vali vabatiswa khuvirila mu yesu kristo. ¹⁷ nalwo lwa Petero nende Yohana vavikha mikhono chiavo khuvo ma vanyole Roho mutakatifu. ¹⁸ lwaSimono yalola vandu nivanyoli Roho mutakayifu khulu khuvikhwakhu mikhono chia varumwa yenya khuvaha tsisendi. ¹⁹ navavolela," mbikhu vunyali khali yavo vambikhakhu miakhono chianje vanyole Roho mutakatifu." ²⁰ Petero yavola"tsisendi tsiotio tsikore halala nivi shichila ukanakananga khunyola shihanwa shia nyasaye khuluhana tsesendi. ²¹ shivulakhuho shindu shiosi shia unyala khunyola noho khusangakhu khu makhuva ka Roho shichila uli nu mwima mutamanu imbeli wa nyasaye. ²² khulwa yako wenyekhanga wikanili vutamanu vwovwo uhelwi tsimbavasi khurula khu mwami khu akhusamehe vutamanu mu mwoyo kwokwo. ²³ khuloli uli isumu yu vuchungu khandi shuiuli wi likhola liu vulunji tawe." ²⁹ Nalwo lwa roho yavolela filipo, yisunde himbi, wilikare yelo lili mautsilili khuchenda himbi khulio. ³⁰ Nalwo lwa filipo yatsia niyilokanga, yamanya yahulila nasamanga shitapu shiaumuprofeti isaya, nalwo lwa yamureva ukamanyi vuli makhuva kusamanga? ³¹ Yamanya yamuchipa, nyala khukamanya ndina, niva mundu shianyala khukhonya? yalanga filipo anine mulikore yikhale naye. ³² Havundu hayali nakhunuli nasomanga makhuva kenako kavola kari, yahilwa khutsia khusinzwa khuli likondi, khuli mwana wilikondi ahonjelanga lwa vavetsa nivaveka moya, khandi ye yali arionio shia tsitsa khuvolakhu shindu tawe. ³³ Khulondokhana khuvwicheitsi bwebwe likhalaka liu vulunji liaru litsao khuye nivina unyala khuvolela vitsukhulure? shichila vulamu vwa warulitsao mushivala. ³⁴ mundu yali shitsili yareva filipo, navola, khusayanga , muprofeti huyu avola makhuva yaka khuvina ni makhuva keke mwene inoho ni ahundi mundu. ³⁵ Nalwo lwa filipo yaranga khulomoloma, narachila havundu hayali nasomanga, namwilwatsila makhuva khundoka khu yesu. ³⁶ Lwa vali nivatsilila khuluchendo, vatukha havundu hamatsi kali nikhali, mundu yali shitsili yavola , lola matsi yako, ni shina shinyala khuchila mbuli khupatiswa? ³⁷ Filipo yamuvolela, niva ulasuvila nu mwoyo kwokwo kwosi, kalanyalikhana lwa yavola suvili yesu kristo nu mwana wa nyasaye. ³⁸ Yamanya yavola likara lia yali niyikhalakhu lisinjilitsi vamanya vakholomokha vosi vavili mumatsi, ma filipo namupatisa. ³⁹ Lwa vali nivarula mumatsi, roho wu mwami yamuvukula khurula wa shitsili yali nali, khandi yamulolakhu tawe yatsilila nuluchendo lwelwe nuvuyanzi. ⁴⁰ Nikhali filipo yanyolekhanila mulitala lia Azota yatsilila nuluchendo navira mumatala niyilwatsa khutukha lwa yatukha kaisari.