¹ Lwa shileche shiali nishiakha vwa, Paulu yalanga vechi khuvavolela makhuva ku khuvatinyilitsa, yasimukha natsia mekadonia. ² Lwa yali namali khukhalakanyila shia havundu hosi mu tsisomo tsienetso khandi niyakhatinyilitsa vandu na makhuva manyishi, yatukha mu litala lia vakuruki. ³ Ya menya yo khumieli chivaka lwa yali nali himbi khwambukha khutsia siria, vayahudi vali vamwikoneshe naye yakanakana khuvirila makadonia. ⁴ Na mundu walangwangwa sopateri wali mwana wa piria, Aritarika nende sekunda vilitala lia bereha Arisitarika nendesekunda vilitala lia tesalonike, goyo wilitala lia Deribe, tukikasi nende trutina vu lusomo lwa Asia, nende timoteo navo natsia naye mulusomo lwa Asia. ⁵ vandu venavo navo varanga khwimila imbeli, niva mulindila mulitala lia turoha. ⁶ navutswa khwambukha nu khurula mu litala lia filipi, lwa mulukha kukhulia mukati kwalombwa vuchila mamela kwali nu kuvwele matukhu karanu nikakhavira khwiyunga navo mu litala lia turoha wa khwamenya khu matukhu sapa. ⁷ litukhu likhuranga lilisitsa, vechi vosi vitsa halala nukhulia shiukhulia shia halala. Paulu yalomoloma khu vandu, khandi natsilila khulomoloma khutukha hakari mu vutukhu shichila yali natsitsanga khurula mulitala lienelo khulitukhu lialondakhu. ⁸ khandi tsitaha tsinyishi tsiakha vulavu munzu yi korofa ya vakanilamu. ⁹ musatsa muvukha walangwa ngwa Ahutuka yali wikhale mu litirishab yaranga khurengetsa, lwa Paulu yalomoloma khuluhono tsindolo tsiamukumila, yakukha nakwa hasi khuvirila mu litirisha khurula mu gorofa ya khavaka ma nivamunyola umali khukhutsa. ¹⁰ Navutswa Paulu yikha hasi, namukhumbelela navola mukhahenda mwoyo tawe shichila vulamu vwevwe vushili muye. ¹¹ Paulu yakalukha mugorofa nameka mukati nalia, yalomoloma navo khuluhono khali khutukha mu mavwevwe, yamanya yarulaho. ¹² vavukula musa muvukha mwenoyo nivamuhila ingo nashili mwoyo. manivaleminywa muno mu mioyo chiavo. ¹³ Navutswa lwa khwisundakhu hambeli khu imeli khwambukha nikhutsia mu litala lia Asosi wa khwaninyinya Paulu mu imeli yali ukhuvolele khukhole khurio.shichila yenyanga khutsiayo khuvilenje. ¹⁴ lwa yakhunyola nu khuli Asosi. khwasinjilitsa imeli naninamu nukhutukha mu litala lia mitulene. ¹⁵ litukhu lialondakhu, khwambukha nu kutukha mulitala lia kihosi.litukhu liakhavili lialondakhu khwambukha nukhutsia havundu halangwangwa samosi, litukhu lia khavaka khwatukha mu litala lia mileta. ¹⁶ Paulu yali ninganakani yukhutsilila nuluchendo lwelwe vuchila khusinjilakhu mu litala lia Efeso shiyenya khumalila vwiyangu vwevwe mu lusomo lwa Asia. yali nilienya liu khutukha vwangu yerusalemi kanyalikha ku litukhu lia pentekoste. ¹⁷ lwa Paulu yali niyakharula mu litala lia melita yarumana likhuva mu litala lia Efeso khu vasakhulu vi likanisa niyenyanga vakone navo. ¹⁸ lwa vatukha khuye yavavolela, munyi vene mwamanya khuli lwa namenyanga na munyi khuranjila khulitukhu liu khuranga natukha mu lusomo lwa Asia. ¹⁹ Narumishilanga mwami nu mwoyo ku vwichehitsi nu khulila malika, khali niva nikhutsila mumachelitso khulondokhana vayahudi vali valoshitsi khunzira. ²⁰ mwamanya shinamuria khumuvolela makhuva kali nuvukhonyi khu munyi lwa nilwatsanga khandi ninzechitsa vandu havulavu khali mutsingo tsienyu tawe. ²¹ navolela vayahudi nende vandu vi tsmbia tsindi vuchila khuvisa, kenyekhanga vikanili khurula mu vwoni vwavo khurula khu nyasaye khandi vasuvili mu mwami weru yesu kristo. ²² Nunundi Roho mutakatifu anzimililanga khutsia yerusalemi, navutswa shimanyikhu shianzitsanga khunyolayo tawe. ²³ Namanya shia mulitala likali liosi,Roho mutakatifu naye wanjelihitsa ichela nende manyakhano kanindilila. ²⁴ Navutswa shimbukulanga vulamu vwanje khuva ni shindu shikali tawe, menyanga vutswa khurweshitsa muhinzi kwanje, khandi male vutswa muhinzi ku mwami yesu yamba khole khwilwatsa ivanjeli yitsimbavasi tsia nyasaye. ²⁵ Navutswa manyi vulayi mundu avulakhuho mu munyi vosi wa nachendelela ninzilwatsanga vwami vwa nyasaye ulitsa khulolakhu mumoni mwanje khandi. ²⁶ khulwa yako wenyanga khumuvolela nunundi, ndi museletse khurula mumasayi ka vandu vosi. ²⁷ shichila shinamuvisa khumwilwatsila lienya lia nyasaye liosi tawe. ²⁸ mwihenze vene vulayi, mulindi shiayo shiosi shia Roho mutakatifu yamuha khusinjilila. makhandi muve vayi vi likanisa lia nyasaye, lia mwene yakhola khuva lielie khuvirila khu masayi ku mwana wewe wonyene. ²⁹ manyi vulayi lwamba ninzili vihulukhu vilinjila mu munyi nukhusalanyinya shiayo. ³⁰ khali valala khu munyi vene mulitsa khukoyanyinya katoto, nimuvolela vasuvili vuveyi khu valonde. ³¹ khulwa yako muve vacheli, khandi mwitsushitsi khumanya nali namenya ninzechitsanga munyi khu mihika chivaka, vutukhu na mbasu nindilanga milika. ³² musalilanga nunundi khu nyasaye amulindi khandi munyole likhuva li tsimbavasi tsietsie, lili nitsingulu tsiu khumumbakha nukhumuha tsikhavi tsia nyasaye yenyanga vandu vave natsio vosi. ³³ shikali nikombakhu ifetsa noho itsahabu noho inguvu yu mundu wundi tawe. ³⁴ munyi vene mwamanya nakhola muhinzi na makhono kanje, khu nyole shia nyenyanga. ³⁵ Namumanyinya shia shindu shiosi khuli khunyala khukhola mihinzi munjila yu khukhonya vandu vateshele nukhwitsushitsa makhuva ku mwami yesu mwene yavola, ali ni ikhavi mundu uhananga khuvira unyolanga. ³⁶ lwa yali namali khulomoloma yasikama navo vosi hasi nivasala. ³⁷ vandu vosi valila, nivamukhumbelela Paulu nivamuha milembe chiu khukholelana malayi. ³⁸ vavelelitswa khushila muno muno khulondokhana khu makhuva ka Paulu yali navoli, valitsa khuvula khumulolakhu khandi. khulwa yako vasimukha nivamuhila mu imeli.