¹ Aguripa yavolela Paulo, khuele vwiyangu vu khulomoloma yivi mwene Paulo yachela mukhono kwekwe, naranga mwene khuvola makhuva keke ku khwishinga. ² ndolanga ni ikhavi lwa sinjili imbeli wowo mwami Aguripa, nomolome makhuva kanje ku khwishinga khu vindu vitamanu via vayahudi vavolanga khwinzi. ³ khushila muno sichila wamanya mima chia vayahudi nende viyalililo viavo khusayanga nuyanza uhulishitsi makhuva na nyenyanga khuvola mu vwikhutsili. ⁴ vayahudi vosi vamanya khuli namenya khurula ni shili mwana vamenya limenya lianje khuli livetsanga, lukhuranga mu shivala shieru khandi mu yerusalemu. ⁵ vamanya khumatukhu manyishi, niva vali ni lienya lia khurula shindu vanyala khuli musanji wu mukanda kwa malako malulu kwa vafarisayo khu idini yeru. ⁶ nunundi nakhasinjila khu khalachilwa khu lisuvila lia ndi nalio lia nyasaye, yalaka vakuka veru. ⁷ shindu shilala shiele, shia vandu vi tsimbia likhomi na tsivili tsia vandu veru valindanga khunyol, lwa vasala mbasu nu vutukhu khu nyasaye mwami Agurupa, lisuvila lienelo nalio lichila vayahudi nivanzala [nivakhalachila]. ⁸ shichila shina munyi vamuli hanu, muli ninganakani nyasaye avulakhu vunyali vu khwisimushitsa vandu vakhutsa khurula mu likhutsa? ⁹ khali inzi mwene nasuvila nyala khukhola vindu viosi via khuhinganyinya lira lia yesu wa nazareti. ¹⁰ nako ka nakhola mu yerusalemu lwa vasalisi vakali vamba vunyali vukhuvola muchela vandu va nyasaye khandi lwa vakhalachilwa likhutsa, nasangakhu lwa nakhuva ikura. ¹¹ ninzi wavasalilitsa mu masinagogi, khandi navakhola khwambakhana lisuvila liavo nali mululu khuvo, khali nivalonda mumatala kali ihale wene, khuvatambitsila iweneyo. ¹² nashio shicheli vasalisi vakali, nivamba vunyali nende malako ku khutsia mu litala lia damasika. ¹³ yivi mwami, lwa nali ninjendanga khutsisaa sita mbasu, nalola vulavu nuvwakha khurula mwikulu khuvira vulavu vwi liuva ,nu vusashila inzi halala na vandu va khwali navo. ¹⁴ vosi khwakwa hasi, nimbulila mwoyo nukumbolela muluheburania, saulu, saulu shichila shina undambitsanga ?nuvutinyu mwene lwa wituyanga khuli ichilishi ituyanga lusala lwa mwene. ¹⁵ nareva ,uli vina , mwami? mwami yambolela, ndi yesu utambitsanga. ¹⁶ navutswa sinjila khuvilenje viavo, sichila mali khukhuloleshela uve murumishi nende mushaidi wanje ulitsa khuvolela vandi makhuva ka uloli khwinzi khandi kanitsa khukhumanyinya mumatukhu kalitsa khuvaho. ¹⁷ nakhuhonyinya khurula mu vandu vovo nende vandu vi tsimbia tsindi ,tsia va khurumakhu. ¹⁸ ulitsa khwikula tsimoni tsiavo, vakalukhane varuli mu shisundikhwitsa muvulavu ,khandi khurula mutsingulu tsia shetani ,nu khuvalera khu nyasaye khuvirila mu lisuvila liavo mwinzi valisemehwa khandi valinyola uyiyanga mu vandu va yarovala. ¹⁹ khulwa yako, mwami Aguripa, shinali nambakhana khulonda malako ku khurula mwikulu tawe. ²⁰ khandi naranga khwirwatsa lukhuranga mu litala lia demasika nende yerusalemi na shia havundu hosi mu lusomo lwa yudeya, khandi khu vandu vi tsimbia tsindi khuvikalukhane nile khuru mu vwoni vwavo khandi vakalukhane khukalukha khu nyasaye khu vakhole vikholwa vimanyinyanga vayikanila khurula mu vwoni. ²¹ nashio siachila wayahudi ,nivangumila nindi mu litempeli ,niva chelitsa khunzira. ²² navutswa nyasaye wakhonya, khali khutukha litukhu linu khulwa yako, sinjile hanu khuhana vushaidi vwosi, khu vahinda na vati na vakali shimbolakhu shindu shiosi tawe navutsa khwikholekha. ²³ kristo, alitsa khunyakhana khandi aliranga khwisimukha khurula mu likhutsa khandi alitsa khumenyinya vulavu vayahudi nende vandu vi tsimbia tsindi. ²⁴ lwa yali navolanga makhuva keke ku khwishinga munjila, fesito yalanjilila nu mwoyo mukali namuvolela Paulo , uli mulalu masomo ka wasoma ,ka khwonyinya vwangu. ²⁵ Paulo yamuchipa, yivi fesito shindi mulalu tawe ,ka mbolanga ni katoto kene havulavu ²⁶ mwami umanyi vindu vienevo nyala khulomoloma vuchila khuria ndi ni lisuvila. shindu shivalakhunu shia yakorwa . yako shikikholeshela mu shisundi tawe. ²⁷ Mwami Aguripa unyala khuva wasuvila mu vaprofeti?manyi wasuvila. ²⁸ lwa Aguripa yavolela Paulo,"mu matukhu mati unyala khungalukhanyinya khuva mukristo? ²⁹ khandi Paulo yavola, salanga khu nyasaye, khu matukhu mati noho manyishi yivi halala na vandu vosi muve khuli inzi , nikhali vuchila minyororo. ³⁰ lwa yali na khamala khuvola, mwami yasinjila nende gavana khandi berinike na vandu vosi vasinjili. ³¹ lwa varulayo, nivavolelana vene khuvene, :mundu uyu avulakhu shindu shiosi shia yakhola shichila akhalachilwi likhutsa noho avohwi minyororo. ³² Aguripa yavolela fesito, mundu uyu aveleyavohololwa, niva yakhavuli khwanila khuhilwa khu mwami wa kaisari.