¹ vasatsa vashianje nende vatata , mbulishitsikhu lwa mbolanga makhuva kanje ku khwishinga imbeli wenyu ² lwa vahulila nalomolomanga muluhebrania vatsilila khuhonjela ma natsilila khuvola. ³ Ndi muyahudi wuvulwa mu litala lia Tarisa mu lusomo lwa kilikia, navutswa vatushila hanu mu yerusalemi khuli mwechi wechitswa na Gamalieli, navolelwa mivalo ka vakuka veru, khandi nali wayihana nu mwoyo kwosi khu nyasaye, khuli lwa munyi muli hanu nunundi. ⁴ Natambitswa khali ninzira vandu valondanga injila yu mwami. nakumila vandu vasatsa nende vakhali nivavoha muchela. ⁵ mukali wa vasalisi vosi nende shikalo shiosi vanyala khuhana vushiahidi mbolanga katoto khali vambetsanga tsibarwa tsiu khuhila khu vayahudi vashianje vi litala lia amasika. natsitsayo khukumila vandu valiyo nukhuvalera nivavohelwi yerusalemi khwitsa khusalilitswa. ⁶ lwa nali nindi khuluchendo lwanje, nindi khutukha mulitala lia Damasika, himbi mbasu hakari nonoho vulavu khurula mwikulu vwasashila shia havundu hosi. ⁷ Nakwa hasi nimbulila mwoyo nikumbolela saulu, saulu shichila shina undambitsanga? ⁸ Nareva mwami uli vina?nambolela ninzi yesu wa Nazareti wa utambitsanga. ⁹ vandu vali nivali ninzi valola vulavu vwenovo, navutswa shivahulila mwoyo kwa oyo yalomolomanga ninzi tawe. ¹⁰ Namureva mwami nishina shianyala khukhola?mwami yambolela, sinjila utsi mu litala lia Damasika valakhuvolela shindu shiosi shia wenyekhanga ukhole. ¹¹ lwa nakhaywa khulola shichila vulavu vunyishi vandu vali ninzi vangumila mukhono nukhunzimilila khutkha mu litala lia amasika. ^{13 12} Kwali nu mundu walangwangwa Anania mulitala lia damasika yali mundu wali niyihana nu mwoyo kwosi khulonda ka malako kavolanga, ¹⁴ Khu lwa yako yambolela, nyasaye wa vakuka veru yakhurovola umanye lienya lielie khandi ulole murukishi wewe wi likhola liuvulunji, nu khumuhulila mwene nalomolomanga. ¹⁵ Nivi mwene ulitsa khuva mushindi wewe khuvolela shia mundu wosi makhuva khulondokhana khu vindu via uloli khandi nuhulila. ¹⁶ Shichila shina utsilili khulindilila? sinjila ubatiswi vwoni vwovwo vurulitswiho, lwa uva nusalanga khuye. ¹⁷ Lwa nakalukha yerusalemi, khandi lwa nali nisalanga mu litempeli nalola malolo. ¹⁸ Nalola mwami nalomolomanga khwinzi nambolela, khola vwangu uruli mu yerusalemi, shichila vandu vali hanu yava shivanyala khuhuchilila vushiahidi vwovwo khwinzi tawe. ¹⁹ khandi na chipa, mwami vene vamanya vulayi natsitsanga mu masinagogi khukumila nu khurumula vandu vasuvilanga yivi. ²⁰ Lwa mushiahidi wowo stefano yirwa, inzi naliho mwene, nisalamga khu lirwa lielie khandi nininde tsinguvu tsia vandu vali nivamwiri. ²¹ Nalwo lwa mwami yambolela, rula hanu shichila nitsa khukhuruma ihale khu vandu vi tsimbia tsindi. ²² vandu vahulishitsa, navutswa vandu venavo vanjilila ikulu nu mwoyo mukali nivavola"murulitsiho yirwi, avuli khutsilila khuva mwoyo,' ²³ valanji;lila nivachinga tsinguvu tsiavo ikulu, nivasiuva lukushi mu vushindu. ²⁴ mukali wa vasikali yahana lilako vamukumili vamuhili mulumande nukhuhenzelitsa shivune shichilanga vandu nivalanjilila nunjila yeneyo shichila ye. ²⁵ Navutswa lwa vali nivakhamuvoha khu mikoye Paulu yareva mwimilili wavo wali nasinjiliho, malako keru kanyala khuhuchilila muroma khuvowa nashili khukhalachilwa ukholi vutamanu vwosi. ²⁶ lwa musikali mwenoyo yahulila ario yasimukha natsia khu mwimilili wavo namureva ni shina shia wenyanga khukhola? mundu uyu nu muroma. ²⁷ nalwo lu mwimilili wavo yasimukha natsia khu mulola namureva, mbolela ni kilikali unyala khuva uli muroma? ²⁸ mwimilili wavo yamuvolela inzi narunga murungu munyishi khukholwa muroma na Paulu. yamuvolela inzi nivulwa vutswa khli muroma. ²⁹ vandu vali himbi khumureva marevo varulaho vwangu na mwimilili wavo naria shichila yali wakhamanya Paulu nu muroma, khandi shichila yali wamuvoha niminyololo. ³⁰ Navutswa litukhu lialondakhu mwimilili wavo mukali yikomba shivune shichilanga Paulu nayalwa nende vayahudi khulwa yako yavoholola Paulu khandi nahana lilako, vasalisi vakali nende vishikhalo vosi khwakanila halala naye Paulu yasinjilitswa imbeli wavo.