¹ Ak kiwechge Jeiso konyiitat Tamirmiriet ne Tilil kobunu Jordan, kondochi Tamirmiriet kwo surkwen, ² amu eng' betusiek artam ko kitiem ine chesawilyet. Ak eng' betusiechoto ko ki rugut agoi tun kobek betusiek , kogas kole ame rubet. ³ Ak kileji chesawilyet, "ngot ii weritab Jehovah itiem iwaal koichu koek makatiat." ⁴ Ak kiwolji jeiso inendet koleji, "kigisir kele masabe chi eng' makatiat inege. ⁵ Ak kimut chesawilyet Jeiso kwo tulwet barak ak kobarji ematinwek tugul chebo ng'weny eng' kasarta ne nwach. ⁶ Ak kileji anyun chesawilyet inendet, "agonin kimnatoni tugul ,ak bounatet komugul, amu kigegona ak amuchi agochi chi age tugul ne kacham. ⁷ Ak anyun ngot ikutung'jo ak iloswo agonin tugul." ⁸ Ak kiwolji Jeiso koleji , "istoenoge chesawilyeni" kigisiir kele, 'ilosu Kiptaiyat Jehovah neng'ung' ak iboisiechi inege.'" ⁹ Ak kimut Jeiso kwo Jesrusalem , kwo kotonone kimonjogutab got ne tilil ak koleji , "ngot ii weritab Jehovah isogorte iwe ng'weny eng' yu. ¹⁰ Amu kigisiir kele, 'kiyogu malaikaisiek agobo inye si koribin.' ¹¹ Ak konamatin eng' eunekwai koto matui koi keldong'ung'.'" ¹² Ak kiwolji Jeiso, "kigimwa kele, metiem Kiptaiyandeng'ung' Jehovah." ¹³ Ak kingotar chesawil kotieme Jeiso, kobagakta ine eng' kasarata ne nwaach. ¹⁴ Ak kiwektage Jeiso Galili eng' kimanatetab Tmirmiriet, ak kiletage logoiwekchi eng' emet tugul ak che legite oloto agobo inendet. ¹⁵ Ak kitoi konetis eng kapkorosusiekwai ak kilos inendet biko tugul. ¹⁶ Ak kinyo anyun Nasaret , emet ne kietune, ak, eng' atebtanyi, kwo kapkorosut betutab sabato ko u ye kicham kowendi. ¹⁷ Ak kigikochi inendet bukuitab maotiot Isaia. Ak kisiach bukuit, konyor ole kigakisir kele, ¹⁸ mi Tamirmirietab Kiptaiyat ak ane amu kigiila si aamdoji kibananok logoiywek che kororon, kiyokwa si amuch aamdoji che iimige katiaget, si komuch kogeerto kipkoratinik, ak atiach icheget che kigigoten, ¹⁹ si amuch aamda kenyit ne chamat eng' Kiptaiyat. ²⁰ Ak kiger bukuit, ak kowekchi kogeny kiboitiot ak kotebi ng'weny. Ak kichilji kong' inendet biko tugul che kimi kapkorosut. ²¹ Ak kitoi koleji icheget, "kagosulda rani sirutieni eng' itikwok." ²² Ak kigeerchige tugul inendet ak kokwong'io eng' ng'alek che bo kororindo che kimong'une kutinyi, ak kile icheget, "tos ma weritab Josep nito?" ²³ Ak kiwolji icheget kole, "iman ara ngamwowok kalewenani, 'inyaige inye chepkerichoni! ko u yo kigegas kito ne kiyaak eng' Kapernaum ,yai kora eng' emoning'ung'.'" ²⁴ Ak kileji, "amwowok iman ale mami maotio ne chamakse eng' emenyi. ²⁵ Ago amwowok imanda ale , kimi mosogik che chang' eng' Israel eng' betusiekab Elija, ye kingeeger kurgotikab kipseng'wet kenyisiek somok ak arawek lo, yo kimi rubet ne o emet komugul. ²⁶ Ago ki ma kiyokto Elija kwo gotab age tugul eng' icheget kobate serepta eng' kokwetab Sidon, kwo agoi gotab chepyoso ne ki mosok. ²⁷ Ak kimi che chang' che kitinye mokondosaik eng' Israel eng' betusiekab maotiot Elisha ago kima kisoob age tugul eng' icheget kobate Naaman nebo Siria. ²⁸ Ak kinerekyo tugul eng' kapkorosut kingogas ng'alechoto. ²⁹ Ak king'eetio, ak kotorta inendet komanda eng' kokwet, ak komut kwo chepng'esutab tulwet barak ole kigateech korik si kotorta inendet kong'irta. ³⁰ Ak ki ma ta komuch ak kiwechge inendet kobun kwenung'wai ak kwechige. ³¹ Ak kirektoe anyun Kapernaum kokwet ne o ne bo Galili, ak konet agobo betusiekab Sabato. ³² Ak kikwong'io agobo ng'atutikchi , amu kitinye ng'olyondenyi kimnatet. ³³ Ak kimi chi kapkorosut ne kitinye tamirmirietab oik che yachen, ak kiwaach eng' tuget ne o mising', ³⁴ kole, "bagaktech kiting'e ge nee ak inye , ii inye Jeiso ne bo Nasaret , kenyo icheitarech angetin ale ii inye ne Tilil ne bo Jehovah!" ³⁵ Ak kiger kong Jeiso inendet ak koleji, "sis ak imong'u eng inendet." Ak kinga kowirji chesawilyet kwenung'wai komong'une inendet anyun komaita kiy. ³⁶ Ak kikwong'io bichoto ak king'alaljige ichege eng' ichege kole, "nee ng'olyondoni? Amu ng'ate eng' kimnatet ak kamuktaet tamirmirik che ma tililen komong' ³⁷ . Ak kileetage logoiywek koba oloo tugul eng' emet komugul ak che legite oloto agobo inendet. ³⁸ Ak kimanda Jeiso eng' kapkorosut kwo kap simion. Ak kitinye chepyosetab igoi ne bo simion cheptigonit ak kilale maat ne kolgol, ak kisaisai biko Jeiso agobo inendet. ³⁹ Ak kitonon eng' ole legit ak koger kong' cheptigoniet komanda , kiistoge anyun cheptigoniet eng' inendet ak eng' kasarata kong'eet ak koboisiechi icheget. ⁴⁰ Ak kingo legit kongir asista , komutyi biko tugul bikwai che kimiansot eng' korotwek che magerge ak kigonoor eunekchi agenge eng' agenge eng' icheget ak kisobcho. ⁴¹ . Kimong'une anyun chesawilok biko che chang' korirsot koleen, "ii inye Kristo weritab Jehovah," koger kong' Jeiso icheget, machamchi kong'alya, amu kingen icheget kole inendet ko Kristo. ⁴² Ak kingo ka koech, kwo ole itabanat. Ak kicheng'aat tuiyosiek inendet ak kingonyor inendet, kosaisai si mabagakta icheget. ⁴³ Ak kiwolji icheget, "amache aamdoji kokwatunwek alak ng'olyotab Jehovah amu kigiyokwo ayai boisionito." ⁴⁴ Ak kiamdaat anyun eng' kapkorosusiekab Judea