¹ Ak kingo kagotarji ng'alekchi tugul itikab biko, kwo anyun Kapernaum. ² Kimi kiptayatab bogol ne kitinye otwogindet ne kichame komie , ak kimiani otwogindonoto ne ki legit kome. ³ Ak kingogas agobo Jeiso, koyokto boisiekab Yahudik kosaisai inendet kwo konya otwogindenyi. ⁴ Ak kingoiit icheget ole mi Jeiso, kosaisai inendet eng' chokchinet , koleji "nyoljini inendet iyachi ko u noto, ⁵ amu kichame emenyi ago kitekwech kapkorosut." ⁶ Kwo anyun Jeiso ak icheget. Ak ye ki ngo ma ko loo eng,' koyoto,koyokto kiptaiyandanoto chorondokchi koba ole mi inendet ak koleji,"Kiptayandani ama ta iimchige amu ane ko mai chito ne muchini inyo gonyu. ⁷ Noto anyun mamuchino mbo anyo anyorun, mwa ngolyot kityo si komuch kosob otwogindenyu. ⁸ Mbo ane nganda aii chi ne kiboiywo , atinye murenikab luget che abou. Ak ngaleji ni, 'wui' kwo, ak ngaleji age, 'nyo' konyo ak ngaleji otwogindenyu, 'yai ni', koyae. ⁹ Ak ye kingogas Jeiso ngalechoto, kokwong' agobo inendet, kiweechge kotopen tuiyet ak koleji che kirube inendet, ',amwawok ale, tomo anyoru kayanet ne o ne teno ni, mbo eng' Israel. ¹⁰ Ak kingo weektage anyun che kiga kiyook koba ga,ko kinyor otwogindenoto kagosoob. ¹¹ Ak ye kingo kagobata betunoto , kwo kokwet ne kiguure Nain, ak kiba kayotoik koboto inendet ak tuiyet ne o. ¹² ak ye kingo rikta kaborutab kokwonoto geer anyun kigisute musyo ne ki bo werit ne kibo kamet inege ak ki mosok chepyosonoto ak kimi inendet koboto biko che chang' chebo kokwet. ¹³ Ak kingogeer Kiptayat inendet , korire ak koleji "amatirir." ¹⁴ Ak kirikta ole legit ak kotwa kito ne kigisute inendet , ak kitononyo anyun che kisute , ak kileji Jeiso inendet, kiptoiyondani kamwaun ale ng'eet. ¹⁵ Ak king'eet anyun ne kia kome ak kotoi kong'alal , ak kimutyi Jeiso kamenyi. ¹⁶ Ak kiiyweis , ak kolos Jehovah kole, kagong'eet eng' kwenunyo maotiot ne o "ak kagorutochi Jehovah bikchi." ¹⁷ Ak kiletage ngalyondonoto agobo inendet koem Judea komugul ak koratinwek tugul che imuti oloto. ¹⁸ Ak kiborji koyoktoikab Johana ng'alechu tugul. ¹⁹ Ak kiguur Johana aeng' che bo kayoktoikchi ak koyokto koba ole mi Jeiso kotebe kole, "tos inendet ne nyoni , nda kigonyi age?" ²⁰ Ak yo ki ka iit biko ole mi Jeiso, koleji inendet, "kago yakweech Johana kabatisanindet kebka ole imite," kale, "tos inyendet ne nyoni , nda kigone age?" ²¹ Eng' kasarata kosobcho che chang' che kitinye mianwokik ak korotwek ak tamirmirik che yaachen,ak kigochi kipkoratinik che chang kogerto. ²² Kowolji koleji, "oba omwachi Johana tuguk che kooger ak che koogas.Ki gerto kipkoratini, ak bendoti che keng'waldos , kitilili che tinye konjoriosiek ak kostoi che ming'otin , king'eti che kigobek , kiamdajini kibananok logoiywek che kororon. ²³ Ak iberurot age tugul ne tese tai koyani eng' anee agobo tuguk che ayae. ²⁴ Kingo kagoba kayoktaoikab Johana, kotoi komwachi tuiyosiek agobo Johana , kole , kinge mande tumoo kwen ogeer nee? Sosiat ne tumtumi koristo? ²⁵ ago kiomande ogeer nee akwe? chito ne ilaachi ngoroik che tabululen ? ogeer icheget che ilachi ngoroik che bo lelesta , ak che meng'isie eng tagurnat komito gorikab laitorinik. ²⁶ ago kiomande ogeer nee? maotiot? wei amwawok ale , siire maotiot. ²⁷ Nito ne kigisir agobo inendet kele , ogeero ayoktoi kiboitiondenyu kondoenen, ne chobe oreng'ung' eng' taing'ung. ²⁸ Amwowok ale , eng' che kisich chepyosok ko mami neo ne sire Johana kabatisanindet kobate inendet ne mining' eng' bounatetab Jehovah ko o kosiir inendet. ²⁹ (Ak ye kingogas biko tugul koboto taagikab aisurut, koiityi imanda Jehovah , amu kiga kibatisan eng' kabatisanetab Johana. ³⁰ Ago macham Parisaik , ak ng'amotikab ng'atutik, kiruogutikab Jehovah, ma makchige amu kima ibatisan inendet icheget.) ³¹ Ak kile Kiptaiyat, "akergeiti ak nee bikab ibini, ak kerge ak nee? ³² Kerge ak legoi che tepsot eng' sirosiek ak ko kuregee kolen, kigekutwak iriambusiek ak ma oureren, kikitien nebo rirek amoririe. ³³ Amu kinyo Johana kabatisanindet ama am makatia nda ko divai, ak omwa ole, 'tinye chesawiliet.' ³⁴ Kinyo weritab chi kwamis ak koeeiso, ak omwae ole, 'ogeer anyun chemoetyo chichi ak eeindetab divaik, choruetab taagigab aisurut ak kiptengeginik! ³⁵ Ak naat ng'omnatet kele bo iman eng' legukchi tugul. ³⁶ Ak kimach age eng' Parisaik kole kwamis ak inendet. Ak kiwo gotab parisaindonoto ak kotebi ng'weny kwamis. ³⁷ Ak geer anyun , kimi chepyoset age eng kokwonoto ne o ne ki kiptengekcho, ye kingonai kole tebche ngweny Jeiso kwamisie eng' gotab parisaindenoto, koib sotet ne mi mwaita ne nyamdut ak ko ng'uu. ³⁸ Ak kitonon eng' let ole legite kelyekchi korire ak kitoi kosochi rirekab kong' ak kobuche sumeekchi, ak kong'utut kelyekchi koile mwaita. ³⁹ Ak ye kingogeer noto parisaindenoto ne kiguure inendet komwa eng' muguleldanyi kole, "nda ka maotio chichi, nda kagonai kole ng'o chepyosoni katiny inendet, ago chi ne u nee, amu ine ko kiptengekcho." ⁴⁰ Ak kiwolji Jeiso inendet koleji, "Simion, atinye ng'olyo ne amache amwoun." Ak kile, "kanetindet mwa anyun!" ⁴¹ Ak kimwa Jeiso kole, "kimi besenindet anyun ne kitinye besenikchi aeng', kibesen age rabisiek bogol mut ak kibesen age konom. ⁴² Ak ye kima kotinye kiy ne iyookchini, konyochi kaat icheget tuwai. Ng'o anyun eng icheget tuwai ne chame inendet kosiir?" ⁴³ Kowol Simion kole, "aleen inendet ne kiginyochi kaat che chang.' Ak kileji Jeiso inendet, "kairuoch komie." ⁴⁴ Kiweechge Jeiso anyun ak kogeer chepyosonoto, ak kileji Simion, "geer chepyosoni. Kanyo ane gong'ung' ama ikono beko aune kelyekchu, ago ka kosachi kelyekchu beekchi bo kong', ak kobuche sumeekyi. ⁴⁵ Ma ing'ututa ago inendet kongeete kaitu kotomo kobagakta kong'ututi kelyekchu. ⁴⁶ Ma iile metinyu mwaita, ago kogoiile kelyekchu mwaita ne nyamdut. ⁴⁷ Amu noto anyun kamwaun ale , kagenyochi kaat tengekwokikyi che ka chang', amu chame mising', ago inendet ne kinyochini kaat kitigin kochame agine kitigin." ⁴⁸ Ak koleji chepyosonoto , "kagenyoun kaat tengekwogiguk." ⁴⁹ Ak kitoi icheget che kimi amisiet ak inendet koamchinige kole, ng'o ne imuchi konyochi kaat biko tengekwogik?" ⁵⁰ Ak kileji Jeiso chepyosonoto, "ka ko sarun kayaneng'ung' wui eng' kalyet."