¹ khwaliho nu mundu mu litaala lia kaiseria wi lira lie Coronelias wali mwimilili wa vasikali kwalangwangwa italiani. ² yali mundu mulunji waria nyasaye na vandu vi inzu yeye nakhonya vandu ,nasaala khu nyasaye vuli lwosi. ³ mu masaa tisa yalola mumalolo injelosi yu nyasaye niyitsanga nimuvolela " Koronelius". ⁴ Koronelius yarangalila khu injelosi nali nuvuri , injelosi yamuvolela lisaala liolio nende lilila liolio nitushi khu imbeli wa nyasaye. ⁵ khulwa ruma vandu mushivala shia Yofa vakhulerele mundu ulangwangwa Simoni yani Petro. ⁶ Naye wamenya nu mulombi wa maselo ulangwa Simoni wamenya himbi ni inyanza. ⁷ lwa injelosi yamuvolelanga yarulaho Koronelius yalanga varumishi veve vavili nende musikali wasuvilanga mu idini khurula mu vasikali vamulindanga. ⁸ Koronelius yavavolela kosi kali nikikholeshe navaruma mulitaala lia Yofa. ⁹ litukhu lialondakhu masaa sita nikakhavira nivali himbi khutukha mulitaala lienelo Petro yatsia muinzu khusaala. ¹⁰ yali ninzala niyenya khulia, navutswa lwa vali nivashitekhanga yalola malolo. ¹¹ yalola likulu likushi shindu nishirulanga mumalesi khuli luvaala nishitswangwa mulilova mu tsimbeka tsine tsialwo. ¹² nende tsinyama ts vilenje vane nede vindu vimolanga khulilova nende manyonyi kukhwikulu. ¹³ khandi mwoyo kwalomoloma khuye "vukha Petro, wire khandi uli". ¹⁴ ' Navutswa Petro yavola mwami, shikali kario tawe shinaliakhu shindu shiosi shionekhe noho shikhali shinihu tawe" ¹⁵ Navutswa mwoyo khwlomoloma khuye lwakhavili" shia nyasaye yalomba shinihu shishinyala khuva shiayonekha tawe." ¹⁶ yaka kikholekha mikamba chivaka ma luvala lwenolo nulukalushitswa mwikulu. ¹⁷ Petro yali nahchenyanga khukayali naloli mumalolo shia kavolanga nonoho vandu varumwa na koronelius valolekha imbeli wi shilivwa, nivakhareva injila yu khutsia munzu. ¹⁸ valaanga nivareva niva Simoni ulangwa Petro yamenya navo. ¹⁹ lwa Petro yali nashikanakana khu malolo kenako Roho mutakatifu yamuvolela,"vandu vavaka vakhukhavanga. ²⁰ vukha utsi navo ukhambakhana tawe shichila ninzi uvarumi, " ²¹ khulwa yako Petro yatsia khu vandu venavo navavolela "ninzi wamukhanga.shichila shina numwitsa? ²² vavola mwimilili wa vasikali ulangwangwa Koronelius naye nali mundu waria nyasaye, wavalomoloma khuye vulayi na vayahudi urumane injelosi indakatifu khukhulera mu inzu yeye, khu ahulili livola liolio'". ²³ Petro yavalanga vinjili vamenye naye, litukhu lialondakhu varula nivatsia navo khali vamwavo vavo khurula Yofa vavalonda ²⁴ litukhu lialondakhu vatsia kaisaria.wa Koronelius yavalindila khandi yalanga vandu veve nende valina. ²⁵ lwa Petro yinjila Koronelius yamwakanila nasikama imbeli wewe namwinamila. ²⁶ nikhali Petro yamusinjilitsa namuvolela khali ye nu mundu.'' ²⁷ lwa Petro yali nashilomoloma navo yinjilamu nanyola vandu nivikhale halala. ²⁸ yavavolela munyi mwamanya khulondkhana na malako vayahudi shivayikhalanga na vandu vi tsmbia tsndi noho vacheni tawe.navutswa nyasaye yamanyinya mbuli khuvulakhu mundu wosi khuvula khuva munihu. ²⁹ Nali nilienya liu khumanya lwa nalangwa nishina shiachila ninangwa." ³⁰ Koronelius yavola", matukhu kane kavira tsisaa khuli yitsi nasaalanga mu inzu yanje mu tsisaa tisa tsia amukolovo nalola mundub nasinjili imbeli wanje niyifwali tsinguvu tsiang'ang'anga vulavu. ³¹ yavola "Koronelius masayo koko kahuchilwi na nyasaye khandi khlila khwokhwo khwitsshitse nyasaye mihinzi chiochio milayi. ³² khu ruma mundu Yofa akhulanjili mundu ulangwangwa Simoni naye nali Petro, umenyanga mu inzu yu mulombi wa maselo himbi ni inyanza ³³ .lwa narumana witse ukholi vulayi khwitsa khuli hanu vosi imbeli wa nyasaye khulole ka akhuvolele mwami uvoole." ³⁴ Nalwo lwa Petro yaranga khulomoloma navola katoto ndi nyasaye shiali wukhuyanzitslila vandu tawe. ³⁵ mushivala oyo umuritsanga khandi ukholanga malunji alamuhuchulila imbeli wewe. ³⁶ mwamanya makhuva ka yaruma mu vandu va isiraeli, lwa yilwatsa makhuva malayi khulondokhana khu milembe khuvirila khu yesu kristo uli mwamimwa vosi. ³⁷ YIvi mwene wamanya vindu vikholekha khandi vwaliho mu Yuda, khuranjila Galilaya, nende khulondokhana khu libatiswa lia Yohana. ³⁸ makhuva yaka kali khulondokhana khu yesu wa Nazareth, khuli nyasaye yamurovola khuvirila mu Roho mutakatifu khandi mu vunyala; yatsilila khukhola malayi khandi khuhonyinya yavo vali nivanyashitswangwa na madimoni, nyasaye yali naye. ³⁹ khwali vashiahidi khu vindu viosi vwa yesu yakhola, mushivala shia Yuda nende mu yerusalemi. vamwira khulukhumuunga khu musala ⁴⁰ Naavutswa nyasaye yamwisimushitsa khurula mulikhutsa mu litukhu lia khavaka khandi namulomba khulolekha ⁴¹ , shiyamanyinyakhu khu vandu vosi tawe, navutswa khu vashiahidi varovolwa imbeli wi mikhono chia nyasaye, khukhutsi va khwalia nukhung'wa naye lwa yisimukhha khurula mulikhutsa. ⁴² Yakhuvolela khwilwatsili vandu nukhuvavolela oyo yarovollwa na nyasaye ave mukhalachi wa vashili mwoyo nende vakhutsa. ⁴³ khulwa ye vaprofeti vavola, oyo wosi usuvila muye alanyola khusamehewa vwoni khuvirila mu lira lie. ⁴⁴ lwa Petro yali nashivolanga Roho mutakatifu yakukha khu yavo vali nivahulishitsanga makhuva ka yali navololanga. ⁴⁵ vandu vasuvilwa vashevwa nende yavo vitsa khu Petro vali ni lichenya, shichila shihanwa shia Roho mutakatifu shiatsukhwa khandi khu vandu vi tsimbia tsindi. ⁴⁶ vahulilla vandu vi tsimbia tsindi nivalomolomanga mu tsinimi nende khwitsominya vukhumi vwa nyasaye. Petro yavola, ⁴⁷ "mundu akhuho anyala khuvikha matsi khurula khu vandu khu vavuli khubatiswa khali khu, yavo vanyola Roho mutakatifu? ⁴⁸ khandi navavolela nuvululu vavatiswi mu lira lia yesu kristo.vamusaya amenye navo khu matukhu manyishi.