¹ nikakhamala khwikholela, Paulu yarula mulitala lia Atseni vatsia mulitala lia korinzo. ² khandi yanyolayo walangwangwa Akwila wivulwa mulitala lia Poutia, walinavuli mushivala shia Italia nu mukhali wewe prisila, shichila kilaudia yali wahana lilako vayahudi vosi vavuli mulitala lia Roma yasimukha hatsia khuvalola. ³ khandi shichila yali mulombi wamahema khuli vo, yamenyayo nakholanga navo muhinzukwenoko. ⁴ shia litukhu lisabato yahangalitsana nanavo muliloloma lisinagogi na chelitsanga khuhombelitsa vayahudi nende vaguriki. ⁵ lwa sila nende Timoteo vatukhayo nivakharula makadonia, Paulu mwoyo kwekwe kwitsa ikulu, nachelitsa khuvolela vayahudi yesu naye masiha. ⁶ lwa vamuhinganyinya nivamunyeka yaleka manasukuya lukushi khurula muinguvu yeye yavavolela masahi kenyu kave khu mirwi chienyu khuranjila nunundi nzitsanga khutsia khu vandu vitsimbia tsindi. ⁷ khandi yasimukha natsia mu inzu yumundu walangwangwa yusita wasalanga khu nyasaye, yali himbi khu lisinagogi. ⁸ khandi mwimilili wi lisinagogi walangwangwa krisipa yasuvila mu mwami, halala na vandu vosi vi inzu yeye vakorinzo vahulila milwatso nivabatiswa. ⁹ vutukhu vundi mwami ya volela Paulu mumalovolekha khuria navutswa ustilili khulomolomavuchila khuhonjela nukhulera milembe. ¹⁰ shichila ndi halala hivi mundu avulakhuho atsitsanga khukhusalilitsa vandu vanyishi mu litala linu na vanje. ¹¹ khandi yamenyayo khumuhika mulala ni mieli sita niyechitsanga vandu likhuva lia nyasaye. ¹² navutswa lwa Galiho yali mulondi wakhaviuli wa akaya, vayahudi valangana halala vosi nivakumila Paulu nivamuhila mushina. ¹³ vavola, khuyalanga munduuyu shichila yavolela vandu vasale khu nyasaye munjila ya malako kambakhananga. ¹⁴ navutswa lwa Paulu nali vali himbi khulomoloma Galiho yavolela vayahudi niva ni kilikali muyalanga mundu uyu shichila vindu vitamanu noho vutamanu vutswa vwa yakhola nyalakhu muhulishitsa ¹⁵ navutswa lwa lili likhuva likhuva khulondokhana khu mira nende malako kenyu vene munyi vene mulavitsa kenako shiinyala khu mukhalachi wi vindu khulinenevo tawe. ¹⁶ khandi yavakhunga khuvula mushina. ¹⁷ navutswa vakiriki vosi vakumila sosiyene wali nali mwimilili wi lisinagogi, nivamukhuvila imbeli wi shina, navutswa Galiho shiyahenditswa mwoyo tawe. ¹⁸ Paulu yasililila khumenyayo halala na vasuviri vandi khumatukhu manyishi, yamanya ya valekha niyambukha na Prisila nende Akwila natsia mu shivala shia Siria yavekwa liswi lielie khulondokhana khuli lwa yali nilisuhi. ¹⁹ Lwa yatukha mu litala lia Eteso, yavalekhayo naye ninjila mu lisinagogi khuhangalitsana mulilomoloma na vayahudi. ²⁰ Lwa vamureva atsilili khumenya navo khumatukhu manyishi, Paulu yambakhana. ²¹ navutswa yavasevula navavolela kenyekhangandushi mu livukana lia yerusalemi niva nukhulondokhana khulienya lia nyasaye wakalukha khu mulola. ²² Lwa yatukha mulitala lia kaisari, yatikulukha yerusalemi khutsia khuha vandu vilikanisa milembe ya manya ya kholomokha natsia mu litala lia Atiokia. ²³ Lwa yamenyayo khumatukhu mati, yarulayo navirila shia havundu hosi mu lusomo lwa Galatia nende Firigia natinyilitsanga vasuvili vosi. ²⁴ Khandi muyahudi mulala walangwangwa Apolo, wali niyivulwa mulitala lia Eteso, yali mulomolomi mulayi khandi yali wamenya vulayi vwene mahandiko matakatifu. ²⁵ mundu mwenuyu, yali wayechitsa muinjila yu mwami na shichila yali nitsingulu muroho, yalomoloma niyechitsa makhuva katoto khulondokhana khu yesu navutswa yali wamanya makhuva khulondokhana khu libatisa lia Yohana lionyene. ²⁶ khandi yaranga khu lomoloma mu lisinagogi vuchila khuria navutswa lwa Prisila nende Akwila vamuhulila vamuvukula nivamuhila haluveka, nivamuvolela vulayi vwene makhuva khulondokhana khu injila ya nyasaye. ²⁷ Lwa yenya khwambukha khutsia mu litala lia Akaya vasuvili, vahandika ibarwa khu vechi vamenyayo vamwinjilitsi lwa yatukhayo yali nuvukhonyi muno khu yavo vali nilisuvila khuvirila mu tsimbavasitsia nyasaye. ²⁸ khandi ya hangalitsana mulilomoloma havulavu na vayahudi na vakura, navanyinya mumahandiko matakatifu yesu naye masina.