1 musalisi mukali yavola,"toto vindu yivi ni viatoto?" 2 Stefano yavola" vamwiru nende vatata vanje mbulishitsikhu, nyasaye wuvukhumi yalolekha khu tata weru Abrahamu nali Mesopotamia nashili khutsia Harani." 3 yamuvolela " lekha shivala shioshio utsi mushivala shia nzitsa khukhumanyinya." 4 yalekha shivala shia vakolutayo namenya mushivala shia Harani yamanya yarula Harani natsia mushivala shiamumenyamu lwenulu. 5 khandi shiyamuleshelakhu shindu shiosi tawe, nikhali yamulaka alamuha mkabwa kwekwe khali niva avulakhu mwana tawe, 6 nyasaye yalomoloma khuye, vitsukhulu veve valamenya mushivala shicheni, khandi alavalera mumanyakhano nukhutambitswa khu mihika mia moja. 7 khandi nyasaye alitsa khuvanzila vutamanu vwosi vwa vandu vishivala shienesho vakholela vitsukhulu, khandi mihika tsimia tsine nichiakhavira nyasaye alitsa khuvarulitsa mushivala shienesho navo valitsa khumurumishila. 8 nyasaye yaha Abrahamu indakano yilishevwa, yamanya nava tata wa Isaka, namusheva khulitukhu lia munane. Isaka yamanya yava tata wa yakobo na yakobo nava tata wa vana likhomi na vavili. 9 vana va yakobo valolela yosefu amwavo wavo imbotokha nivamukulitsa misiri navutswa nyasaye yali halala naye. 10 yamurulitsa mumatinyu namulomba khuva nilihuchililwa nuvucheli imbeli wa faraho mwami wa vayikipiti, wamurovola khuva musnjilili wa vayikipiti nende vandu vi inzu yeye yosi. 11 khulwa yako khwali ni shimiyu shiachila inzala nivao mushivala shiosi shia vamisiri nende kanani, vwali vutinyu vukali.yakobo nende vosi vi inzu yeye nivavula shiukhulia. 12 nikhali lwa yakobo yahulila khuli nende imu mushivala shia misiri yarumayo vatata veru mu lukhuranga. 13 khali lwa vakalukha lwakhavili yusufu yamanyinya khuva ye naye mwana wavo wavakulitsa, khandi navahila khuvamanyinya khu faraho ndi ni vana vavo. 14 Nalwo lwa Yusufu, yarumana vatsi valere Yakobo nende vandu vosi vi inzu yeye, vandu venavo vali makhomi saba nende varanu. 15 khulwa yako Yakobo yatsia misiri, ma nakhutsilayo ye nende vatata veru. 16 vamanya nivachingwa khurula misiri khutsia havundu halangwa Sekemu nivayevelwa mushilindwa shia Abrahamu yaali niyakula khu vava va Hamori mushivala shia Sekemu. 17 khulwa yako lwa inyanga yalakwa yatukha ya nyasaye yalaka Abrahamu, vandu vavilukha nivava vahindila khandi nivametekha mu shivala shia misiri. 18 khulwa yako mwami wundi yamihitswa shiyamanyakhu shindu shiosi khulondokhana khu yesu tawe. 19 yamanya natambitsa nukhukholela vatata veru vindu vitamanu, khali nahana lilako vaana vavo vatoro virwi. 20 matukhu kenako nalwo lwa Musa yivulwa, naye wali mwana wi likondo lilayi, mama wewe yamuvisa mu inzu ya tata wewe mieli chivaka 21 khandi lwa yali navisilwi mwana wa faraho wishikhana yamutola namlomba khuva mwana wewe. 22 Musa yekitswa makhuva kosi kuvucheli kava misiri, nava mundu wamanya khulomoloma nende likhola lilayi. 23 naye lwa yali niyakhatushitsa mihika makhomi kane yatsia khuchendelela vaana vavo va israeli. 24 Yalola muisraeli, nanyashitswanga musa yaranga khumukhonya, navanzila vutamanu khulurumula nukhuhumisa mumisiri. 25 Musa yakanakana vaisraeli valalola nyasaye uvahele muhavini nikhali shivakanakana vario tawe. 26 Litukhu lialondakhu yanyola kaisraeli vavili nivalwananga yachelitsa khuvahambanyinya vave shindu shilala, yalomoloma navo navavolela munyi muli amwavo na amwavo shivuli vulayi mukholelane vindu vitamanu. 27 Nikhali oyo yali naranji weshienye vurindi yalumba musa, namuvolela vina ukhurovole khuva mwimilili nende nukhalachi weru? 28 .wenya khunzira khuli waira mumisri mukolovo. 29 Lwa musa yahulila makhuva kenako, kamlomba yilushi misri natsia mushivala shia mitiavi, niyivuvulayo vana vavili. 30 Lwa mihika makhomi kanne chiatukha, yaloleshelwa ni injolosi yanyasaye mushiangalangwe himbi khu shikulu shia sinayi yafanana khuli shisakha shiakha mulilu. 31 Lwa musa yalola, yali nilichenya likali yisunda himbi niyenya khulola vulayi, nalwo lwa yahulila mwoyo nikulanganga. 32 yavola, inzi ninzi nyasaye wa vatata venyu, ndi nanyasaye wa Abrahamu nyasaye wa Isaka, nyasaye wa yakobo, musa yatechela niyinama. 33 Khandi nyasaye yavolela musa, rulitsa vilenje uvo muvilaro shichila havundu hausinjili hanu ni hatakatifu. 34 Inzi nyasaye ndoli, ndoli khuli vana vaisraeli vatambitswanga, khali mbulili lilila liavo khandi nishi hasi khuvarulitsa muminyakhano chiavo khulwa yako khuchakuli khuruma utsii misri. 37 35 musa wa vambakhana, nivamuvolela nivina akhulombi khuva mukali nende mukhalachi weru,musa mweneyo naye wa nyasaye yalomba khuva mukali nende muhonyinyi, nyasaye yamurumila malaika kalolekha khuye mushisakha. 36 Musa yavongoza navaviritsa mumuchela 38 Musa mwenoyo naye, wali mulikanisa mushiangalangwi halala nende injelosi, yavola naye khushikulu shia sinai nende vatata veru naye wahelwa malako kuvulamu khuhanila khutsi. 39 Musa huyu vatata veru vambakhana khumuhulishitsa,vakomokha nivakalukha misiri. 40 vavolela Haruni, khulombele vanyase vanyala khukhwimilila, shichila musa akhurulitsi misiri shikhumanyi kikholekhe khuye tawe. 41 vamanya nivalomba vanyasaye vavo matukhu ka musa yali natsili mushikulu, nivalera shihanwa shiukhusambwa khu nyasaye wavo wishimoli nivahana luyali khu mihinzi chia makhono kavo. 42 nyasaye yamanya yavalekha vasaale khu volombe viu mwikulu khuli kahandikwa mu vitabu via vaprofeti,munyi vaisraeli mihika makhomi kane chia muli mushiangalangwi mwandulitsilakhu shihanwa shiukhusambwa? 43 khali munyi vene mwahuchilila lihema lilitempeli lia Moleki nende tsing'ining'ini tsia vanyasaye va Refani, mulomba vifwanani via mwasalakhu.'Navachinga nivahila ihale waBabilonia. 44 vatata veru vali ni lihema liu vushuhudaa mu shiangalangwi,khuli nyasaye yavolela Musa muliranga, khu alilombe khuli yali naliloli. 45 vata veru halala nende Yoshua vavukula lihema nivinjila nalio mu vumenyo vwa nyasaye yali niyavukula khu tsimbia tindi, imbeli wa vatata veru khutukha lwa mwami Daudi yamiha 46 Daudi yanyola lihuchililwa n nyasaye khandi yuikomba alombele nyasaye litempeli. 47 Solomon naye humbakha inzu yu mwami nyasaye. 48 navutswa nyasaye shiamenyanga mu inzu yalombwa na makhono ku mwana wu mundu tawe khuli vaprofeti vavola tawe, 49 mwikulu ni havundu hanje hukhwikhala navuwa lilova ni havundu hukhusinjilitsa vilenje vianje, unyala khunzumbashila inzu kavila shina? 50 shikali makhono kanje kalomba vindu hivi viosi? 51 munyi va mwatinya mang'ori vandu vakhashevwa mu mioyo nende maroyi, matukhu kosi mwayambakhana khuhulishitsa Roho mutakatifu khandi nindio vatata venyu vakhola 52 ni muprofetishina wa vatata venyu vakhanyashitsakhu? 53 munyi mwahelwa malako khuvirila khu tsinjelosi nikhali mwambakhana khukalonda. 54 khulwa yako vimilili va malako lwa vahulila makhuva kenako vanyakhana mu mioyo chiavo nivalumanyinya mino kavo shichila Stefano. 55 navutswa yayitsula Roho mutakatifu, yahenza mwikulu nalola vukhumi vwa nyasaye khandi nalola yesu nasinjili khu mukhono musatsa kwa nyasaye. 56 Stefano yavola "loli, ndola likulu nilikushi khandi mwana wu mundu niyikhale khumukhono mus atsa kwa nyasaye." 57 lwa vimilili vi shikhalo vakhunikha maroyi, khandi nivalanjilitsa nivilukhaka khuye nilichomo lilala. 58 vamurulitsa ilwanyi wi litala lienelo nivaranga khumulesa machina. vandu vaala tsinguvu havilenje ha mwana walangwangwaSaulu. 59 lwa vali nivalesa Stefano na machina, yalanjilila navola "mwami yesu vukula mwoyo kwanje." 60 yasikama nalila numwoyo mukali,' mwami ukhavukula vwoni yuvu khuva vwavo tawe" lwa yamala khuvola yaka yakona .