¹ lwa kaviritswa khwambushi khutsi mu shivala shia italia, Paulo nende vavohe vandi vahilwa khu mwimilili mulala wa vasikali yalangwayulio, yali mulala khu {shikosi} shia Augusto. ² khwanina mu imeli yi litala lia Adaramitiamu yali nili himbi khutsiamumatala kali khundulu khwi inyanza mu lusomolwa Asia, khali na Arisitarika, wali nali mumekadonia warulanga mulitala lia Thesalonike. ³ litukhu lialondakhu, khwatukha Sidoni, ma yulia nalolela Paulo vulahi, khandi namuha vyiyangu vu khutsia khulola valina veve, vamukhonye khulienya. ⁴ khwarulayo nu khutsililila nu luchendo lweru, nukhuvirila khuluveka lwi shisulu shia saipurasi, wa imbutsa yali nivula shiachila imbutsa ya khukoyanyinya. ⁵ lwa khwambukha inyanza nu khutsia mu matala ka kilikia nende pamufila, nukhutukha mu litala lia mira mu lusomo lwa lukia ⁶ hawene yaho, mwimilili yanyola imeli yali nirulanga mulitala lia Aleksandara, nyambukhanga khutsia shivala shia italia manakhuninyinyamu. ⁷ khwambukha kalaha khumatukhu manyishi, nu khutukha lukhumalilikha mu litala lia cinido mu vutinyu vunyishi, imbutsa ya khwikalila khuvula khutsililila nu luchendo lweru nu khuvira khuluveka lundi lwi shisulu shia kurete, wa imbutsa yali nivula, khandi mulitala lia salome. ⁸ khwavirila himbi khundulu khwi inyanza nu khuvirila mu vutinyu nu khutukha havundu halangwa vusinjililu vulahi vwi tsimeli himbi mu litala lia laseha. ⁹ khwamenyayo khumatukhu manyishi mavwa va vutinyu vunyishi khutsilila nu luchendo lweru, shichila litukhu liu khufunga liali niliviri khale, Paulo yamenya navachelihitsa. ¹⁰ navavolela ndolanga luchendo lweru khurula hanu, lulitsa khuva lutamanu khandi imeli nende misiko chieru chilonokha khali khunyala khukhutsa. ¹¹ navutswa mwimilili mkali yakovela khu mukali wahilanga imeli nende mwene imeli na yalechelitsa makhuva ka Paulo yavola. ¹² vusinjilili vwi tsimeli, shiuvwalikhu vulahi ha khunyala khuhulishila matukhu kuvushindi tawe vandu valala valola nuvulahi khu tsilila nu luchendo, nikanyalikha vave nivatukha mu litala lia foenike, naho vusinjili vwi tsimeli mu shisulu shia kurete, khuluveka lundi luli ikuvanda- imbo khandi khuluveka luli ivuluka- imbo. ¹³ imbutsa khurula khuluveka luli ikuvanda, yaranga khuhutsa, vakanakana vanyoli shia venyanga khulwa yako, valitohitsa inyanga yu khusinjilitsa imeli, manivambukha khutsia khuluchinja lwi inyanza mu litala lia kurete. ¹⁴ khulwa matukhu matii imbutsa yahutsa inditoho ilangwanga eurakilo. ¹⁵ lwa imeli yanuyanuywa ni imbutsa vutinyo vwali vutinyu khulomba khwachilekha nukhuvukula. ¹⁶ khwavira vwangu mushisulu shitii shia langwa kauda, nishikhushinga khu imbutsa inditoho yeneyo khwi tonoshitsa liaro. ¹⁷ vakhwesesa khuluchinga, nivavoha mikoye khwi imeli varia vanyala khwituya khuluchinga lu muyeshe valakhula inanja mu matsi ni valekha khuhila. ¹⁸ khandi imbutsa inditoho yahutsa vutamanu muno .litukhu lia londakhu khwaranga khusiuva misiko chiali militoo mumeli nukhuchihanguitsa. ¹⁹ litukhu lia khavaka khwasiuva vindu vilala viarumikhanga mumeli na makhono keru vene. ²⁰ matukhu manyishi kavira, vuchila liuva, noho tsinyininyini navutswa imbutsa inditoho yatsilila khuutsa muno, khwakoritsa lisuvila liu khuona ²¹ lwa vali nivamali matukhu manyishi, vuchila khuliakhu shindu, Paulo yasinjila imbeli wavo navola, vandu munyi muva mulondimakhuva kanje, shimwambushe khurula mu litala lia kurete tawe khali vindu vieru, shivivele vionekha nu khukora tawe. ²² khandi nunundi musayanga, muve nu mwoyo mutinyu mundu wosi khu munyi, shialakorakhutawe, imeli yonyene, nayo yononyinywa. ²³ shichila mu vutukhu, injelosi ya nyasaye, wanje khandi wakhusalakhu yitsi khwinzi. ²⁴ navola, ukharia tawe, Paulo ulayalwa imbeli wa kaisari khandi tawe, shichila, yivi nyasaye umali khuhonyinya vandu vosi va muli navo. ²⁵ khulwa yakovasatsa muve ni mwoyo mutinyu shichila nasuvila nyasaye katsitsanga khwikholekha khuliambolele. ²⁶ nikhali,khutsitsanga khuhilwa mu shisulu shindi vutswa. ²⁷ khuli litukhu li likhomi na khane muvutukhu liatukhakhu, imbutsa yahutsanga nikhwila ikulu nende hasi mu inyanza ya Adria, mu vutukhu hakari mundu yahila imeli yakanakana khuli imbi khushivala shiumu. ²⁸ valakhula mukoye kavavohakhu vulitoho va matsi, nivanyola ni tsimita [20] ishirini khandi visunda hatiti khandi nivanyola vurambi tsimita likhomi na karano [15]. ²⁹ vahili vi imeli varia, imeli, inyala khutsia khwituya mu machina, nivatehitsa tsinanga tsine inyuma wi imeli, nivasala mavwevwe khutukha vwangu. ³⁰ lwa vahili vi imeli vali nivachelitsa khurula mu imeli, khandi lwa vali nivasundi liaro mu inyanza , vikhola vatsitsanga imbeli khuteyitsa tsinanga tsisinjilitsanga imeli. ³¹ Paulo, yavolela mwimili wa vasikari niva vandu yava shivikhala mumeli shiu muona tawe. ³² khandi vasikali vakhalaka mikoye tsikimilanga liaro, nivalekha nilitsa. ³³ lwa vwali nuvuli himbi khushia, Paulo yavasaya valikhu shikhulia shititi vosi, na vavolela mumali matukhu likhomi nakane, numwafunga khandi mushili khuliakhu shikhulia matukhu kenako kosi. ³⁴ musayanga mulikhu shiukhulia khutukhamulikhu muve mwoyo shichila avulakhuho khali mulala atsitsanga khukoritsakhu liswi liu murwi kwekwe. ³⁵ lwa yamala khuvola, yavukula mukati nasanditsa nyasaye imbeli wavo vosi nakutongolonyinya naranga khulia. ³⁶ vosi vatinyilitswa, nivaliakhu shiukhulia vene. ³⁷ khwali himbi vandu tsimia tsivili namakhomi saba na sita vakhwali mumeli. ³⁸ lwa valia shiukhulia nivikura, vanguitsa imeli, lwa vasiuva inganu yosi mumeli. ³⁹ lwa vwali nuvwakhashia vahili vi imeli shivali vamanyikhu vali khuluchinga lwi inyanza tawe.navutswa luchinga lwinjila mu matsi ha vakanakanila, niva kalanyalikha vasinjilitsi imeli yavo khuluchinga. ⁴⁰ vatehitsa tsinanga tsi imeli, nivalekha tsihinikhi mu matsi, khandi nivavoholola mikoye chiakumilanga ingara yi imeli.vasinjilitsa inanga imbeli wi imeli khu imbutsa ichinuye khutsia imbeli nukhutukha khuluchinga. ⁴¹ Navutswa imeli yatya mulichinga lu muyeshe ma nihanda khuluveka lwi imeli lwimbeli, lwahanda ma imeli nivula khwisunda khandi luveka lwinyuma lwi imeli nulwahukhanamu vitonye shichila marundu kali ni tsingulu muno. ⁴² Vasikali vali valoshitsa khwira vavohe vosi, khu vavuli kwelema nukhwilukha. ⁴³ khandi mwimilili wasinjililanga vasikali yenyanga khuhonyinya Paulo manivamwikalila khukhola ndio, nikhali yavolela vandu vosi vamanya khwelema, varume khurula mu imeli vatsi khuluchinga. ⁴⁴ vandi varikala valondakhu nivelema khu vitonye vilala vi imeli, viali nivitong'okhane mu vitonye, khulwa yako khwatukha khuluchinga lwi inyanza vulahi vwene.