¹ Lwa khwali ni khwakhatukha vulahi vwene khuluchinga khwitsa khumanya shivune shienesho shilangwangwa Malita ² khandi vandu vabarasi vamenyayo vali valahi muno khu khutsi, vakhuhambitsila mulilu nivakhwinjilitsa khutsi vosi shichila imbula yakhuva nukhulila vushindu. ³ Paulo yatolishitsa shivoho shi tsikhuyi, lwa yara mumuliluinzukha yarula mu tsikhuyi tsienetso shichila luyia lwali lukali lunyishi, niyilinjila khu mukhono kwekwe. ⁴ Vandu vabarasi lwa valola inzukha niyeleli khumukhono, vavolelana vene, mundu uyu alolekhanga wayirakhu vandu, khali niva wayihonolokha khukhutsila mu inyanza, shianyala khutsilila khandi khuva moyo tawe. ⁵ khandi yasungusula inzukha yeneyo nikwa mumulilu, vuchila khumusalilitsa khali hati. ⁶ Valinda valole niva anyala khuvimba mmbili noho khukhutsa vwangu, lwa valinda khuluhono vuchila khulola shindu shiosi shikholekha khuye. vakalukhana mu tsinganakani tsiavo nivavola "ni nyasaye". ⁷ Himbi havundu henaho khwaliho nu mulimi ku mundu walangwa Pubulia, wali nali mwimilili wi shisulu shieneshio yakhwinjilitsa vulahi muno hango hehe, nukhuva vacheni veve khumatukhu kavaka. ⁸ Tata wa Pabulia yali wakona nalwalanga murengo, nukhunyalala , Paulo yinjila munzu mwemwe nasala khandi navikha khuye makhono keke nahona. ⁹ nikakhamala khwikholekha, vandu vandi mu shisulu shienesho, vali nivalwala vatukhaho khandi nivahonyinywa. ¹⁰ navo vakhuha [heshima] ili [heshima] inyishi muno khandi lwa khwamala khwambukha, vakhuvisila shia shindu shiosi shia khwali nu khwenyi. ¹¹ khandi khu mieli chivaka nichiakhavira mu imeli ya Alekisandaria, yalangwa vanyasaye vamakhwane yali nimali matukhuku vushinelu kosi shisulu. ¹² khwatukha sirakuse, nu khumenyayo matukhu kavaka. ¹³ khwarulayo nukhuchenda mbaka Regiamu. litukhu lilala liakhatukha imbutsa yahutsa nirula ikuvanda,khandi matukhu kavili nikakhavira, nukhwatsia Puteholi. ¹⁴ khwanyolayo vamwiru vakhuvolela khumenye navo khumatukhu saba, nindio khwatukha Roma. ¹⁵ khurula lwenolo vamwiru lwa vali nivakhahulila makhuva khulondokhana khukhutsi, vitsa khukhwakanila mu sokoni ya Apiha nende tsinzu tsivaka. Paulo yavalola nasanditsa nyasaye ma natinyilila. ¹⁶ lwa khwatukha Roma, Paulu yahuchililwa khumenya wonyene nu musikali unyala khumulinda. ¹⁷ matukhu kavaka nikakhavira Paulu yalanga vimilili va vayahudi valala khwitsa mushikhalo, yavavolela vashianje khali niva mbulakhu shindu shiosi shitamanu, shia nali nikholele vandu veru noho vakuka veru, nakholwa khuva muvohe muyerusalemi nimbanwa khu varoma. ¹⁸ lwa vamala khundeva marevo vali nilenya liu khumboholola, shichila shivalola shivune shinyala khuchila khalachilwi likhutsa tawe. ¹⁹ Navutswa vayahudi vahingana khukenako , nivambana khuhilwa khu kaisari, khali shinalikhu ni shivune shiukhuyala shivala shianje tawe. ²⁰ nashio shivune shichili nimulanga mwitse khundola khumolome na munyi shichila mbohwangwa ni minyololo shichila lisuvila lia vaisraeli. ²¹ khandi vamuvolela khushili khunyolakhu tsibarwa tsiosi khurula Yudeya khurulana khwivi, khandi avulakhuho mulala khu vayanze yitsi khuvolakhu shindu shiosi noho khumoloma vutamanu khwivi. ²² navutswa khwenyanga khuhulila ka yivi mwene ukanakanga, shichila khwamanya havundu hosi valomoloma makhuva matamanu khu makanisa. ²³ vamurovolela litukhu ma vandu vanyishi nivatukha havundu ha yamenyanga, navavolela makhuva khulondokhana khu vwami vwa nyasaye, yachelitsa khuvavolela nivayanza vasuvili mu yesu khu makhuva ki lilako lia musa nende vaprofeti khuranjila mavwevwe khutukha khulukolovo. ²⁴ valala vasuvila makhuva ka yali navoli na vandi vambakhana khusuvila. ²⁵ lwa vavula khuhulishitsana vene khu vene,varulaho lwa Paulu yamala khulomoloma"yavola roho mutakatifu yalomoloma katoto khu vakuka veru khuvirila khu muprofeti Isaya. ²⁶ navola simukha utsi khu vandu yavo uvavolele khuhulila mulahulila, navutswa mulitsa khukhaywa khumenya lilola mula lilo nikhali shiu mumenya. ²⁷ shichila mioyo chia vandu yava chiasuhalala khandi maroyi kavo nimalitoho, shikaulilanga na tsimoni tsiavo tsiavekhula shivanyala khulola nitsimoni tsiavo, na maroyi kavo shikanyala khuhulila ni limwenya liu mwoyo chiavo ni likalukhana litsinganakani tsiavo lahonyinywa. ²⁸ kamanyikhana khumunyi khutukha likhuva lia nyasaye lilatsia khu vandu vi tsimbia tsindi navo valitsa khuhulishitsa. ²⁹ lwa yamala khuvola, vayahudi valiho nivarevanga muvushi vene khu vene. ³⁰ khandi Paulo yamenya khumihaka chivili havundu ha mwene yali niyakotesha inzu yeye, yinjilitsa vosi vitsanga khumulola. ³¹ yilwatsa khu vwami vwa nyasaye, khandi yechitsa mechitso khumwami yesu kristo vuchila khuria nu khwikalilwa.