¹ Eng' kenyitab taman ak mut ko ki laitoriat Taiberia Kaisari , ye ki Gavana ne bo Judea Pontio pilato ak Herod ko ki kiruogindet ne bo Galili, ak ki kiruogindetab Iturea ak Trachoniti , Pilipu werit ne tupcho ak Herod , ak Lusania ko Kiruogindet ne bo Abilene, eng' betusiek che ki tisiindet ne o Anas ak Kaiapa -konyonji ng'olyotab ² Jehovah Johana weritab Sakaria eng' surkwen. ³ Ak kiwo komoswek tugul eng' tabanutab Jordan, koamdoti kabatisanetab sigunet agobo nyoetab kaat ne bo tengekwogik . ⁴ Ko u yo kigisir eng' bukuitab(kipsegeriet) ng'alekab maotiot Isaiah kole, "tugetab noto agenge ne rire eng' surkwen kole, 'ochopchige nyonunetab Kiptaiyat ak ochuul ortinwekchi. ⁵ Ak kimi kora mestowek kokwonoto che kiribe kiyagikwai kemoi. Ak kitonon malaikaiyatab Kiptaiyat eng' ole legite icheget ak kikweny lilindab Kiptaiyat komoswekwai tugul , ⁶ konyogoritu anyun mising'. ⁷ Kimwochi Johana anyun tuyosiek che kibendi ole mi inendet si kebatisan koleji, "oii akwee legukab erenokab ng'wonet! Ng'o ne kagoteiywok omweune nerekekab ne tun nyonii? ⁸ Oii anyun logoek che muchini sigunet, ama tomwa eng' mugulelwekwok ole 'kitinye kwandanyo Abram' amu amwawok ale imuchi Jehovah koboisie koichu kochopchi Abram leguk. ⁹ Mbo ra ko kagendeno aiywet tigitiotab ketit age tugul. Noto anyun ketit age tugul ne maie logoek che kororon ketile ak kewirji ma. ¹⁰ Ak kitebe inendet tuiyet kole, "ara tos kiyai nee anyun?" ¹¹ Ak kiwolji inendet icheget kole "chi age tugul ne tinye ngoroik aeng' kogochi ne matinye ak agine ne tinye amitwogik koyai ko u noto." ¹² Kibka agiche taagikab aisurut si kibatisan, ak kotebe inendet , "kanetindoni kiyai nee?" ¹³ Kowolji koleji, 'matoyaach aisurut che chang' kosir che mache bounatet." ¹⁴ Ak kiteebe askarik agiche, kole, "kiyae nee anyun ache? "kowolji koleji, amosare chi kiy age tugul, amotaam chi eng' lembech. Ak ngoemak melekto ne onyoru." ¹⁵ Ak kingota koganye biko kolen itu Kristo, kolepst eng' mugulelwekwai biko tugul agobo Johana, kobere ngo tos kristo inendet. ¹⁶ Kowolji Johana icheget tugul koleji iman abatisonok eng' beko ago nyoni inendet ne o kosiiro ne mamuchi mbo atiach anogab kweonikchi, ibotisonok inendet eng' Tamirmiriet ne Tilil ak maat. ¹⁷ Tinye keibet eng' eunyi ak kotilili komie kiyeng'ut ak koyumji nganuk chogenyi ago bele metetek eng' mat ne ma restos. ¹⁸ Kiamji anyun biko logoiywek che kororon ak katigonutik che chang'. ¹⁹ Ago ye kingo kagoger kong Johana kiruogindet Herod agobo Herodia , chepyosetab wering'wai Pilip ak tugul che yachen che ki ka koyai Herod, ²⁰ kotesyi chuto anyun ak chun tugul si kowir John korgoret. ²¹ Ak yo kingo kagibatisan biko tugul, ak kagibatisan Jeiso agine, ak yo kitese tai kosae, koyatak kipseng'wet, ²² ak kichorjige inendet Tamirmiriet ne Tilil ne kerge ak cheptuget ak komong'une tuget kipseng'wet kole, "inendet ko ii werinyu chamanenyu abaibai mising' eng' inye. ²³ Ak kingotau Jeiso konetisienyi , ko ki legit kenyisiek sosom (kobere bik ) weritab Josep weritab Heli, ²⁴ ne ki weritab Matat, weritab Lawi, weritab Melki, weritab Janna, weritab Josep. ²⁵ Weritab Matatia, weritab Amos, weritab Naum, weritab Esli, weritab Nagai, ²⁶ weritab Maat , weritab Matias, weritab semei, weritab, Josek, weritab Joda ²⁷ Weritab Joanan , weritab Resa, Weritab Saobabel, weritab Solatiel, weritab Neri, ²⁸ weritab Melki, weritab Adi, weritab Kosam, weritab Elmadam, weritab Er, ²⁹ weritab Jose, weritab Elieza, weritab Jorim, weritab Matat, weritab Lawi. ³⁰ Weritab Simion, weritab Juda, weritab Josep, weritab Jonam, weritab Eliakim, ³¹ weritab Melea , weritab Menam, weritab Matata, weritab Nathan , weritab Daudi, ³² weritab Jesse ,weritab Obed, weritab Boaz , weritab Salmon , weritab Nasion. ³³ Nasion weritab Aminadab , weritab Admin, weritab Arni, weritab Esron, weritab Peres, weritab juda, ³⁴ weritab Jakobo, weritab Isaak, weritab Abram, weritab Tera, weritab Naor, ³⁵ weritab Sarug , weritab Reu, weritab peleg, weritab Eber, weritab Sela. ³⁶ Weritab kainan , weritab Arpaksad , weritab sem , weritab Noa, weritab Lamek, ³⁷ weritab Metusela, weritab Enok, weritab Jared , weritab Maalel , weritab Kainan, ³⁸ weritab Enos, weritab Set, weritab Adam, weritab Jehovah.