¹ lwa khwali nikhwakhavasevula nivakhatsia khwambukha nukhutsia vulunji nukhutukha havundu halangwangwa kosi. lutukhu lialondakhu khwatukha Rodesi wa khwarula nukhutsia mu litala lia Patara. ² lwa khwanyola imeli yu khutsia mu litala lia Foenike khwaninamu nikhutsia. ³ lwa khwatukha havundu ha khunyala khulola shisulu shia saipurasi, khwambukha nukhutsia khuluveka lwa siria, khwatukha mu litala lia Tiro ha imeli yali nitsitsanga khwishitsa misiko chiali muyo. ⁴ khwanyolayo vasuvili valala nukhumenya halala navo khumatukhu saba, navolela Paulu khuvirila mu tsingulu tsia Roho mutakatifu avuli khutsia yerusalemi. ⁵ Navutswa lwa matukhu keru kukhwikhala navo kali nikakhavwa, khwarulayo nikhutsilillila nuluchendo lweru. vandu venavo vosi, halala na vakhali vavo nende vana vavo vakhuheleshitsa khurula mu litala likali. khwasikama khuluchinga lwi inyanza nu khusala. ⁶ lwa khwali nikhwahelelana vene milembe shia mulala khwatsia khunina mu imeli navo nivakalukha ingo. ⁷ khwatsilila nuluchendo lweru khurula mulitala lia Tiro, nukhutukha mu litala lia Putolemahi ha khwahana milembe khu vasuvili, khandi ni khwikhala navo khulitukhu lilala. ⁸ khulitukhu lialondakhu khwarulayo nukhutukha mu litala lia kaisairia. khwinjila mu inzu yu mwinjilitsi walangwangwa Filipu, wali mulala khu vandu saba vali nivarovolwa mu yerusalemi nu khumenya naye. ⁹ yali na vana vakhana vane vali nivashili khutsiakhu tsikhali navo vali ni shihanwa shiu khuprofeta. ¹⁰ lwa khwali nukhwakhamenyayo khumatukhu manyishi muprofeti Agapu yatukhayo narula mulusomo lwa yudeya. ¹¹ yatukha ha khwali navukula lukhanda lwa Paulu navoha makhono keke nende vilenje vievie, nvola Roho mutakatifu avolanga ndi vayahudi va yerusalemi valitsa khumuvoha mwene lukhanda yulu, nukhumuhila khu vandu vi tsimbia tsindi. ¹² lwa khwahulila khurio khutsi nende vakhaliho khwakaya Paulu avuli khutikulukha yerusalemi. ¹³ khulwa yako yachipa " ni shina shia mukholanga lwa mulilanga nu mumbelelitsa mwoyo kwanje?nzirecheshe shikali khuvohwa muchela mwonyene tawe, navutswa khali khukhhutsila mu yerusalemi shichila lira liu mwami yesu kristo ¹⁴ lwa khwakhaywa khumuhombelitsa, khwatsilila khuhonjela nikhali khwamuvolela lekha lienya liu mwami likholeshe. ¹⁵ lwa khwali nukhwakhavayo khumatukhu manyishi khwarulayo nukhutsia yerusalemi. ¹⁶ valala khu vasuvili vilitala lia kaisaria varulayo na khutsi nivakhuhila mu inzu yu mundu walangwangwa munasoni, warulanga mu shisulu shia saipurasi khwenyekhanga khumenye nu mundu mwenoyo. yali mulala khu vasuvili vali vukhuranga. ¹⁷ lwa khwatukha mu yerusalemi vasuvili vakhwinjilitsa nuvuyanzi. ¹⁸ litukhu lialondakhu, Paulu yatsia na khutsi khulola Yakobo khali vasakhulu vosi valiho ¹⁹ lwa . yavaha milembe, yavavolela shia shindu shiosi shia nyasaye yali nakholi mu vandu vi tsimbia tsindi khuvirila mu muhinzi kwekwe. ²⁰ lwa vahulila vario, vitsominya nyasaye nivamuvolela, musuvili washieru, unyala khulola mwene vasuvili tsihelefu vamenya mu vayahudi, khuli vosi vali ni lienya liu khulonda malako. ²¹ vamali khuvolelwa makhuva khulondokhana khu yivi khuli wechitsanga vayahudi vosi vamenyanga mu vandu vi tsimbia tsindi kavolanga vavuli khusheva vana vavo noho khulonda mima chieru. ²² khulwa yako, ni shina shia vanyala khukhola? valitsa khuhulila likhuva umali khutukha ²³ navutswa khuli nende vandu vane hanu vamali khwisuha. ²⁴ vukula vandu yava utsi navo khukhola mulukha kukhwitakasa nukhuvarunjila mirungu chienyekhanga, khu vaveche liswi liavo khu shia mundu wosi alitsa khumanya vindu via vavolelwa khulondokhana khu yivi shivili via toto tawe. navutswa yivi mwene umenyanga khulondokhana khu malako ka musa. ²⁷ Lwa matukhu sapa kali nikali himbi khuvwa, valala khu vayahudi vali nivarula mu lusomo lwa Asia, lwa va mulola mulitempeli vavwanyinya mulilu mushituma shia vandu vosi nivamukimila. ²⁸ Valanjilila nivavola, munyi vaisraeli, khukhonyi uyu naye mundu utsitsanga shia havundu hosi, niyechitsa vandu khuhinganyinyavaisraeli, malako ka musa, nende litempeli yili khumeta khu kenako, wayinjilitsa vandu vitsimbia tsindi mu litempeli khandi wamala khwononyinya havundu hatakatifu hanu. ²⁹ Vavola vario shichila vali valoli trofima wilitala lia Efeso Paulu mu litala lienelo vali ninganakani anyala khuva wamwinjilitsa khu mu litempeli ³⁰ shile shiatsililila khulanda shia havundu hosi mulitala lienelo vandu vosi vilukhachila khulala nivatsia khukumila Paulu vamukhwesesa khurula mu litempeli, ma miliango chilitempeli nichikalwa vwangu. ³¹ Lwa vali nivachelitsanga khuli vamwira, mwimilili wa vasikali varoma yanyola likhuva shieche shili mu yerusalemi. ³² Yavukula vwangu vimilili vasikali nende vasikali, nivatsia vwangu mu shituma shia vandu lwa vandu vamulola nali na vasikali, valekha khurumula Paulu. ³³ Mwimilili wa vasikali mwenoyo yatsia nakumila Paulu navola avohwi ni minyololo chivili manareva "manareva mundu uyu ni vina khandi nishina shiakholi? ³⁴ Vandu valala mu shituma valanjilila shilala na vandi lukanu shileche shialiho, khali nikalomba mwimilili wa vasikali khuvula khumanya kali kakholeshe yavolela vandu veve vahili Paulu havundu havasikali vamenyanga. ³⁵ Lwa yatukha khu viko via khwinjilaho, vasikali valala khuva vamuchinga, shichila shituma shia vandu vali valulu muno. ³⁶ Navovosi vamulondanga nivalanjilila, nivavola "mumwiri". ³⁷ Lwa vasikali vali nivali himbi khuhila Paulu havundu ha vasikali vamenyanga, Paulu yareva mwimilili wa vasikali, unyala khumbakhu vwiyangu khuvolelekhu likhuva naye yamureva unyala khuva wamanya luguriki? ³⁸ Niva nikario, shiali nivi mumisiri waranjitsa shileche shia mahingani mumatukhu kavira, niwimilila makahidi tsielefu tsine khutdia mushiangalangwi navo nivali viri. ³⁹ Paulu yamuchipa"inzi ndi muyahudi wivulwa mu litala lia Tarisa mu lusomo lwa kilikia, nindi mundu wi litala liamanyikhana muno. nuyanza mbe vwiyangu vu khulomolomakhu na vandu yava. ⁴⁰ lwa yamuhuchilila, Paulu yasinjila khu viko viukhwinjila nachela mushituma mukhono vahonjele. lwa vosi vahonjela, yalomoloma khuvo mulihebrania navola,