¹ Nakikholekha kari, Apolo lwa yali nali mulitala lia korinzo, Paulu yakhalakanyila ikulu wu lusomo lwenolo natukha mu litala lia Eteso, hayanyola veechi valala. ² yavareva, lwa mwasuvila mwanyola roho mutakatifu? navo vamuchipa khali khushili khuhulilakhu roho mutakatifu naliho. ³ Naye yavareva, mwabatiswa khuvirila munjila shina? vamuchipa, ''khuvirila mulibatiswa lia Yohana. ⁴ Paulu yavavolela, libatiswa lia Yohana liali liu khikanila khurula mu vwoni, navutswa vasuvili mu mwoyo wali niyitsanga inyuma wewe naye nali yesu kristo. ⁵ lwa vahulila vario, vabatiswa khuvirila mu lira liu mwami yesu. ⁶ lwa Paulu yali niyakhavikha khuvo makhono keke, roho mutakatifu yitsa khuvo, nivaranga khulomoloma mutsinomonomo tsindi nivaprofeta. ⁷ na vandu vosi vali himbi likhomina vavili. ⁸ naye yinjila mu lisinagogi, khandi khu mieli chivaka yalomoloma navo vuchila khuria, nachelitsanga khuvavolela katoto khulondokhana khu vwami vwa nyasaye. ⁹ Navutswa valala khuvo vali vahaka khandi vali vayambakhana khusuvila. varanga khhulomoloma vindu vitamanu khulondokhana khu injila yu mwami imbeli wi shituma, yamanya yavukula veechi vandi nivarulaho, yahangalitsana navo mulomoloma vuli khase khosi mu isukulu ya vechitsilamu vandu havundu halangwangwa Turana. ¹⁰ kikholekha kario khu mihika chivili khu kalomba vandu vosi vu lusomo lwa Asiia, vayahudi nende vandu vi tsimbia tsindi nivahulila likhuva liu mwami. ¹¹ nyasaye yakhola vilolishitsu viukhchenyinya khuvirila mu makhono ka Paulu. ¹² khandi vitambaya via makhono nende viu khwambala via yali narumishili viayilwa khu yavo vali nivalwala, navo valwala mu vulwale. ma roho mitamanu nichirula muvo. ¹³ vayahudi valala vachenda shia havundu hosi, nivakhunganga roho mitamanu, varumishila lira liu mwami yesu khulola ndio. nivavola"khukondeshelanga khuvirila mu lira liu mwami yesu ha Pauli yilwatsanga." ¹⁴ Na khwaliho na vana vishiyayi saba, vu mukali wa vasalisi vosi vavayuhudi valangwa sikava vakholanga vario. ¹⁵ Navo roho mutamanu yavavolela,"namanya yesu khandi namanya Paulu, navutswa munyi muli vanga vina?" ¹⁶ mundu wali na roho mutamanu muye yasila nakwa khuvo manakur vosi nitsingulu yavarumula tsingumi vutamanu muno nivilukha nivali shiekenye. ¹⁷ lwa vaguriki nende vi litala lia Efeso vahulila vario, vosi varia, ma nivahana vukhumi khu lira liu mwami nyasaye. ¹⁸ Vanyishi khu vasuvili vitsayo niviyema havulavu, khandi nivavola imbeli wa vandu mima mitamanu chiavo mitamanu chia vali nivakhola. ¹⁹ vandu vanyishi vakholanga vukhumu, valera vitapu vienevo halala, nivavisamba imbeli wa vandu vosi vavalitsa vukuli vwi vitapu vienevo, nivanyola vutukhanga ifetsa vitonye tsihelefu makhomi karanu. ²⁰ khulwa yako, likhuva liu mwami lia manya lialanda shia havundu hosi khandi nilitsilila khuva nitsingulu. ²¹ Lwa vindu yivi viakholekha Paulu yakanakana mu mwoyo kwekwe khukhalakanyila makadonia nende Akaya, khutsia yerusalemi yavola lwamba nina khatukhayo, natsiakhu khandi mu litala lia Roma. ²² khu lwa yako ya manya ya ruma vakhonyani veve vavili, Timoteo nende Evasito khutsia mekadonia naye mwene yatsilila khumenyakhu matukhu mati mu lusomo lwa Asia. ²³ Mumatukhu kenako khwali ni shileche shinyishi mu litala lia Efeso. ²⁴ Khandi mundu mulala mwiranyi wi vivia yalangwangwa Demeturio yalomba vindu vinyishi khurula khu ifetsa kachila ya lera vukhala khu yemwene nende vahinzili vandi veve. ²⁵ Yavalanga halala na vahinzili vandi vakholanga muhinzi khuli kwekwe navavolela, vandu munyi mwamanya khunyolanga miandu chieru khurula khu muhinzi yuku? ²⁶ Munyi vene muloli khandi muhulili makhuva ku mundu Paulu akholanga, shikali mu litala lia Efeso lionyene tawe, navutswa shia havundu hosi mu lusomo lwa Asia avolelanga vandu ndi vanyasaye va vandu valomba shivali vanyasaye tawe na vandu vanyishi vali khuluveka lwelwe. ²⁷ vutinyu vwa khuli navwo vuvele vuri, muhinzi kweru khunyala khunyola lira litamanu khandi shikali ni kenako konyene tawe navutsa vutinyu vundi vwa khuli navwo ni litembeli liu musabwa mukali lia Diana, shilili nuvukhonyi tawe, kenyekhamga vukhumi vumusambwa kwenoko vwononyinywi shichila nakwo kwa vandu vulusomo lwa Asia nende shia avundu hosi mushivala vasalakhu. ²⁸ lwa vandu venavo vahulila makhuva kenako vali nu vurima valanjilila nivavola Diana litala lia Efeso, wayitsula tsingulu tsinyishi. ²⁹ vukoyanu vwalanda hia havundu hosi mu litala lia Efeso vakumila Gayo nende Avistilika vandu va makadonia navo vachendanga halala nende Paulu, nivavahila mu shikuri shi mivayo. ³⁰ Paulu yenya atsi khwinjilila mu shituma shia vandu venavo navutswa vechi vamwikalila. ³¹ vimilili valala vu lusomo lwa Asia nivali valina va Paulu, vamurumila likhuva liu khumukhonya avuli khwinji;a mushikuri shi mivayo. ³² navutswa vandu valala valanjililanga shilalala na vandi lukanu, ma shikhalo nishikoyana shichila valala khuvo shivali nivamanya shivune shichilanga nivakana halala tawe. ³³ khulwa vandu valala vamanya vavola vari Alekisanda naye wachila vindu vienevo nivikholekha ma vayahudi nivamusinjilitsa imbeli wavo. Alekisanda yachela mukhono kwekwe mu van du vahonjele navola makhuva keke mwene ku khwishinga. ³⁴ navutswa lwa vamanya nu muyahudi, vosi valanjilila halala khu tsisa tsivili nivavola Atemisi ni witsingulu mu litala lia Efeso. ³⁵ navutswa muhandichi wi litala, yavolela vandu vahonjele. vavolela munyi vaefeso vashianje ni vina uli munyi wakhamanya litala lia Efeso nalio litempeli lilimu nu musambwa kwi tsingulu ku munasaye Diana kwakulukha nukurula mwikulu. ³⁶ mundu avulakhuho unyala khwambakhana vindu yivi, khulwa yako, muhonjele mamuvuli khukholakhu shindu shiosi shitamanu. ³⁷ navutswa muleri vandu yava hanu, khali niva shivahuvi mu matempeli keru noho khunyeka nyasaye weru wi shikhali tawe. ³⁸ niva Demeturia nende vahinzili vehie valola vutamanu khu mundu wosi vakare havulavu nende vimilili vwi tsisomo vanyala khuyalilwa iweneyo. ³⁹ navutswa niva muli ni likhuva lindi likali khuvira lienelo liu khukholelwa, linyala khuviritsilwa havulavu mu shikhalo shia vandu. ⁴⁰ khulondokhana khu kakholeshe nunundi khunyala khuyalwa khulwa khukhola shileche khuvulakhu shivune shia khunyala khuhana khwishinga khu vukoyanu vwenovo tawe.